1 Korin 9:4 - Godigo dwagi yai po buku

⁴ te eno ebo sęde te Godigo po odobo we bidi augwaligo augwa doado bagego ena tau sobaso da, te dolo dawe ma meniwe? Te dolo mu dao.

1 Korin 9:4 Referans Kwoze

1 Tesalonaika 2:6

Tama dago te sę ebo te tǫde bidigo dago nogi ugwaba somainogo te sę ebeo, te dage me te gasa bidi me tomode te dago te sę ebeo. Te Jisas Krais aga digi da tagala palali agai sę bidi da bidibadi goli, dago bomo elama, tama dagego dabolo te genuai nogi momainogo dago te sę ebeo.

Dwagi Yai Gesi Po Lukgo Asęani 10:7

Te sę ebo bidi aga nai sabo dao. Dage te bede deli bidibadi, te tubo nai maiyu, ąį me maiyu ebaso da, te nai tuiąo. Dage te bedu me beba peyu ela biligimio.

1 Tesalonaika 2:9

Dago abagi dabe, da dage tomode bidibadi, dago sę dene ebo te tigidali dagego koneai dao. Tama dago dagebolo Godigo dwagi yai po pusubadi, tama dago te masigi sabo gasagi yai sę yai dao, te siade me hulide me yai dao. Te yali sę dagego koneai dao. Dago te sę magi baso yaliwe? Te dago dagebolo sęgę maidali weyu, dago te sę yai dao.

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

Matyu 10:10

Tama dage bilibo sogo dagego te wa sabiligio, ma te holobo ugwa si me te sągą nadoba olo si me, te bilibo dono olo si me tolasa biligio. Menio. Te dagego tau sabo we bidi augwaligo dagebolo te tobage tigi tau sabo nai momainao.” wali.

Godigo Sęba Tagala Palai Bidigo Po 20:33

Tama dagego mone me, ugwa me, me me dwagi yai nai eno pesa yai menio. Eno homugo dagego masigi dabe, ugwa dabe eno dagego ena me mao wai menio. Duga digi koneai dao.

1 Korin 9:3

Te bidi mebago eno dagede masigi sisąbaso ena te Godigo po sela pabo bidi meni da wabo si, tama eno e tiwai po te augwaliba wei ponobo dao:

Pris Sę Ebo Bomai Po 22:7

Te giliga dega sigulai baso da, teda aga wiegi yai ma pedelali, te agai Genuai Bidi eno te ofa nai dabe tumainao, magi baso meni, te dage prisgo nai dao.