1 Pita 3:18 - Godigo dwagi yai po buku

¹⁸ Magi baso meni. Te Krais aga digi agai dago yali dwai sę sęgę sela sąmainogo aga deli sogo naga isali. Tama aga te doloba pai bidi mu bidai goli, tama agai da doloba pisiąwai bage te God pageba sesimainogo agai da tobade dene sali. Bidi dabe augwaligo aga tigi isilali. Me ma Godigo Mobo Bidigo Krais bidimainogo ma hodolali.

1 Pita 3:18 Referans Kwoze

Hibru 9:28

Te tiwai me Kraisgo te aga bidibo ula aga digi te Godibolo deli sogo naga mani, te we bidi hauwago sęgę sela sąwainogo eyu tama tiai. Nosali te aga si sogo ma asiyu, te agai te sęgę sela sąwainogo me asogobeo. Menio. Te aga ma asobode te dwagi yai homu elama tonaluyu bidali te we bidi dabe augwali naga te agai mu ma sagasaibao.

Hibru 9:26

Te agai hauwa sogo te sę egi sogo da, teda aga dene hauwa sogo toloyu, te Godigo tǫ nigali sogo gagalama tama megi e sogoba usu nagasigi dao. Tiali goli menio. Megi e sogo tigidali te pąde silainogo ebaso, tama Krais e tǫba deli sogo naga mu asali, te aga digi aga bidibo ula te Godibolo menama, tama te we bidigo yali dwai sę sęgę sela sąwainogo yai dao.

2 Korin 5:21

Te bidi Krais agai dwai sę me isąwai, tiali goli da tobade Godigo dago dwai sę yali sęgę tigidali agaba sisinama, tama aga te dwai sęgę sai bidi tiwai mu pedalai. Agai tama tiali te da Kraisde wadolomainogo yali, tama agai bomogo da te Godigo gedude doloba pai we bidi pedalomainogo yai dao.

1 Pita 4:6

Tama te Krais agai te isali we bidi dali me te po tų ebo sisi yai elaluyu, tama agai te polobadu isai we bidi dali me te Godigo gesi dwagi yai po pusigi pai. Magi basowe? Te God agai augwali osola sulama, tama augwali isali, te tigidali tǫde bidibo we bidi tiwai. Tama augwaligo tigi isali goli, augwaligo noma bidi te God tiwai bidimainogo Krais agai augwalibolo te Godigo po pusigi pai.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.

1 Jon 1:9

Tiali goli dago yali dwai sę dabe po dago te Godibolo pusuyu da, teda agai aga polobadu dąų wali po wali peyu, tama agai da dali te doloba pai kolesaga naga eyu yaibao. Agai dago dwai sę yali sela sąwaibao, tama dago yali dwai kolesaga tigidali agai sela sąnama tama da te meda isąwai we bidi ilaibao.

Polgo Po Pas Rom Dabeba Asęani 4:25

Godigo Jisas e tǫba tagala palali te aga isąma dago dwai sę yali sęgę sela sąmainogo yai. Tama tiyu me, Godigo aga te gų pagede ma hodolaligo te agai da doloba pai we bidi nogi emainogo tiai dao.

1 Pita 4:1

Te bidi Krais aga tigide dene saligo da, teda dage bomo siyu bugagia bidimainogo eyu, dagego agai yali homu kolesaga tiwai gilama yao. Magi baso meni. Niwai bidi agai dwagi yai sę yali goli aga dene siyu da, te bidi agai te dwai sę ebo tagalai dao.

Polgo Po Pas Rom Dabeba Asęani 8:3

E tiwai yai dao. Te dena tigi tomode bidibo dwai sę ilibo kolesaga elalubaso, dago te Godigo bomai po dolo wali peyu tama da doloba pai we bidi pedalisiąbo dao. Tiali goli God aga digi da doloba pai we bidi aga gedude pedalalio. Agai aga Ogwa naga tagala palai, te aga tigi te da dwai sę ebo bidi tigi tiwai elaluali. Aga dago dwai sę yali sęgę sela sąwainogo asai, tama da bidigo dwai sę yali dene te Godigo aga delide naga wei ponai dao.

Galesia 3:13

Tiali goli dago koneai, da te sę ebode usubeo, da te bomo yai po tigidali mu wali pisąwai bage dao. Tama tibaso, da te Godigo dabolo maiabo dwai sęgę dologode bidali. Tialima, Krais agai da ma abelama, tama megi da te dwai sęgę dologode bidibo menio. Tama agai da ma abelali sę e tiwai yali, agai te Godigo dabolo maiabo dwai sęgę aga tigide selama, tama aga digi isali. Tama Godigo po bukude te po me deli e dao, “Te augwaligo nide walali bidi te bidi te Godigo dwai sęgę maiabo bidi dao,” te po asęani. Tama augwaligo Krais eleyu, te ni pedaide walama, tama aga da tobade te Godigo dwai sęgę maiabo bidi aga pedalai.

Galesia 1:4

Tama Krais agai te dago Aya Godigo homu wali peyu, tama aga digi aga bidibo ula olo mayu, agai dago yali dwai dwai sęgę te sela sąwai. Tama tiyu agai homu da e tǫde megi elalubo dwai kolesagade sela pomainogo yai.

2 Korin 13:4

Magi baso meni. Polobadu agai aga digi bomo meni yai bidi tiwai ilama tama bidibadi, tama augwaligo aga ni pedaide elali goli, Godigo bomogo megi aga bidibo ulade ma bideibao. Tama da aga dali wadolama, tama da me bomo meni yani tiwai bidibao. Tiali goli Godigo bomogo da aga dali bidibo ulade bidibao. Tama dago te bomo dage tomoba hanilaibao.

Polgo Po Pas Rom Dabeba Asęani 5:2

Aga me agaduba deligo da megi te bidibo te wiegi yai olo tau mabo kolesaga tomoba pomainogo tų dalalio. Dago agade konealubo po dąų weyu, tama agai te tų tama dalama, tama Godigo dabolo aga genuai nogi tiwai genuai nogi me maiabo sogo asobo dago tonalubao. Tama te asobo sogo tonalubadi dago wiegi yai homu pemene ebo dao.

Polgo Po Pas Rom Dabeba Asęani 1:4

Tama me ma te wiegi yai kolesaga ebo Tedali Mobo Bidigo bomo eyu aga sa hania muani, aga te Godigo Ogwa da wai. Godigo aga te gų pagede ma hodolama, tama tebogo agai te we bidibolo aga Godigo Ogwa mu dao ola mayu waselai dao. Aga dago Genuai Bidi Jisas Krais dao.

Jems 5:6

Dagego te wiegi yai doloba pai bidi dabe po tų elama, te bidi dabe augwali ela muai. Tama dagego augwali dali te dwai sę ebadi yaide, augwaligo dage dali po wei ponobo usu ebeo.

Godigo Sęba Tagala Palai Bidigo Po 3:14

Tiali goli, dagego te bidi Jisas tudiba muani, dwagi yai kolesaga yai bidi, mu doloba pai bidi dao. Dagego te kiap Pailat hanaluyu, ‘Te bidi Barabas olo tagalama, da mao,’ te po wai.

2 Korin 1:24

Te dagego Kraisde konealubo po dąų olama, agaba homu tialubo te dago tonalubo tiwai me egobeo. Menio. Te agaba tialubo kolesagade dage bomo elama dolalubao. Tama dago sę dage dali eyu te dagego wiegi yai homu pemene ebo te pedalomainogo tebo dao.

Polgo Po Pas Rom Dabeba Asęani 8:11

Godigo Jisas te gų pagede ma hodolai. Tama te sę yali Godigo Mobo Bidi dage tomode bidaligo da, teda te Krais te gų pagede ma hodolali bidi agai te dagego osogo bidibo isabo tigiba te bidibo ula me mayu tama dage me gų pagede ma hodolaibao. Te agai tama tiwai sę emainogo te aga Mobo Bidi dage tomode bidibo dao.

Godigo Sęba Tagala Palai Bidigo Po 22:14

Agai enabolo te po wai. ‘Te God dago wąįgo lotu po wai dao, te da, agai homugo agai yabo sę tigidali nago konemainogo te yali dao. Agai sę ebo dwagi yai bidi nage sumainu homu eyu, nage sa muai dao. Tama agai homugo agai pedauwaligo po wabo nago odomainu yali.

Matyu 27:19

Tama me, te bidi Pailat aga te po tų odobo bidi jas dugabo siade aga dualalubadi, tama aga wego po agabolo toliyu te po wai, “Nago magi sę me deli te doloba pai bidi dali me elamuo. Te eno hulide nade aga sulama, tama eno genuai homu elalubao.” Te po wai.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Daniel 9:26

Te 62 taims 7-pela yia wali, te silibo si da, teda augwaligo te Godigo Sa Munama Nigilali Genuai Bidi ela mubaso, tama aga nai deli me elalugobeo. Tama te bomai king me deligo genuai ami hani aselama, tama Jerusalem me Godigo be dali dolaibao. Te hwįnama dolobo sę me te genuai wę asiyu, te pobele bage daseasa soabo tiwai yaibao. Tama te genuai boi hwįbo te elalua pidubadi, te tigidali nai sia sabo sogoba usu nama, tama tigidali nai te Godigo wali po gilama te dolaibao.

Matyu 27:24

Tama megi da Pailatgo koneani, agai po usu ebeo. Menio. Tama wąbi genuai hwįainogo yai. Tama agai augwali ola momainogo agai wę te poude meba selama, tama aga nogo te we bidigo gedude wę telawai. Tama nogo wę teladubadi agai te po wai, “Te e bidi elibo da, te eno sęgę menio. Te duga sę naga dao.”

Dwagi Yai Gesi Po Jongo Asęani 16:10

Te Mobo Bidi agai te tǫde we bidibolo ena te doloba pai bidi ena dao te po ola mawaibao. Ena eno Aya pageba pobao. Tama ena teba pobaso, augwaligo koneaibao, ena te doloba pai bidi mu dao, te waibao. Tama dagego ena ma sugobeo.

Efesus 3:12

Tama dago Krais agai te wiegi yai sę ebo suyu, tama dago homu kolesaga tigidali agaba muyu, tama aga dali wadolobaso, tama wi esiąyu, homu si esiąyu, tama da God pąba olo pabo da.

Hibru 9:14

Te tama tialigo da, te Kraisgo kanemego digi ofa ebogo te genuai bomo mu elalubao, te hasia ofa yali sę aiyaba mu elaluai. Te Kraisde dwai sę deli agade me elalubeo. Mu menio. Tama te sesemane sogo bidada pabo Mobo Bidigo bomogo, aga digi te aga wiegi yai bidibo ula te Godibolo ofa tiwai elama mawai. Tama agai kanemego dago tigi naga me penebeo. Menio. Te dago yali dwai sę sela sąsiąbo polobadu ofa mabo kolesaga tagalama, tama agai dago homu me penaibao. Tama dago te bidibo ula mabo Godigo sę tulama emainogo agai tama yai dao.

Hibru 10:10

Jisas Krais agai te Godigo homu kolesaga wali pelama, tama aga bidibo ula aga digi Godibolo te ofa tiwai ilama, te deli sogo naga mawai. Tama tialigo agai da tigidali wiegi yai mu ilai dao, te da sęgę me elalubo menio.

1 Pita 3:19

Tama te sogo Krais aga mobo bidigo te isali bagego noma bidi dabe kalabuside bidalubo madiba aga teba pelama, tama agai aga po augwalibolo pusali.