Biblia Todo Logo
Bib sou entènèt

- Piblisite -




1 Pita 2:19 - Godigo dwagi yai po buku

19 Tama tiyu, te dagego genuai bidi me deli agai dage dali dolo sę esiąyu, dene mayu da, teda dage Godigo homude homu konea peyu te sęgę bugagia tolao. Tama dage tama tiyu da, teda God agai dage dali dwagi yai homu yaibao.

Gade chapit la Kopi




1 Pita 2:19
18 Referans Kwoze  

Me ma, dage dwai sę idu geyu, tama augwaligo nogogo dage elama, tama dagego te sęgę bugagia toloyu da, te mena bidigo dagego nogi ugwaba saibawe? Bidi meni. Tiali goli, me sogo dage dwagi yai sę yai goli augwaligo dage dene mawaibao. Tama te sogo dage nagamea homu eyu, te sęgę bugagia toloyu da, teda God agai dage dali dwagi yai homu yaibao.


Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.


“Dagebolo dwagi yai homu ebo bidi dabebolo naga duga dwagi yai homu eyu da, magi baso Godigo te dagebolo dwagi yai homu yao po waibawe? Dwai dwai sę ebo bidigo me augwalibolo dwagi yai homu ebo bidi dali dwagi yai homu ebo dao.


Tama tibaso, da te gavman bidi dologode bidao. Da te Godigo sębę geda somainogo ebode naga tama te gavman bidigo po wali pigio. Menio. Dago homugo te kolesaga ebo te dolo dao te tiwai homu yao.


Tiali goli, augwaligo God konebeo, agai ena tagala palama, ena asai. Tama tibaso, dage eno hani gagalama, te eno po wali pabo suyu, tama augwaligo dage dali me dwai sę yaibao.


Tama tiyu, ena kalabus bidi megi bidiyu, tama te sęgę eno tolobao. Tiali goli, ena tede hale me egobeo. Menio. Ena da, te eno Godiba homu tia pai bidi da weyu, te aga eno konebaso hale egobeo. Tama eno koneani, agai ena nogoba te muani sę te agai mu tonaluyu, tama te sesemane sogo bugagia bidada peyu, te genuai bodolu pedalubo sogoba usu nigi pabo aga usu yaibao, te sę hagagobeo.


Ama dedeo, te Godigo po odobo we bidi hani dabe te Masedonia moni tǫ tomode te haniani bulude elalubao. Tama dago homugo dagego koneao, te Godigo olo tau sabo wiegi yai kolesagago augwali tomode yali sę, te dagego koneao. E tiwai dao.


Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.


Da we bidigo nago bomo yai po tigidali dąų wabo homu ebao. Tama nago po te tulalugobeo. Te bidi dabe augwaligo tibo po dabego ena dolobao. Tama tibaso, nago ena tau somainu homu ebao.


Te enaba odolali boi bidi ebo bidi dabe, augwali te hauwa umabo mu dao, te eno tobolu nisigo namba te augwalide usu isąwai. Te boi bidi dabego enaba dwai sę yainu yali, tama augwaligo te ebo kolesaga pagede tibo po wali. Te bidi dabego bomo mu elama, te ena ela muabo homu yali. Eno te augwaligo nai doado bage me deli te eno wi me sabe, tiali goli augwaligo te po hauwa enaba kisilama wali. Tama tialima, eno ena doado bage digi te augwaliba mawai.


Te eno boi bidi tigidaligo te bomo mu ebao. Te bidi hauwa umabogo te enaba odolali boi bidi ebao.


Te bidi mebago ena dali odolali boi bidi ebao. Tiyu, augwaligo ena aiyaba elalu, te kęnę wabo te nago sula me tagaligio. Augwaligo odolali ena dali dwai homu ebao, tama tiyu, nago eno sęgęde te wiegi yai pemene emainu sula me tagaligio.


“Eno polo koneani, dagego homu dabe. Dagego ena aiyaba elaluabo homu naga te ebao.


Tama aga Antiok buluba sabolama, suali, Godigo we bidibolo dwagi yai sę yali. Barnabas agai bugai homu pemene mu yali. Agai augwalibolo te po wai, “Dagego Godigo po wali bugagia piąo. Dagego te po tagalamuo, homu si egimio,” agai te po mobo mani.


Menio. Te ofa maiabo bomai pogo augwaligo yali dwai sę sela sąnama tama augwali wiegi yai mu ilama pedaligi sogo da, teda augwaligo te ofa ma egi menigi dao. Tama te Godibolo lotu po wagasali we bidi dabe augwali te deli sogo yali ofade te wiegi yai pedaligi sogo da, teda augwaligo homude te sęgę elalubo homu kone me egi menio.


Me ma, dage tomode bidi me deli agai te bidi ela mubo sę, ma te nai wi sabo sę te si ilamuo, te tobage sę ebode dene sigio. Dagego dwai sę ebaso dene sigimio. Ma, te kolesaga hagoma eyu, gasa bidi dabe dali augwali tonalubo bidigo po weyu bidigio. Te tobage sę ebode me te dene sigimio.


Swiv nou:

Piblisite


Piblisite