1 Pita 3:13 - Godigo dwagi yai po buku

¹³ Te dage bomo eyu, tama te dwagi yai sę yabo homu dąų weyu da, teda tego dagebolo dene mawaibawe? Woo, te tobage sę ebo bidi hauwa meni.

1 Pita 3:13 Referans Kwoze

Bugagia Bidibo Kolesagade Po Asęai Buku 16:7

Te bidigo te Genuai Bidigo wei homu yabo tobage kolesaga dabe ebaso da, teda te Genuai Bidigo aga tau siyu, te tigidali bidi, me te aga boi bidi dabe dali, te augwali aga dali bugagia bidimainu tau saibao.

1 Tesalonaika 5:15

Gasa bidi dabe augwaligo dage dali dwai sę ebaso da, dagego augwali dali te dwai sę ebo wei ponogio. Dagego te tiwai idali weyu, bugagia tonaluao. Tigidali sogo dagego bomo elama, duga hasi augwali dali dwagi yai sę naga yao. Tama te sę tiwai tigidali bidi dali me yao.

Polgo Po Pas Rom Dabeba Asęani 8:28

Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.

Jongo Sela Sogo Wabo Asęani Pas - 3JN 1:11

Eno abagi mu, nago te dwai kolesaga ebo bidigo kolesaga wali pelamuo. Nago dwagi yai kolesaga wali pao. Dwagi yai kolesaga ebo bidi, te bidi Godigo bidi dao. Dwai kolesaga ebo bidi, agai God konebeo.

Godigo Nogi Ugwaba Sabo Tęąbi Po Wabo Buku Dabe 38:20

Eno dwagi yai kolesaga augwaliba ebadi, tiali goli augwaligo enaba dwai kolesaga wei ponoyu yai. Eno te wiegi yai kolesaga wali pobadi, tama tede augwaligo homu koneama, tama enade augwa boi bidi pedelali.

2 Timoti 5:10

Tama e tobage haniani wiegi yai sę yai nogi elalubo we tiwai: agai te aga wai puluba bugagia tonaluali. Tama agai te gasa bulu we bidi augwali te agai beba asobode nai mayu yali. Tama imilai homu eyu, agai te Godigo po odobo we bidi tau siyu sągą we tedabo sę yai dao. Tama agai te sęgę dali dene dali sali we bidi dabe tau siyu yai. Tama te wilawe we aga te tobage haniani we bidi tau sabo dwagi yai sę ebo kolesaga wali pabo we bidali da, teda nago te tobage we dabe augwali naga nogi te bukude asęąo.

1 Korin 14:1

Te gasa we bidi dali wiegi yai homu eyu godolo ebo kolesaga da te polalubo kolesaga elalubaso, te dagego bomo eyu te kolesaga bugagia wali pao. Tama tiyu, dagego te Tedali Mobo Bidigo maiabo tau mabo bomo sabo homu bomo eyu godolo tigidali sogo iduao. Tiali goli te maiabo bomo dabe tomode te Godigo po gasa we bidi dabebolo pusubo bomo te polalubo bomo elalubaso, dagego te bomo sabo homu hasia yao.

Polgo Po Pas Rom Dabeba Asęani 13:3

Magi baso meni. Te wiegi yai dolo kolesaga ebo bidi dabe augwali te gavman bidide wi ebo meni. Tiali goli te dwai kolesaga ebo bage augwali wi ilainogo te gavman bidi bidibao. Te nago te gavmanide wi ebo hagela homu ebowe? Teda, nago wiegi yai kolesaga naga ebaso, tama agai nago nogi ugwaba saibao.

Bugagia Bidibo Kolesagade Po Asęai Buku 15:9

Genuai Bidigo te dwai kolesaga ebo bidigo ebo kolesaga te wei mu me isiąyu, tede dwai homu mu ebo dao. Tiali goli, agai te doloba pai kolesaga wali mu pabo sę ebo bidi dabe wei mu ebo dao.

Efesus 5:1

Te God agai dage godolo mu eyu dage aga wai puluba nigaligo da, teda dagego agai ebo kolesaga tiwai wali bugagia pao.

Bugagia Bidibo Kolesagade Po Asęai Buku 12:21

Te doloba pai bidi dabe augwaliba te dobo sę pedalugobeo. Tiali goli, te dwai sę ebo kolesaga ebo bidi dabe da, augwaligo te dwai sęgę hauwa elalubo dao.

Jeremaia 39:12

“Nago Jeremaia sigi pelama, bugagia tonaluao. Nago agaba dwai sę me igio. Te agai magi sę me yainogo nageba hanalu obaso, te nago agai homu wali pao,” wali.

Taitus 2:14

Aga digi aga bidibo ula tagalai dao, tama agai te bidibo ulago da ma abelama, tama dago te tigidali bomo yai po sela sąbo te kolesaga agai sela sąwainogo tama yai dao. Agai da penama, tama da we bidi aga hani mu pedalainogo te sę yai, tama dago tigidali dwagi yai kolesaga bomo elama te sę naga emainogo agai aga bidibo ula tagalai dao.