1 Pita 2:7 - Godigo dwagi yai po buku

⁷ Tama dage duga homu tigidali agaba muani bage, te dagego gedude te aga wiegi yai mu da. Tiali goli te agaba augwaligo homu musiąwai bage, augwalide te bukude asęani po tama dao, “Te be sę ebo bagego polobadu sela sąwani masigi, te masigi megi te bede te genuai nogi elalubo masigi pedalai dao,” te po asęani.

1 Pita 2:7 Referans Kwoze

Matyu 21:42

Te Jisasgo augwalibolo te po wali, “Te bukude polobadu asęani te po te dagego nedebewe? E tiwai dao, ‘Te masigi be sę yabo masigi me deli te sę bidi dabego sela sąyani masigi, megi da polalubo masigi pedalama, te be dąų walali elalubao. Genuai Bidigo agai te tiwai sę elama pedalali, tama dago suali te wiegi yai mu dao.’

1 Pita 2:8

Tama te bukude asęani po me dao, “E masigi da, te we bidi augwali sągą dani tųąbo masigi dao, te augwali te tǫba tula muabo genuai masigi dao.” Tama augwaligo Godigo poba augwa homu tigidali musiąbaso, tama augwali tulalubo dao. Te God agai polobadu augwali te sęba muani.

1 Pita 1:8

Tama dagego duga gedugo aga munu me susiąwai digi, dagego Kraisde dwagi yai homu eyu godolo ebo dao. Dagego megi me aga susiąbadi digi, dagego duga homu tigidali agaba muyu, tama wiegi yai homu mu ebo dao. Tebogo te tigidali gasagi yai dwagi yai homu ebo aiyaba elalubo dao. Tama te dagego wiegi yai homu ebo te genuai mu dao, augwaligo Godigo bidibo digide ebo wiegi yai homu ebo sabi si dao. Tama tialigo da, dagego pedauwaligo tede po wabo usu egobeo.

Hibru 11:31

Te sę pedalisiąbadi, tama te hanude bidali penani ebo we Rahap agai te Godigo te Israel dabe tau sali po odoyu, tama agai Godide aga homugo tiąluali. Tama tibaso, agai te bulu geme sa pelama sugi pali Israel bidi si tau salio. Tama te we aga te Godigo po sela sąwani we bidi augwali dali me dolobeo.

Hibru 4:11

Tama tibaso, te toma nabo pesage tomoba painogo da te dago sę bomonama yao. Tiyu yaide te bidi me deligo te Godigo po sela sąbo kolesaga wali peyu, te Juda bage augwaligo polobadu yali sę tiwai yabuo, tama aga tula munama tama hagawaibao. Te tiwai idali weyu, dago bomonama Godigo po bugagia wali pao.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

Kolosi 2:10

Tama dage aga dali wadolobaso, agai dagebolo te bidabo ula sese mawai dao, tede dage sǫą pogobeo. Krais agai te bomo elaluyu tonalubo sę ebo genuai mobo bidi dabe tigidali aiyaba elaluama, tama aga polalubo bidi dao.

2 Korin 2:16

Te bidi dolabo tų tomode bidibo hanigo te odobo denami te isabo denami odobo dao, tama augwali te isabo madi pedalaibao. Tama te Godigo augwali ma sabo tų tomode bidibo hanigo te odobo denami te bidibo ula sabo denami odobo dao, tama agai te bidibo ula augwaliba pedalomainogo yaibao. Te sęde Godigo da tau sisąyu tama dago te sę ebo usu egowe? Mu menio. Tialima aga da tau mu sabo dao.

Polgo Po Pas Rom Dabeba Asęani 15:31

tama ena te Juda dabe meba te Godigo po sela sąbo bidi augwali nogode ena dagala samainogo yaibao. Tama me, dagego te Godibolo gedu haluasa po obaso, te Godigo aga we bidi Jerusalem dabe augwaligo te eno augwali tau sabo sęde dwagi yai homu eyu tama godolo emainao.

Polgo Po Pas Rom Dabeba Asęani 10:21

Tiali goli te Israel hani we bidide te Aisaiago Godigo e wali po asęani, “Te bobage sogo mu eno augwali i wabo sę ebadi, te hani bidi augwaligo te po sela sąnama tama dwai po wei ponai dao.”

Godigo Sęba Tagala Palai Bidigo Po 26:19

Te bidi Pol agai te po wali, “Moni gavman tobolu bidi Agripa, eno moni ula dagaludu asobo sulama, agai po wali eno odama, te po eno sela sąbeo.

Dwagi Yai Gesi Po Jongo Asęani 4:42

Tama augwaligo te webolo te po wai, “Megi dago nago po naga odolama, tama dena homu tigidali te bidiba mubo menio. Dena digi agai po odolama, tama dago homu tigidali agaba mubao. Te bidigo naga agai tigidali tǫde we bidi ma dobola sabo bidi dao,” te Samaria bage augwaligo te po wai.

Dwagi Yai Gesi Po Lukgo Asęani 20:17

Tiali goli, Jisasgo augwali gedu bomonama tonaluyu, te po wali, “Godigo wali po bukude e po wabo da, ‘Te be sę ebo bagego polobadu sela sąwani masigi, te masigi nosali te be tolalubo masigi nigali.’

Dwagi Yai Gesi Po Lukgo Asęani 2:32

Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.

Sekaraia 4:7

Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.

Hagai 2:7

“Tama eno te tigidali bulude bidibo gavman bidi dabe augwali me midigi saibao,” wali. “Tama te we bidi dabe augwaligo te umabo mone me te doado bage me selama, tama augwaligo te bidibo madigi pesageba selasa aselama, tama te eno beba pągąnagasaibao.

Aisaia 28:5

Te sogo te Godigo we bidi hani dwasianu naga bidiyu da, teda augwaligo Tigidali Bomo Elalubo Genuai Bidiba wiegi yai homu yaibao. Genuai Bidi aga digi aga wiegi yai tuni bidigo madi tobolude bulai, me te wiegi yai plaua bono augwaligo tobolude mubo tiwai bidaibao.

Dwagi Yai Gesi Po Lukgo Asęani 2:34

Simeongo Godigo bugai homu Jisas dali aga aya de ida si augwalibolo me ilao wali. Agai Jisas aga ida Mariabolo te po wali, “Odiąo. E waigo pode Israel we bidi hauwa augwaligo God taga paibao. Tama hauwa bage me augwali God pąba asaibao. Te aga dąį tiwai me deli nigalueibao, tama bidi hauwago agabolo dwai po waibao.

1 Pita 2:4

Te eno megi te bede po digi po begelama obao. Dage te dago Genuai Bidi Krais aga pageba asiąo. Aga da te bidabo ula elalubo masigi tiwai dao. Tama bidi dabe augwaligo agade ‘Te olo masigi dao’ homu eyu, aga sela sąwai goli, te Godigo gedude aga da te wiegi yai masigi mu dao, te Godigo aga deli hagea sali.