1 Pita 1:1 - Godigo dwagi yai po buku

¹ Ena da Pita da, te Jisas Kraisgo tagala palai bidi me deli dao. Tama te dage haniani gasa tedali bulude bidibo we bidibolo eno e pas asęna tolobao. Dage meba te moni tǫ nogi Pontus tede bidibao, meba te moni tǫ Galesiade me, meba te moni tǫ Kapadosiade me bidibo, meba te moni tǫ Esiade me bidibao, meba te moni tǫ nogi Bitiniade me, dage te tǫde bidalubo, tede osogo bidibo we bidi tiwai bidibao.

1 Pita 1:1 Referans Kwoze

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

Hibru 11:13

Tama te Abraham dali Sara dali, te Aisak me Jekop, te we bidi augwaligo konealubo po dąų olama Godide tią peyu bidaluama tama augwali isalio. Tama augwali e tǫde bidali sogo, te Godigo polobadu augwalibolo te nai mawaibao po wali, te wiegi yai nai augwaligo me sabeo. Menio. Augwali digibulu dolaluyu, tama augwaligo augwa homugo naga te Godigo augwalibolo maiabo nai sulama, wiegi yai homu pemene yai. Tama augwaligo te gasa we bidibolo te po haninama hania wai, “Da e tǫde bidibao te gasa bulu bidi tiwai bidibao. Da e tǫde dwasianu sogo naga bidagasai dao.”

Efesus 2:19

Te Krais agai te tobage genuai sę tigidali ebaso, megi dage Juda hani isiąwai we bidi te dage gasa bulu we bidi menio, osogo bidagasai bage me menio. Woo, megi dage Godigo we bidi hani tomoba mu asai dao, te bidi hani dage mu wadolai dao, te augwali dali hodobo kaneme deli dao.

Godigo Nogi Ugwaba Sabo Tęąbi Po Wabo Buku Dabe 44:11

Nago da te augwaligo ela muabo kibu sipsip tiwai pedalumainu ilali. Tama nago da te dena tǫde bidali sela sąbaso, tama da tedela pelama, te gasa hani bage tomoba bidigi pai dao.

Godigo Sęba Tagala Palai Bidigo Po 8:4

Te Jisas wali pabo we bidi augwali wi pelama, tigidali buluba tedela pelama, bidada pali. Tede augwaligo Jisasgo po pusa mani.

Dwagi Yai Gesi Po Jongo Asęani 11:52

Tama Jisas aga isiyu, Juda we bidi naga tau sogobeo, te Godigo we bidi gasa bulude bidada pali we bidi deliba sisinama, agai hani deli naga yaibao.

Matyu 24:22

Tama Godigo te genuai sęgę elalubo sogo togogi menigi da, teda te tigidali we bidi mu doligi dao. Tiali goli God aga te sa muani we bidi augwalide homu konealua. Tama tiyu, augwali tobade agai te sogo togwaibao” wali.

1 Pita 2:11

Eno abagi dede mu, eno dage tau somainogo bomo eyu e po dagebolo obao. Dage da e tǫba tamadi tama asai osogo bidibo we bidi dao. Tama tibaso, dago tigigo e tǫde ebo dwai dwai sę egimio. Te tobage dwai sę dabe augwaligo da aiyaba elaluai hagede da dali hwįbo dao.

Esta 3:8

Tama Hamango te gavman tuni bidibolo te po wai, “Te we bidi hani me deli te nago tonalubo tǫ pedai provinsde te bidada pobao. Tama te hanigo te ede bidalubo we bidigo ebo kolesaga tiwai me ebeo. Augwali te gasagi yai tedali mu elalubo. Tama augwaligo nago te tǫ pedaide bomai po elalubo te wali me pabeo. Tama nago augwali gogolama tama sula tagalidu da, teda tego naga tau me sisąyu, tama nago tǫ pedaide ebo sę te dolasa me pogobeo.

Bomai Po 28:64

“Te Genuai Bidigo dage subigila teba teba dobola palaibao, te tigidali e tǫba tedela palaibao. Tama te bulude dabe dage augwaligo masigigo me nigo nigai tibo god dabeba lotu po waibao. Polobadu dage me duga wąį dagego te tibo godiba lotu po me wai menio.

Bomai Po 4:27

Teda Genuai Bidigo dage sese tama gasa buluba dabe subigila sela sąwaibao. Tama we bidi hauwa mu isila paibao, tama dage dwasianu we bidi naga te gasa haniani bidi hani tomode bidaibao.

2 Pita 1:1

Ena da Saimon Pita dao, te bidi Jisas Kraisgo sę ebo bidi dao, te ena agai tagala palai bidi me deli dao. Tama eno e pas asęna dagebolo tolobao. Te Jisas Krais aga te dago God dao, te aga da te da ma dobola siyu dwagi yai buluba muabo bidi dao. Tama aga doloba pai bidi mu bidiyu, tama da tigidali dali deli homu naga elama, tama agai te dagebolo te agaba duga homu tigidali muabo kolesaga mawai dao. Tama te dagebolo mani kolesaga te agai dabolo mani kolesaga tiwai si dao, te wiegi yai dila pai kolesaga mu dao.

Efesus 2:12

Tama polobadu dage te tiwai bidibadi, te dagego Krais aga de dawe, te dagego konebeo. Dage te Israel bidi hani bulu badu bidaluai, te dage God agai hagea sai we bidi hani meni. Te God agai te da Israel we bidi dali dwagi yai sę nosali yabo po olama, tama dabolo polobadu mu pusai dao. Tama te pogo bomo te Godigo dena wąįbolo mu dąų wali po te dao. Tiali goli Godigo dage Israel hani isiąwai we bidi dali te tobage tau sabo dąų wali po wabeo. Tama dage tǫde bidibadi dage dwagi yai homu eyu, te Godigo dage dali wiegi yai sę yabo sogo tonaluai menio. Tama dagego God konesiąwai bidai dao.

2 Korin 1:8

Ama dedeo, te dago homugo te moni tǫ pedai Esia tede te sęgę daba pedalali te dagego koneaibao. Te genuai sęgę mugo da aiyaba elaluama, tama dago bomo aiyaba mu elaluali. Tama tiyu, tama dago homugo te da isabo homu yali dao.

Godigo Sęba Tagala Palai Bidigo Po 18:2

Tama te bulude bidi me deli bidali, te Juda hani bidi, agai nogi Akwila. Aga bulu mu nogi da, Pontus da. Tama polobadu gana aga dali aga we dali te Itali tǫde bidali taga soai. Aga we nogi da, Prisila da. Te Rom gavman tobolu bidi mu agai nogi Klodius, agai te Juda hani te Rom tǫde bidali aga sela sąwai dao. Tama agai te po wali, “Dage Juda hani Romgo tǫde ma bidigimio,” wali. Tama tibaso, augwali si te Korin be naniba polasa soai madigi, Pol nosali Korin be naniba asai dao. Pol aga augwali sugi pali. Tama sugi pelama, agai augwali dali bidali.

Esekiel 6:8

“Tiali goli, te boi bidi dabego te we bidi tigidali ela mumainogo me egobeo. Me badu we bidi bidalubadi, te eno gasa tǫ kantriba ela gudulama, tedela palaibao.

Kraisgo Geme Dualali Sę Pedelabo Po Jonbolo Ola Mani 1:11

Tama te wali pode te po wai, “Nago naga gedugo subo sę po tigidali te bukude asęnama, te Godigo po odobo we bidi bidibo bulu a naga olama me badu nogo si, te buluba nago te sę po asęna tolao. Nago te po Efesus buluba asęna tolobadi, me te Smerna buluba, me te Pergamum bulu, me Taiataira, me Sardis, me Filadelfia buluba tolobadi, me te Laodisia buluba te po asęna tolao,” weyu te po enabolo wai.

Polgo Si Wali Pas Timotiba Asęani - 2TI 1:15

Timoti, nago koneani, te Esia genuai tǫde bidibo Godigo po odobo bidi augwali tigidaligo ena tagalai dao. Te augwali tomode te bidi si Figelus me Hermogenes si dali, te augwaligo me ena tagalai dao.

Galesia 1:2

Tama ena dali, ena dali bidibo ama dabe tigidali dali, dago te pas dage Galesia tǫ tomode bidibo Kraisgo po wali pabo we bidibolo asęna tolobao. Tama asęnama, tama dwasianu hani deli delibolo te po asęna tolobao.

1 Korin 16:19

Te moni tǫ pedai Esiade te Godigo po odobo we bidi augwaligo te giligade dao po dagebolo obao. Te Akwila de aga we Prisila dali, te Godigo po odobo we bidi te augwali sigo beba sisinibo bage, augwaligo dage dali dwagi yai homu eyu, dagebolo te Genuai Bidigo nogide siade dao po hauwa obao.

Godigo Sęba Tagala Palai Bidigo Po 19:10

Tama Pol agai te sę ebadi, kibu be si silali. Te sę elama, umabo we bidi te Esia tǫ tomode bidibo we bidi augwaligo Godigo dwagi yai po odali. Me badu Juda hani we bidi da, me badu te Juda hani isąwai gasa hani dabe we bidi da.

Godigo Sęba Tagala Palai Bidigo Po 18:23

Tede aga hauwa sogonu bidama, aga Antiok taga pali. Tama ma pelama, tǫdu pelama, te Galesia tǫ me, Frigia tǫ me tomodu pelama, Jisasgo po wali pabo hani we bidi suali. Tama agai augwalibolo dwagi yai po pusa mani, augwali bomo somainogo yali.

Godigo Sęba Tagala Palai Bidigo Po 6:9

Tiali goli, me badu bidigo te Stivengo ebo sęde hagelabo homu yai. Polobadu augwali te mone ge sisąbo olo sę ebo bidi bidalio. Tama tomode te sę tonalubo bidigo augwali olo tagala palali. Tama tibaso, augwaligo augwa Juda dabego bomo yai po ola mabo be nogi poai, Olo Tagala Palai Bidigo Be dao wali. Augwali da te Juda dabe da, te bulu sidu asali, te bulu si nogi me Sairini, me bulu nogi Aleksandria. Silisia bulu Juda bidi me, te Esia bulu Juda bidi me, augwali te olo tagala palai bidi dabe dali sisinagasali, Stivende augwaligo hwįai hagede gagalali.

Dwagi Yai Gesi Po Jongo Asęani 7:35

Tama Jisasgo te po obaso, te Juda dabe tobolu bidi augwa hasi po weyu, te po wai, “Te bidi Jisas aga menaba pai digi, dago aga gegelama, sugobewe? Jisas aga te Grik po wabo bidi dabego moni be naniba pogowe? Tede Juda bage me badu bidibo dao. Tama Jisas teba pelama, agai te Juda dabe me, Grik dabe augwalibolo te po ola magi paibawe?

Matyu 10:2

Te 12 bidi nogi te e dao: hasia bidi aga nogi Saimon, te aga gasa nogi Pita, tama me aga ama nogi Andru dali. Tama Jems me aga ama Jon dali, augwali si te Sebedigo ogwa si dao.

Matyu 4:18

Te me sogo Jisas te Galili sigi wę sesegedu pobadi, tama agai te augwali ama name si suali, te bidi me nogi Pita, me aga ama, Andru, augwali sigo te sųgų sabo wa te sigi węba sąbo sę yai. Te augwali sigo te sųgų selama mone sabo bisnis sę yai dao.

Pris Sę Ebo Bomai Po 26:33

Eno digi te boi bidi dabego dageba boi hwįmainogo ilaibao, te eno dage augwaligo te gasa tǫ kantriba tedela palomainogo ilaibao. Te dagego tǫde bidi meniama olo elalu, te taun dabe dolai elalueibao.

Bomai Po 32:26

Hasia da, eno augwali sese mu tama silabo homu yai goli dao, te tama tilama, te bidi mego augwali kone me igi meni dao.

Dwagi Yai Gesi Po Lukgo Asęani 18:7

Te God aga sa muani we bidi augwaligo ulade me, hulide me aga hanalu wabo si, te God agai augwali tau magowe, ma magobewe? Agai bobenu bidama, tau sogowe?