1 Pita 1:22 - Godigo dwagi yai po buku

²² Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

1 Pita 1:22 Referans Kwoze

2 Timoti 1:5

Tama eno augwaligo te tobage po ola mabo tagalao wali po page e dao: augwaligo eno po wali pobaso da, teda augwaligo homu te meda meniama, tama te dwai sę me dwagi yai sę me dagalabo homu bugagia elaluama, tama augwaligo homu mu eyu, tama Kraisde konealubo po dąų mu waibao. Tama tiyu, tama te tigidali kolesagago augwaligo te gasa we bidi dali dwagi yai homu eyu godolo mu yabo homu kolesaga hodolaibao.

Hibru 13:1

Dage Godigo po wali pabo we bidi, sesemane sogo dagego duga hasi duga ama dede dali dwagi yai homu eyu godolo iduao.

1 Jon 4:12

Bidi me deligo God munu me subeo. Dago dena hasi dwagi yai homu dago abagi dali eyu da, God aga da dali bidibo dao, tama aga dwagi yai homu eyu godolo ebo kolesaga te da tomode sese wiegi yai mu pedalai dao.

1 Jon 4:7

Abagi mu dede o, dena hasi dago we bidi dali dwagi yai homu eyu godolo mu inao. Magi baso meni. Te we bidi dali dwagi yai homu eyu augwali godolo mu ebo kolesaga page bidi te God dao. Bidigo dwagi yai homu mabo kolesaga wali pabo bidi, aga te Godigo wai dao, tama agai God mu konebo dao.

1 Pita 3:8

Te eno po silagasu po obao. Dage tigidali deli homu naga eyu bidiąo. Tama teyu, hobede eyu, te dage Godigo hani we bidi bidiyu, duga hasi dwagi yai homu eyu godolo mu yao. Tigidali we bidi dali homu dene eyu, tama nagamea pai homu ebadi bidao.

Jems 4:8

Tama tiyu, dage God pąba mu peyu tibaso da, aga dage pąba mu aselama, bidaibao. Tama dage te dwai sę me sogo me sogo ebo bidi dabe, duga nogogo dwai sę ebo tagalama, dwagi yai sę naga yao, te bidigo nogo ąįde telabo tiwai te meda meniama dwagi yai tiwai yao. Dagego te Godigo po wabo odobo me te tǫde kolesaga ebo te homu si elalubo, te dwai homu ebo kolesaga dagego homude elalubo te sela sąyao, homu deli naga eyu bidao.

1 Jon 3:23

Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

2 Tesalonaika 1:3

Dago abagi dabe, sesemane sogo dago Godibolo usu da weyu, dago dagede homu kone palu gedu haluasa po wabo dao. Tama dago Godibolo nage usu da po wabo si, te usu si ebo dao. Magi basowe? God agai dage tau selama, tama dagego Jisasde po konealubo kolesaga mu genuai mu yai dao, tama dage deli deligo dwagi yai homu duga abagi dabe dali ebo dao, tama dagego te kolesaga ebo mę ela pabo dao.

1 Tesalonaika 3:12

Tama dagede, dago homugo Genuai Bidi agai te dagego duga hasi godolo mu ebo sę genuai mu ilimainogo dago hanalobo po wabo dao. Tama me agai dagego te gasa we bidi tigidali augwali dali godolo mu ebo sę genuai mu eyu pągąna palomainogo dago hanalobo dao. Tama te dago dage dali godolo ebo sę gilama dagego te tiwai emainogo dago Genuai Bidi hanalobo po wabo dao.

1 Jon 4:20

Bidi me deli agai te po weyu “Eno God dali dwagi yai homu eyu aga godolo ebo dao,” te po agai weyu, tiali goli te bidi agai aga ama dali dwai boi bidi homu eyu da, teda te bidi agai tibo po wabo dao. Magi baso meni. Te bidigo aga gedugo aga ama subo dao. Tiali goli agai aga dali dwagi yai homu eyu godolo ebo menio. Tama tibaso, agai te aga gedugo susiąbo God dali mena tama dwagi yai homu ebo kolesaga egowe? Mu menio, aga usu egobeo.

1 Pita 2:17

Tama dage tigidali bidi dali augwali nogi ugwaba sabo homu eyu, augwali dologode bidao. Godigo we bidi hani dali dwagi yai homu eyu, godolo mu yao. God aga wi eyu, tama aga dologode bidao. Te gavman tuni bidi aga nogi ugwaba muyu, aga dologode bidao.

Godigo Sęba Tagala Palai Bidigo Po 15:9

Tama Godigo te Juda hani isąwai bidi hanibolo ebo sę te ebo kolesaga tiwai, agai da dali yali, polobadu. Tialima, augwaligo te Jisasba augwa homu mubo si, agai augwaligo dwai kolesaga yali sęgę sela sąwai dao.

1 Jon 3:11

Te tobage kolesaga isąbo bidi aga Godigo wai menio. Magi baso meni. Augwaligo dagebolo Godigo po ola mabo gagalali sogode, te sogode dagego tama po odai: dago dena hasi abagi dali dwagi yai homu eyu godolo mu iyąo.

2 Pita 1:7

Tama te kolesaga ebadi, te duga hasi abagi dali dwagi yai homu eyu godolo mu ebo kolesaga me yao. Tama tibadi, te tigidali we bidi dali dwagi yai homu eyu godolo mu ebo kolesaga, te me dagego yao.

Filipai 1:9

Te Godigo dage tau somainogo eyu, eno agabolo hanalu wabo po wabo dao. Tama tiyu, eno homugo agai dage tau siyu, tama dagego duga hasi we bidi dali dwagi yai homu eyu godolo ebo kolesaga te geninama mu pedaluyu bididuao. Tama eno homugo me te dagego te mu po page tigidali hania kuna koneama, tama dagego te dwagi yai kolesaga me dwai kolesaga si bugagia dagalabo homu kolesaga mu elaluaibao.

Efesus 4:3

Tama Godigo Mobo Bidi agai dage homu kęnai we bidi dabe nigilibaso, te kolesagago agai dage te bonogo kebo tiwai elama tama dage deli hani tiwai mu bidibo dao. Tama tibaso da, dage bomo elama sę dene eyu te deli hani kolesaga dąų ola selama bidao.

Galesia 5:5

Tiali goli dago da te gasagi yai homu kolesaga tedali sabo dao. Tama dago e homu ebo dao: God agai Mobo Bidigo da tau siyu, tama dago homu Godide dąų wabo dao. Tama te tiwai elaluyu, dago aga tonaluyu, agai da doloba pai we bidi da omainogo bugagia bidibo dao.

Kraisgo Geme Dualali Sę Pedelabo Po Jonbolo Ola Mani 2:4

Tiali goli, eno po me nage dali elalubao: polobadu nago enaba te konealubo po hasia dąų wali sogo, te sogo nago wiegi yai homu ena dali mu yai, tialima megi nago ena dali te hasia dwagi yai homu eyu godolo yali tiwai ebo menio.

1 Pita 4:17

Magi baso meni. Te Godigo we bidi osola subo bodolu mani sogo pąba yagasai dao, tama agai te aga hani we bidi dali te osola suyu, te po tų ebo sę gagalaibao. Tama da, te da Godigo po wali pabo we bidi hani dao. Tialima God agai te po tų dodolobo sę gagalainogo eyu, tama hasia bolo agai te da aga hani we bidi dali te sę yaibao. Tama tibaso da, te Godigo gesi dwagi yai po odobo hagela yai we bidi dabe, nosali agai augwali dali te po tų ebo si, te augwaligo genuai dene mu saibao.

1 Pita 4:8

Tama dagego genuai hasia yabo sę e dao, te dage bomo eyu, te duga hasi te dwagi yai homu eyu godolo mu yao. Tama te we bidi godolo mu ebo kolesaga, te tebogo te augwaligo ebo dwai sę sula tagalabo kolesaga dao.

Hibru 11:8

Te bidi Abrahamgo konealubo po Godide dąų olama tama agade tiąluyu bidali. Tama tibaso, Godigo aga i obaso, tama Abrahamgo Godigo po wali pai. Tama tiyu, aga bidali bulu tagalama, tama Godigo aga tǫ mu dolo te agabolo mawaibao wali tǫ teba pabo gagalali. Abraham aga menaba pogowe te agai me konebeo. Tiali goli aga Godigo agabolo wali pode aga homugo tiąluama, tama aga page bulu taga pai dao.

Hibru 9:14

Te tama tialigo da, te Kraisgo kanemego digi ofa ebogo te genuai bomo mu elalubao, te hasia ofa yali sę aiyaba mu elaluai. Te Kraisde dwai sę deli agade me elalubeo. Mu menio. Tama te sesemane sogo bidada pabo Mobo Bidigo bomogo, aga digi te aga wiegi yai bidibo ula te Godibolo ofa tiwai elama mawai. Tama agai kanemego dago tigi naga me penebeo. Menio. Te dago yali dwai sę sela sąsiąbo polobadu ofa mabo kolesaga tagalama, tama agai dago homu me penaibao. Tama dago te bidibo ula mabo Godigo sę tulama emainogo agai tama yai dao.

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

2 Korin 6:6

Dago meda isąwai wiegi yai kolesaga eyu, tama Godigo pode dago wiegi yai homu kolesaga elaluyu kuna koneai dao. Bidi dabego dabolo dene mani goli, dago wado po polo me wasiąbo. Dago te bidi tau siyu, augwalibolo wiegi yai kolesaga ilibo dao. Dago te Tedali Mobo Bidigo bomo elalubao. Dago dena homu mu eyu, te dwagi yai homu eyu godolo ebo kolesaga te bidi dabe augwalibolo ebo, te pedauwalide naga te kolesaga ebode me wabo meni. Tama dago te tobage kolesaga ebadi, gasa bidi dabe augwaligo koneagameo, da te Godigo sę ebo bage mu dao.

Dwagi Yai Gesi Po Jongo Asęani 15:17

Te Jisas agai te po me wai, “Te eno bomo yai po e dao, duga hasi dwagi yai homu eyu, godolo mu eyu, bidiąo.

1 Pita 3:1

Te da te tigidali tuni bidi dologode bidabo po tama wali peyu, tama dage we dabe sibi dage deli deli duga bidi dologode bidiyu aga po odao. Tama tiyu, te bidi meba augwaligo Godigo dwagi yai po odobo hagela yai digi, augwaligo wego wiegi yai kolesaga ebo suyu, te wego po mobo masiąwaį goli te bidi augwa homu begelaibao.

Hibru 5:9

Te tama tialigo aga te usu mu ilama, tama aga te we bidi ma dobola sabo bidi pedalama, tama agai po wali pabo we bidi tigidali ma siyu, augwali bugagia bidada peyu, bidada pabo bidi dao.

Polgo Si Wali Pas Timotiba Asęani - 2TI 1:14

Nago te Godigo nagebolo mani dwagi yai po te nago bugagia tonaluao. Tama Godigo Tedali Mobo Bidi te da tomode bidiyu, agai nage te sęde tau saibao.

2 Timoti 5:2

Tama nago te mosi dabe dodoloyu, te naga ida mosi dabe dodolubo tiwai gilama yao. Tama nago te gesi we dabe dodoloyu, te naga abe dodolubo tiwai eyu, te wiegi yai dolo homu naga ebadi augwali dodolao. Mena bidi nago dwai sęde dodolabo homu ebo bidi, nago sesena pai homu eyu dodologio.

2 Timoti 4:12

Augwaligo suali, nage gesi bidi homu ebo, tiali goli augwaligo homugo nage te olo bidi yali homu ebo gogologio. Menio. Nage te polalubo bidi bidao. Tama tiyu, tama nago po wabo kolesaga me, te bilibo me, tama nago we bidi dali dwagi yai homu eyu godolo ebo kolesaga me, te nago Godiba homu begi pabo kolesaga badi, tama te magi dwai sę isiąwai wiegi yai kolesaga nago ebo augwaligo suyu, tama augwaligo homu Godiba begi pabo we bidi augwaligo nage wali asaibao.

2 Timoti 1:3

Polobadu ena te moni tǫ Masedonia teba painogo eno nagebolo po wali, te tiwai naga megi eno nagebolo po ma obao. Nage te Efesus hanude me bidao, tama bidi meba augwalibolo te po weyu, augwaligo te we bidi dabe augwali tibo po ola mabo tagalao, te bomonama te po augwalibolo wao.

2 Tesalonaika 2:13

Tiali ma, eno abagi dede, megi dage te tobage we bidi menio. Genuai Bidigo dagebolo dwagi yai homu eyu, dage godolo mu ebo dao. Polobadu mu God agai dage sa muyu, dage ma saibao wai. Tama Godigo Mobo Bidi agai dage habu seliyu, ‘Godigo hani dao’ wai. God agai homugo dago Genuai Bidi Jisas Krais agai genuai ula dali bomo dali agai dage dali nosali dobawaibao. Tama te homu eyu, agai dage i wali, dago agai gesi dwagi yai po dagebolo pusali sogo. Tama dagego te mu po dao wai dao, tama God dali, dage dali sigo te tebo kolesagade Godigo dage ma sai. Tama tibaso, sesemane sogo dago gedu haluasa po weyu, dago Godibolo buba hwi weyu nage usu dao po wabo dao.

Galesia 3:1

Idao! dage Galesia bulu we bidi hani bage, dage homu kolesaga meni yai bage, eno dagede noma mu sobao. Polobadu ena dage dali bidibadi yaide, te sogo eno dagebolo te Jisas Krais aga te ni pedaide wadolama tama isąma, dago yali dwai sę sęgę sela sąwani po, te po eno dagebolo mu hania pusai dao. Tama te po odolama, tama Godigo gedude dage doloba pai we bidi pedalainogo eyu, dagego duga homu tigidali te poba mu muani. Tiali digi megi dagego homugo te Juda bagego bomo yai po wali paibao, te God agai dage doloba pai we bidi dao omainogo ebao. Dagego duga homu magi baso hasegelaliwe? Dego te homu bega sabo pobi olama, tama homu begelabo po dagebolo pusaliwe?

Galesia 5:7

Te polobadu dagego Kraisgo mu po wali peyu, te tųdu bugagia wali pai dao. Te mena bidigo te tų palibaso, dagego te po mu bugagia wali pabo tagalaliwe?

Polgo Po Pas Rom Dabeba Asęani 8:13

Te dagego tigigo dwai sę ilibo homu kolesagade me bidibaso da, teda dage isabuo. Tiali goli, te Tedali Mobo Bidigo bomogo te dagego tigide dwai kolesaga dabe ebo te ela mubaso da, teda dage bidada peyu, bidada paibao.

Polgo Po Pas Rom Dabeba Asęani 2:8

Tama mebago homugo augwade naga koneyu, tama augwaligo mu po wabo te tudiba munama, tama dolo isąwai kolesaga wali pabo dao. Teda Godigo te bidi dabe augwali dali dwai homu mu eyu, tama genuai sębę eyu yaibao. Tama tiyu agai te dwai dene mu sabo sę augwaliba wei ponaibao.

Polgo Po Pas Rom Dabeba Asęani 1:5

Te aga nogi delide naga te Godigo da olo mu tau sabo wiegi yai kolesaga eyu, tama aga nogide me agai ena te po sela pabo sę bidi nigilali. Te Krais aga nogi tobade Godigo tama tiali, te Juda hani we bidi dali naga meni, te tigidali tǫde bidibo we bidigo konealubo po agade dąų weyu tama agai po wali pomainogo tama tiai dao.

Dwagi Yai Gesi Po Jongo Asęani 17:17

Tama tibaso, naga digi nago mu po augwalibolo ola mao, augwali gasagi yai tedali bidi dabe bidimainogo, magi sę isiąwai bidi dabe bidimainogo yao.

Dwagi Yai Gesi Po Jongo Asęani 15:3

Tama eno dage meda meni yai bidi dabe ilai dao. Eno dagebolo polobadu wali pogo te dage meda meni yai bidi dabe ilai dao.

Godigo Sęba Tagala Palai Bidigo Po 6:7

Tama tibaso, we bidi dabe hauwa augwaligo Godigo po odama, konealuali. Te Jerusalem hanude te Jisas wali pabo we bidi hauwa mu yali. Tama te pris bidi hauwa me augwaligo Jisasgo po wali pali.

Dwagi Yai Gesi Po Jongo Asęani 17:19

Tama eno augwali tobade tau siyu, ena digi ena bidabo ula tagalama, nago po wali peyu, ena isaibao. Tama po mu wabogo augwali nago bidi hani mu bidimainao,” Jisasgo te po wai.

Jems 1:21

Tama tibaso, dage deli deligo aga me ebo dwai dwai kolesaga tigidali mu sela sąyao. Tigidali dwai sę ebo homu me te tagalama, te tobage sęde digibulu bidao. Tama duga digi duga nogi aiyaba elaluao, te Godigo po dagego homude bulali po sao. Te po aga digi usu elama, dage tau siyu ma saibao.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

1 Pita 3:20

Tama polobadu mu te bage augwali e tǫde bidibadi augwaligo Godigo po odobo hagela yai dao. Tama te sogo polobadu mu te bidi nogi Noa aga e tǫde bidiyu, tama Noa agai te moni geba nigibadi te sogo Godigo te dwai sę yali we bidi dali sębę polo isiąbadi tonaluali. Tama te moni geba nigibo sę silama, tama te we bidi isilabo moni ąį asali sogo, te we bidi hauwa te geba tomoba pelama bugagia bidibeo. Woo, te we bidi a naga olama me nogo sela naga augwali te sipde bidibadi te ąįdu sela bilama tama bugagia bidaligo sana pali. Tama tebogo Godigo augwali te ąįgo tau siyu ma dobola sali.