1 Pita 2:5 - Godigo dwagi yai po buku

⁵ Tama bidi me deligo aga bidabo be te masigigo sę ebo tiwai te Godigo dage aga we bidi hani ilibo dao. Tama tiyu, dage tedali gasagi yai magi sę isiąwai we bidi hani bidaibao, te pris bidi hani tiwai. Tama te pris bidi dabe augwaligo Godibolo dwagi yai nai ula mabo sę eyu, tama agabolo ofa nai mabo dao. Tama tede Godigo dwagi yai homu ebo dao. Tama te tiwai me Krais agai dage tau selama, dagego Godigo homu wali peyu dwagi yai sę yaibao. Tama dagego te dwagi yai sę te tiwai ebaso, God agai te dagego ebo sęde dwagi yai homu yaibao.

1 Pita 2:5 Referans Kwoze

1 Pita 2:9

Me ma, dage da, dage te sa muani we bidi hani dao. Bidi meba augwali te we bidi dali, God dali tomode bidiyu, tama pris bidi sę eyu, augwaligo Godibolo te dwagi yai nai ula mabo sę ebo dao. Tama te tiwai dagego me te dago genuai tuni bidigo sę ebo dao. Dage da, te tedali gasagi yai doloba pai we bidi hani dao, God aga we bidi hani mu te dage dao. Tama agai dage i olama, tama dage te hulia sai bidibo digi tagalama, tama agai wiegi yai ula yai buluba bidagasai dao. Tama dagego agai yali wiegi yai sęde po te gasa we bidibolo pusumainogo te agai dage sa muani.

1 Korin 3:9

Magi baso meni, da si te Godigo deli sę naga ebo sę bidi dao, tama dage te Godigo gi tiwai dao. Tama dage te Godigo be tiwai, aga te be sędu bidibao.

Kraisgo Geme Dualali Sę Pedelabo Po Jonbolo Ola Mani 5:10

Tama abelama, te bage nago augwali te dago Godibolo lotu po weyu sesemane sogo aga sę ebo pris bidi hani pedalumainogo yali, augwaligo Godigo sę emainogo yai. Tama tiyu augwali tuni bidi te tǫde bidaibao,” augwaligo te tęąbi po tama wai.

1 Korin 3:16

Dage da te Godigo wiegi yai lotu be tiwai dao, tama te Godigo Tedali Mobo Bidi te dage tomode bidibao, bidi aga bede bidibo tiwai bidibao. Tama te dagego me konebewe?

Aisaia 61:6

Tiali goli, duga digi dage te Genuai Bidigo pris bidiyu, te augwaligo dage nogi weyu, te dena Godigo sę bidi da waibao. Te duga nai hauwa elaluaibao, te gasa tǫ kantri bidi dabego sela asai. Te augwaligo wiegi yai nai hauwa dageba mobaso, te dage wiegi yai homu mu pemene yaibao.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Kraisgo Geme Dualali Sę Pedelabo Po Jonbolo Ola Mani 20:6

Tama augwali te gų pagede hasia sogo hodalobo we bidi, augwali te wiegi yai homu pemene elama, te magi dwai sę isiąwai bidi tama tiyu, augwali bugagia bideibao. Tama te si wali isibo bomogo te bidi dabe augwali aiyaba me elalugobeo. Menio. Te augwali God de Krais sibolo lotu po weyu, sesemane sogo augwali sigo sę ebo pris bidi dabe bideibao. Tama augwali te Krais dali tuni bidi te hauwa kibu be mu te 1,000 bidaibao.

1 Korin 6:19

Te dagego tigi da, te homude Godigo Tedali Wiegi Yai Mobogo be elalubao, te dagego konebewe? Godigo te Tedali Wiegi Yai Mobo te dagebolo manio, tama te Mobo dage tomode bidibao. Dage te dugade digi me elalubo meni.

Polgo Po Pas Rom Dabeba Asęani 12:1

Eno ama dede, eno homugo te Godigo da dali homu dene eyu tama haniani olo tau mani wiegi yai kolesaga genuai mu yali, eno te homu ebaso, eno e po megi dagebolo hanilibao. Bidigo hasa ela munama tama Godibolo olo mabo sę, te ebo sę nogi poai te ofa dao. Tama te tiwai gilama dagego duga tigi te Godibolo olo mabo ofa tiwai yao. Te tigi bidibo ula elalubadi tama dagego Godibolo menama, tama te God aga deliba naga mao, te dwai sę me isąwai nai ofa dao, tama dagego te Godigo godolo ebo kolesaga yaibao. Dagego tama tiyu, tama dage te tiwai God dologode bidiyu, tama duga lotu po mu te Godibolo waiyąo.

Kraisgo Geme Dualali Sę Pedelabo Po Jonbolo Ola Mani 1:6

Tama tiyu, agai da tau selama, tama dabolo genuai sę menama, tama da te tuni bidi kingo pris hani bidi dabe nigilama, tama megi da te Jisas aga Aya Godibolo me te lotu po weyu, sesemane sogo aga sę ebo pris bidi dabe bidibao. Tama tibaso, eno homugo agai genuai wiegi yai nogi dali, te we bidi tonalubo bomo dali me bidada peyu, bidada pomainao. Te mu tama dao.

Filipai 4:18

Dagego mani tigidali nai usu elama eno selama, ena sǫą pabo meni. Te dagego dwagi yai nai dabe te bidi Epafroditus nogoba munama, tama agai tolasa asai, te eno sai, tama megi ena pągąna pabo. Te dagego tolali nai dabe augwali da te Godibolo olo maiabo denami ebo ofa nai tiwai dao, te agai gedude te usu dao, tama agai homu dwagi yai ilibo nai dao.

2 Korin 6:16

Mena tama dago te Godigo wiegi yai be dali, te bulu haubo bidigo dali si te deli madi sisinaibawe? Te tiwai me egobeo. Dagego koneani, da digi, da te bidibo ula elalubo Godigo bidabo be tiwai dao, te polobadu Godigo te tiwai po wai, “Te ena augwali dali bidiyu, tama augwali tomode bilaibao. Tama ena augwaligo God bidiyu, tama augwali eno we bidi bidaibao.”

Kraisgo Geme Dualali Sę Pedelabo Po Jonbolo Ola Mani 3:12

Niwai bidigo te dwai kolesaga ebo aiyaba elalubo bidi, te bidi aga eno te Godigo Moni Lotu Be tempel te be pos ni bulali dąų olalubo tiwai eyu, tama aga te dwagi yai be tagalama buluba munu me ma soagobeo. Tama te bidi agade eno Godigo nogi asęyu, tama eno Godigo genuai hanu nogi me asęaibao. Te gesi hanu te Jerusalem dao. Te hanu eno Godigo nogogo asiyu, te dagalu tagalama e tǫba dulaibao. Tama eno gesi nogide digi, te me eno agade asęaibao.”

Polgo Po Pas Rom Dabeba Asęani 15:16

Tama agai ena te Krais Jisasgo sę ebo bidi bidimainogo ilama, te Juda hani isąwai gasa hani augwali tomode sę emainogo yai. Ena te Godibolo lotu po weyu sę ebo bidi pris tiwai elama, tama eno Godigo wiegi yai gesi po pusubo sę ebao. Eno te gasa hani augwali te Godiba sela aselama, tama Tedali Mobo Bidigo augwali wiegi yai mu doloba pai we bidi ilibo si, tama eno augwali Godibolo te usu si yai ofa tiwai elama mawaibao.

2 Timoti 3:15

Magi baso meni, ena polo sabalisiąbaso da, teda nago e pas selama tama nedama, tama nago nage Godigo hanide bugagia bidabo kolesaga po tede koneagameo. Te God aga da te bidibo ula elalubo God dao. Te agai po odobo we bidi hani augwali da te Godigo be tiwai we bidi dao. Tama augwali te Godigo mu po tolalubo te bomai ni pos dali kau ni me tiwai elalubo dao.

Aisaia 66:21

Tama te augwali meba eno te pris pedalumainu ilaibao, te meba Livai hani bidimainu yaibao,” Genuai Bidigo te po wali.

Godigo Nogi Ugwaba Sabo Tęąbi Po Wabo Buku Dabe 50:23

Te enaba usu da weyu, gedu haluasa po weyu, te enaba ofa mabo tiwai ebo bidi, agai te eno nogi ugwaba sobao. Tama eno te po wali pabo bidi dabe te eno ma dobola saibao,” po wai.

Kolosi 3:17

Tama tigidali sogo dagego po obadi ma dagego nogogo sę ebadi, te tigidali ebo kolesaga dagego dago Genuai Bidi Jisasgo nogide yao, tama agai dage dali yali sęde dagego dago Aya Godibolo puba hwi po weyu bidao.

Filipai 2:17

Dagego duga homugo Kraisde konealubo po dąų wabo kolesaga ebo, te kolesaga ebo te Godigo gedude te dagego agabolo te ofa nai mabo kolesaga ebo tiwai dao. Tama bidi dabe augwaligo ena ela mugowe, mugobewe, te eno konebeo. Tama augwaligo ena ela muyu da, teda eno kaneme dali te dagego ofa mabo nai dali te si dago agabolo mawaibao, te polobadu bidali bidi dabego te wain ąį te ofa nai daiba gelali tiwai yaibao. Awe, tama tiyu da, teda usu da, eno tede dwagi yai homu pemene ebao, tama dage dali hodobo eno dwagi yai homu ebao.

Godigo Nogi Ugwaba Sabo Tęąbi Po Wabo Buku Dabe 141:2

Eno homugo nago eno gedu haluasa po wabo te nageba denami ebo nai hano asobo tiwai emainao. Awe, te eno nogo si ugwaba siyu, nagebolo gedu haluasa po wabo si, eno homugo te ebo te nago gedude te piode mabo ofa tiwai emainao.

Godigo Nogi Ugwaba Sabo Tęąbi Po Wabo Buku Dabe 50:14

“Te dagego enaba usu da mu waiyąo, tebo te dagego yabo ofa tiwai tama. Te dagego te enaba olo mabo tigidali nai maiyabo po wali, te Ugwadu Bidibo God Mu te enaba dagego maiyąo.

1 Pita 4:11

Tama dage deli deligo te haniani sę eyu, tama te po ola mabo bidi agai te Godigo po ola mao. Tama te gasa we bidi tigi tau sabo sę yabo bidi me, agai te Godigo agabolo mabo bomogo te sę yao. Tama te tiwai yao, tama dage Jisas Kraisde wadolama, tama tigidali sęde Godigo nogi ugwaba somainogo te tiwai yao. Te God aga te moni ula yai nogi dali, te tigidali nai tonalubo bomo dali si te sesemane sogo elalua peyu, elalua paibao. Te tiwai emainao. Mu dao.

Filipai 1:11

Tama Jisas Krais agai naga pedalabo dolo mu yai kolesaga augwali dagede geninama pedalama, tama dagego ebo kolesaga tigidali te tiwai naga elaluaibao. Tama tebogo Godibolo bomo yai ula dali genuai nogi si mawaibao. Eno dagede te homu eyu, Godibolo gedu haluasa po wabo dao.

Malakai 1:11

“Te tigidali bulu tǫ kantri we bidi dabego enaba genuai nogi mawaibao. Te tigidali bulude bidi dabego te wiegi yai denami ofa hano iliyu, te tobage wiegi yai ofa dabe enaba mawaibao. Te tigidali we bidigo ena nogi ugwaba saibao.

Hosea 14:2

Dage te Genuai Bidiba ma aselama, tama te gedu haluasa po dagego Godiba te ofa tiwai iyagameo. Dagego gedu haluasa po e tiwai wagameo, “God, nago dago sęgę tigidali sela sąyu, tama dago gedu haluasa po wabo odao. Tama dago te bulmakau elama, tama nageba ofa ebo usu egobeo. Menio. Te dago te dena polobadu dąų walali po wali gilama, te dwagi yai kolesaga naga yaibao.

Ma Dobola Sali 19:6

Tama dage eno te pris sę ebo tuni we bidi hani bidibo tiwai yaibao. Tama dage te eno tedali we bidi mu bidaibao.” Genuai Bidigo Mosesbolo te po te we bidi dabe augwalibolo mao wai.

Bugagia Bidibo Kolesagade Po Asęai Buku 9:1

Wiegi yai doloba pai homu kolesagago aga be sę yani. Agai te pos nogo a naga olama, me badu nogo si te dodolama, te dąų walama, te be au ilali.

Galesia 6:10

Tama tibaso, dago te dwagi yai kolesaga ebo tų subaso da, teda dago te tigidali we bidi tau sao. Tama te Kraisde augwa homu tigidali muani we bidi te augwali dago hani we bidi tiwai dao. Tama tibaso, dago bomonama, tama augwali te dwagi yai kolesaga eyu, hauwa sogo tau sao.

1 Pita 4:17

Magi baso meni. Te Godigo we bidi osola subo bodolu mani sogo pąba yagasai dao, tama agai te aga hani we bidi dali te osola suyu, te po tų ebo sę gagalaibao. Tama da, te da Godigo po wali pabo we bidi hani dao. Tialima God agai te po tų dodolobo sę gagalainogo eyu, tama hasia bolo agai te da aga hani we bidi dali te sę yaibao. Tama tibaso da, te Godigo gesi dwagi yai po odobo hagela yai we bidi dabe, nosali agai augwali dali te po tų ebo si, te augwaligo genuai dene mu saibao.

Bomai Po 18:2

Augwaligo te meba hanigo yali gilama, tama tǫ augwaligo me sogobeo. Te wiegi yai nai augwaligo sali da, te e dao, augwali te Genuai Bidigo pris bidi te nigali dao, te Genuai Bidigo po dąų wali gilama yali,” wali.

Te Israel me Juda Hani Sigo Tuni Bidigo Po Elalubo Buku Deli 7:11

Augwaligo te genuai moni masigi dabe nani wasila silama da, teda augwaligo te bugagia dodolali te gasa sawi yai masigi me, te bǫ tigi dabe me selama, tama augwa te be dabe sę yai dao.