1 Pita 1:13 - Godigo dwagi yai po buku

¹³ Te God agai dage dali te sę yaligo da, te bidi me sę yai hagede aga ugwa sugwa sabo tiwai, dagego duga homu bugagia dodola selama dąų wao. Tama dage deli deli duga digi bugagia tonaluao, te homu kęnai we bidi bidao. Tama te Jisas Krais aga asobo hanilabo sogo agai dagebolo te wiegi yai olo tau sabo sę mawaibao. Dagego tede duga homu bugagia dąų olama, dwagi yai homu eyu tonaluao.

1 Pita 1:13 Referans Kwoze

1 Pita 5:8

Te dagego duga homu bugagia dodolao, tama bugagia tonaluao. Te dagego boi bidi Satan aga susa bilibo dao. Te moni hasa nogi laion, te aga nasi baso bomo elama, tama moni hwa olama gaa weyu aga tuabo nai gegeyu bilibo dao. Tama te boi bidi Satan aga te tiwai eyu susa bilibo dao, te dage dolainogo ebo dao.

Dwagi Yai Gesi Po Lukgo Asęani 12:35

Jisasgo te po wali, “Magi magi nai asobo tonalu, sisi elaluao. Duga ugwa dabe hagana selama, te kukulu dąų walama, te lam sole udulama tolalu, sisi elaluiąo.

1 Pita 4:7

Te tigidali nai silabo sogo te pąba yagasobao. Tama tibaso, dage te homu nagamea pai we bidi bidao, te dage God dali te hanalu wabo po gisiga omainogo te dagego duga homu bugagia tonaluyu bidao.

1 Pita 3:15

Te meni. Dage duga homugo “Krais aga da, dago Genuai Bidi mu dao” homu eyu, aga dologode mu bidao. Tama teyu, dagego duga homu hasia bugagia dodolama, tama me sogo bidi mego dagego Kraisde konealubo po page hanalu obaso da, dagego agabolo te konealubo po page bugagia ola mao.

Hibru 9:28

Te tiwai me Kraisgo te aga bidibo ula aga digi te Godibolo deli sogo naga mani, te we bidi hauwago sęgę sela sąwainogo eyu tama tiai. Nosali te aga si sogo ma asiyu, te agai te sęgę sela sąwainogo me asogobeo. Menio. Te aga ma asobode te dwagi yai homu elama tonaluyu bidali te we bidi dabe augwali naga te agai mu ma sagasaibao.

1 Jon 3:3

Tama te augwali Krais tiwai pedalobo sogo bugagia tonaluyu bidibo we bidi tigidali, augwaligo magi sę isąyu dwagi yai naga tedali gagabo dao. Magi baso meni, augwaligo koneani, te Krais me aga magi dwai sę isąyu dwagi yai naga tedali bidibo dao.

Polgo Si Wali Pas Timotiba Asęani - 2TI 4:8

Megi da te udabo dąį ilaliba pedalali bidigo genuai nogi yai namba te sisi elama ena tonalubao. Te genuai nogi sabo namba te tiwai yaibao: te Genuai Bidigo ena te doloba pai bidi nogi poaibao. Genuai Bidi aga te doloba pai po tų ebo bidi jas, tama te genuai sogo pedalubode agai te doloba pai bidi nogi enabolo mawaibao. Tama agai enaduba delibolo naga te me magobeo. Menio. Te aga hania pedalubo suainu godolo homu ebo bidi dabe tigidalibolo te doloba pai bidi nogi mawaibao.

Efesus 6:14

Awe, dage e tama tiwai dola selama dolaluao. Dagego Godigo mu po te duga kugulu tiwai gudulama, tama bugagia dąų olama, tama te doloba pai wiegi yai kolesaga ebo te dagego duga hagawia sesela sabo nai tiwai abiao.

1 Korin 1:7

te Godigo dagebolo maiabo wiegi yai sę yabo bomo tigidali dagego sai dao, tede dage sǫą peyu habuge me ebeo. Tama dagego tama selama, dagego dago Genuai Bidi Jisas Krais hania pedalabo sogo asobo tonaluyu bidibo dao.

Dwagi Yai Gesi Po Lukgo Asęani 17:30

Te tiwai pedelaibao, nosali, ena e tǫba ma asobo sogode.

Hibru 10:35

Tama tibaso, dagego duga te bomai konealubo po dąų wali te munu me tagaligio. Menio. Te kolesaga me ebogo te genuai nai nosali sabo bomo te elalubao.

Hibru 6:19

Tama agai wali pode dago dwagi yai homu eyu tonalubo kolesagago te dago homu bugagia dąų wabo dao, agai po te genuai sęgę yai ain nai bonogo gebelama, tama te moni geba sip tede dąų olama, tama te tamu ąį sesegede te sip bugagia dąų ola sali tiwai dao. Tama te tonalubo kolesagade dago homu si ebo meni, tede dago mu koneani, te Godigo wali po mu po pedalaibao. Tama te homu eyu, dago dena homu te Jisasba muai dao. Aga te dagalude elalubo Moni Lotu Be tempel tomoba pelama, tama tede walali genuai nami ugwa tudi badu pelama, tama te God bidibo be habuba mu sabolai dao.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Polgo Si Wali Pas Timotiba Asęani - 2TI 4:5

Tiali goli naga digi te polobo bidi tiwai bidisiąyu naga homu sesemane sogo bugagia tonaludao. Tama tiyu nago te sęgę tolao. Nago te bidi dabe augwalibolo te Godigo gesi dwagi yai po pusubo sę yao. Nago te we bidi dabe augwali tau sabo haniani sę elalubaso, te sę nago bugagia mu yao.

1 Korin 13:13

Tama te sogo asisąbadi, te kolesaga sela sesemane sogo elalubao, te homugo kęą pabo kolesaga dali, te dwagi yai homu eyu bugagia tonalubo kolesaga dali, te we bidi dali wiegi yai homu eyu godolo ebo kolesaga dali, te augwali sela sesemane sogo elalubo dao. Tiali goli te kolesaga selade te polalubo kolesaga me deli, te gasa bidibolo wiegi yai homu eyu godolo ebo kolesaga elalubo dao.

Polgo Po Pas Rom Dabeba Asęani 13:13

Da dolo bilao, te giligade bilibo bidi tiwai yao. Dago te hagoma eyu te bomai ąį tuai bidi tiwai dedege bilamuo. Dago te penani ebo kolesaga eyu tama te meda ebo dwai kolesaga dali gagali egio. Dago gasa bidigo nai pesa elama godolo ebaso, tama wado po dabe me olamu dao.

Jopgo Po Asęani Elalubo Buku 40:7

“Nage bidi mu tiwai tama dolaluao. Tama eno nagebolo haniani nai po hanalu waibao, tama nago eno hanalubo po wei ponao.

2 Tesalonaika 1:7

Tama agai dagego megi te tolobo sęgę sela sąnama, tama dage da dali olo bidiyu, toma tuabo sogo menama bidaibao. Agai tebo sogo Genuai Bidi Jisas aga boma pai ensel mobo bidi dabe dali dagalu tagalama, e tǫba asobo te sogo aga moni sia bogoli dali e tǫba asaibao, we bidigo bulu ulade hania sueibao, te aga asobo sogode.

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

Aisaia 11:5

Te tama doloba pai kolesagago tama aga we bidi tonaluaibao. Aga bomo elama bidiyu, aga sę bugagia yaibao.

Te Israel me Juda Hani Sigo Tuni Bidigo Po Elalubo Buku Deli 18:46

Tama Genuai Bidigo bomo Elaijaba pedelai. Te Elaija aga name ugwa bugagia dąų olama, te Ahapgo karis pabodu aga polasa uda yali. Aga te tiwai udada pidubadi, augwali si te Jesrilba sabolali.

Ma Dobola Sali 12:11

Dagego te kibu mi tuabo sogo e tama tiao. Gudubo ugwa gudama, tama sągą nadoba mubadi, bilibo dono nogode tola sao. Tama dagego polo te kibu mi tuao, magi basowe, te nai tuali bodolude ena Genuai Bidi Yawe eno dage ela soaibao.”

Jopgo Po Asęani Elalubo Buku 38:3

Megi da, nage bidi mu tiwai dolaluao. Tama eno nagebolo tigidali po hanaluyu ebode, nago eno po wei ponagameo.

Te Israel me Juda Hani Sigo Tuni Bidigo Po Elalubo Buku Si 4:29

Elisago te wego wabo po odama silibo si, tama Elisago aga sę ebo bidi Gehasibolo e tiwai po tama ola mani, “Naga gudubo name ugwa dąų olama, guda selama, tama te eno tolasa bilibo dono selama, tama nage te Sunem hanuba polo pao. Tialima, tomode bidi me deli nago me subaso da, teda nago siade da po olama, nago dolalubo sesabi egio. Tialima, bidi me deligo nage dali siade da po obaso da, teda nago agai te po wei ponogio, taga pao. Nage te wego beba dolo mu pelama, tama eno tolasa bilibo dono te wai gesabidide ugwa badu te eno dono muao,” po wali.

Dwagi Yai Gesi Po Lukgo Asęani 17:8

Me ma, nago agabolo te po waibao, ‘Eno tubo nai nogeao. Nai nogeama, tama tubo nai mabo ugwa gulama, tama eno nai ena magasu, tau siyu, tiao. Tama nosali naga nai tuagameo,’ te po waibao.

Polgo Po Pas Rom Dabeba Asęani 8:19

Te nosali Godigo da ugwaba selama, tama da agai wai dabe te hania hanilaibao. Tama te sę yabo sogo asobo te Godigo nigali tigidali naigo tonaluyu bidibo dao, te bidi aga homu memenege eyu, tama aga wiegi yai nai asobo sogo tonalubo tiwai gilama.

Kolosi 3:4

Krais aga dago bidibo ula page bidi dao. Tama nosali aga e tǫba ma asama hania pedalama, tama dage me aga dali pedalaibao, tama dagego agai ula yai wiegi yai bomo meba elaluaibao.

1 Pita 1:10

Te Godigo dage ma dobola sabo sę, polobadu mu te sęde te Godigo nosali yabo sę po pusabo profet bidi dabe augwaligo te sęde bomo eyu osola suali, te sę pagede dua dua eyu hanalu wali, augwaligo te sę page kuna konemainogo yai.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

Matyu 20:4

Agai augwalibolo te po wai, ‘Dage me pelama, te wain giba sę egi piąo, tama te sę ebogo sabo mone tiwai usu nama, te eno dagebolo mawaibao,’ wali.