1 Pita 2:15 - Godigo dwagi yai po buku

¹⁵ Te Godigo homugo te dage te tuni bidi dabe dologode bidiyu, tama dagego te dwagi yai sę naga ebogo te homu kolesaga meni yai bidi dabego kedu meni yai po wabo pedauwali dąų waibao.

1 Pita 2:15 Referans Kwoze

1 Pita 3:17

Tama dago dwagi yai sę naga yai goli, tama God agai “Awe” weyu, te bidi dabe augwaligo dabolo dene mayu da, te usu dao. Tialima dago dwai sę elama tama augwaligo da dene mayu da, teda te dwali dao.

Taitus 2:8

Tama nago agai po ola mabo si te dolo po naga augwali dali wao. Tama tiyu da, teda nage dali boi bidi homu ebo bage augwaligo da dali, te nago ola mabo po dali, tede augwaligo dwai po me wabo usu sąbaso, tama augwali hale yaibao.

1 Pita 2:12

Tama dage te God konesiąwai we bidi tomode bidiyu, tama dwagi yai kolesaga naga yao. Magi baso meni. Augwaligo dage dali nogi posobo po weyu, “Dage dwai sę ebo we bidi dao,” po weyu da, teda augwaligo dagego dwagi yai sę naga ebo sulama, tama nosali te Godigo po tų yagasabo sogo asobo si augwaligo aga nogi ugwaba siyu te po waibao, “Ao, agai po wali pabo we bidi augwaligo dwagi yai sę yalio.”

Matyu 7:26

Tiali goli bidigo eno e po wabo odama wali pisąwani bidi, aga te esela pabo bidi tiwai elama, tama agai be tǫ dąų wasiąma, te kemi tǫde naga ugwadu sę yai dao.

1 Tesalonaika 5:18

Te dage dali magi sę me ebaso da, dagego God dali buba hwi po wao. Te dage Krais Jisasde wadolama, tama God agai homugo dagego tama kolesaga emainogo tebo dao.

1 Tesalonaika 4:3

Tama te po page mu e dao, God agai dage dali ebo homu e tiwai, dagego magi dwai sę me isiąma, doloba pai we bidi mu bidao. Tama penani ebo sę dagego egimio.

Jeremaia 4:22

Genuai Bidigo tama po wali, “Eno we bidigo homu kolesaga wiegi yai me elalubeo. Augwaligo ena me konebeo. Augwali te homu kolesaga konesiąwai wai puluba tiwai elalubao, te augwali umuna pai elalubao. Augwaligo te dwai sę ebo mu konea pai elaluali, tialima augwaligo te wiegi yai kolesaga ebo me konebeo,” wali.

2 Pita 2:12

Tama te tibo po wabo bidi dabe augwaligo homu te bulu hasa dabego homu tiwai elaluyu, tama augwaligo tigigo ebo kolesaga naga wali pabo dao. Te idago augwali ame nani tama te bidigo augwali selama ela mumainogo tebao. Te augwaligo konesiąbo naibolo te augwaligo dwai po aga dali wabo dao. Tama te bulu hasa dabe dolobo, te tiwai ebo gilama tama te bidi dabe augwali me dolaibao.

Polgo Po Pas Rom Dabeba Asęani 1:21

Magi baso meni, augwaligo God koneali goli augwaligo aga te God mu da te homu me isąyu, tama augwaligo aga nogi ugwaba me sabeo. Tama augwaligo gedu haluasa po weyu agaba puba hwi me wabeo. Menio. Te augwaligo augwa homu kolesaga te olo naiba muani, te augwaligo God gegeda peyu, tama augwaligo homu te be hulia sabo tiwai pedalai.

Bugagia Bidibo Kolesagade Po Asęai Buku 9:6

Te duga umuna sai kolesaga ebo tagalama, tama aselama, te bidabo ula sagasiąo. Dagego te wiegi yai homu kolesagago sunumi wali piąo,” augwaligo te po wabo dao.

Jopgo Po Asęani Elalubo Buku 2:10

Tiali goli, Jopgo wei ponoyu, te po wali, “Nago po te dwai kolesaga yai wego wabo ąǫ te ebao. Ma, dago dwagi yai te Godigo da dwagi yai nai dabe mabode dwagi yai homu ebo dao. Te magi baso dago Godigo dabolo te dwai sęgę mabode dwagi yai homu egobewe?” te po aga webolo hanalu wali. Mu tama, te dwai sęgęgo Jop pedelali goli, agai Godibolo dwai po me deli wabeo.

Jutgo Asęani Pas 1:10

Tiali goli te tibo po ola mabo bidi dabe augwaligo te page konesiąwai naide te dwai posobo po wabo dao. Me ma, augwaligo te dwai sęde kuna koneani. Tama koneyu, te homu kolesaga meni yai bulu hasa tiwai bidiyu, tama augwaligo magi magi dwai sę edubadi gebo dao, tama te tobage dwai kolesaga ebaso augwali mu dolama dene saibao.

1 Pita 4:2

Tama tiyu aga e tǫde bidibo sogo tigidali agai e tǫde we bidigo yabo dwai dwai kolesaga munu me egobeo. Te meni. Agai te Godigo homu naga wali peyu bidaibao.

2 Timoti 1:13

Mu tama, polobadu eno agai nogibolo dwai posobo po wabo bidi bidai, tama eno agai po odobo we bidi dabe dali boi bidi eyu, augwalibolo dene mabo sę iduai. Tama eno aga dali hagoma eyu, aga nogi dolobo sę eyu bidai. Eno Kraisde tama dwai sę yali goli, Godigo ena homu dene eyu tau sali. Magi basowe? Eno konealubo po Kraisde dąų wasiąbaso eno bugagia konesiąma, tama eno te tiwai dwai kolesaga aga dali iduai.

Godigo Nogi Ugwaba Sabo Tęąbi Po Wabo Buku Dabe 107:42

Te doloba pai we bidi dabego te sulama, tama augwa bugai haliga yalio. Tiali goli, te dwai bidi dabego po meni yani. Augwa pedauwali pania siyu naga yalio.

Taitus 3:3

Magi baso meni. Polobadu da me, nage me da tigidali Godigo po odisąbadi tama da te homu kolesaga meni yai bidi tiwai bidai dao. Tama dago me po sela sąwai dao, tama tibo po odolama, tama dago pabo tųde geda muyu tama bilai dao. Tama bidibadi tama dena tigigo ebo haniani dwai kolesaga dali te tigi pusu ilibo sę me, te tobage sę ebogo da kalabus mu yai dao. Dago te bidi hasi dali dwai homu ebo kolesagade biliyu, tama dago augwaligo nai dabe pesą eyu yai dao. Tama bidi meba augwaligo da dali boi bidi eyu, tama dena hasi tomode me boi bidi naga elalua pai dao.

Galesia 3:1

Idao! dage Galesia bulu we bidi hani bage, dage homu kolesaga meni yai bage, eno dagede noma mu sobao. Polobadu ena dage dali bidibadi yaide, te sogo eno dagebolo te Jisas Krais aga te ni pedaide wadolama tama isąma, dago yali dwai sę sęgę sela sąwani po, te po eno dagebolo mu hania pusai dao. Tama te po odolama, tama Godigo gedude dage doloba pai we bidi pedalainogo eyu, dagego duga homu tigidali te poba mu muani. Tiali digi megi dagego homugo te Juda bagego bomo yai po wali paibao, te God agai dage doloba pai we bidi dao omainogo ebao. Dagego duga homu magi baso hasegelaliwe? Dego te homu bega sabo pobi olama, tama homu begelabo po dagebolo pusaliwe?

Matyu 25:2

Tama a naga wegi mani homu kolesaga meni yai, tama me a naga wegigo wiegi yai homu kolesaga elaluai.

Godigo Nogi Ugwaba Sabo Tęąbi Po Wabo Buku Dabe 5:5

Nago gedude te hagoma ebo bidi dabe te dolalumainu me egobeo. Tama te dwai kolesaga ebo bidi dabe te nago godolo homu mu me isiąwaibao.

Jopgo Po Asęani Elalubo Buku 5:16

Tama tibaso, te nai meni yai bidi dabe augwa Godiba homu kolesaga dąų weyu, God augwali tau somainu tonalubo dao. Tama te dwai sę ebo bidi dabego augwalibolo dwai sę ma egobeo,” wali.

Bomai Po 32:6

Tiali goli, God dagego aya dao. Agai dage sese tama nigai dao. Tama agai dage we bidi hani deli pedalomainu ilai dao. Tama tialima, dagego magi baso te dwai kolesaga agaba ebawe? Dage polobo bage, dage homu kolesaga mu meni yai dao.”

1 Pita 3:16

Tialima, te po page agabolo ola mobadi dagego wado po wagio. Te meni. Dage te nagamea pai homu kolesaga elama, tama aga dologode bidiyu, te konealubo po page agabolo ola mao. Tama timainogo dage te doloba pai kolesaga naga yao. Tama dagego tama tiyu da, te bidi meba augwaligo dage dali nogi posobo po weyu, tama dage Krais aga hani we bidigo ebo dwagi yai sęde augwaligo ‘Te dwai sę dao’ po wabo bage, nosali augwaligo koneaibao, te pode augwaligo mu geda muani. Tama te koneama tama augwali ge neyu hale mu yaibao.