1 Korin 9:16 - Godigo dwagi yai po buku

¹⁶ Eno te Kraisde wiegi yai gesi po pusubo, tede eno te ena nogi ugwaba sabo te usu menio. Te menio. Eno sunumi gasa me elalubeo. Dago Genuai Bidigo enabolo te sę naga mawai dao. Tama eno te wiegi yai gesi po pususiąyu da, teda ena hobedagia mu bidaibao.

1 Korin 9:16 Referans Kwoze

Polgo Po Pas Rom Dabeba Asęani 1:14

Magi baso meni. Tǫde we bidigo gedude te Grik po wabo bage augwali te haniani naide kolesaga page tolalubo bage dao, nogi elalubo dao. Me ma, te Grik po wasiąbo bage, augwali nogi meni yai bage dao. Tiali goli agai enabolo te wiegi yai gesi po pusubo sę mayu, “Te Grik dabe dali, te Grik hani isąwai we bidi dabe dali si augwali tigidaliba pusao” weyu yai. “Te kolesaga koneai bidi dabe dali, te kolesaga konesiąwai bidi dabe me, tigidalibolo pusao,” wai.

Kolosi 4:17

Tama dagego te bidi Arkipus aga dali e po wao, “Te Genuai Bidigo nago nogoba muani sę sula tagaligio. Nage aga sę ebo bidi bidibaso, te mani sę bugagia silao,” te po Arkipusbolo wao.

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Dwagi Yai Gesi Po Lukgo Asęani 9:62

Jisasgo agabolo te po wali, “Bidigo eno sę gagalama, te sę ebadi tagalo baso da, te Godigo we bidi tonalubo pesagede te bidigo sę ebo usu egobeo,” wali.

Godigo Sęba Tagala Palai Bidigo Po 4:20

Dadi sigo gedugo suali sę me, odali po me, te dago tagalogobeo,” te po wai.

Amos 3:8

Te bomai hasa laiongo i bomonama wabo odobo si da, te bidi aga wi homu ebo meni da, agawe? Awe, aga wi yaibao. Te God Genuai Bidigo po bidi me deliba pusubaso, te bidigo te po pusubo meni da, agawe? Menio. Agai pusaibao. Te Amosgo wali po dao.

Polgo Po Pas Rom Dabeba Asęani 15:17

Tama tibaso, ena Krais Jisas dali wadolama, tama eno te Godibolo ebo sęde te ena wiegi yai homu pemene ebo usu ebo dao.

Godigo Sęba Tagala Palai Bidigo Po 9:15

Tama Genuai Bidigo agabolo te po wai, “Nage pao, eno aga dąį ilibaso, agai eno sę yaibao. Sol agai eno nogi te gasa hani dabe we bidibolo ola mawaibao, te genuai gavman bidi dabebolo me, te Israel we bidibolo me eno nogi pusa maiabo bidi dao.

Godigo Sęba Tagala Palai Bidigo Po 9:6

“Megi nage hogodama, Damaskus hanu tomoba pao. Tama bidi me deligo agai te nago sę yabo po ola mawaibao,” te po wai.

Polgo Po Pas Rom Dabeba Asęani 4:2

Te mu tama Abrahamgo te dwagi yai kolesaga ebaso tama tede aga te doloba pai bidi pedaligi sogo da, teda aga digi aga nogi ugwaba sainogo tigi dao. Tiali goli God gedude aga digi aga nogi ugwaba sigi meni.

Amos 7:15

Tiali goli, eno ena sę idu bidibadi, tama Genuai Bidigo ena tedu selama, enabolo te tiwai po wali, ‘Nage pelama, nago eno po te eno we bidi Israel dabeba pusigi pao,’ wali. Tama tibaso, ena asai dao.

Aisaia 6:5

Tama tibaso, ena wi ebaso, te po wali. “Mu tamao, ena mu dolaibao. Tigidali sogo eno pedauwalidu dwai po wabo dao. Tama ena dwai po wabo we bidi dabe tomode bidibo dao. Ena dwai sęgę wa abibo bidi dao. Tama megi da, eno te tuni bidi polo suali, aga Genuai Bidi Tigidali Bomo Elalubo Bidi. Tama tibaso, ena isaibao,” eno te po wali.

Jeremaia 20:7

Genuai Bidio, nago ena homu bega siyu, te nago sę emainogo yali, tama eno nago te homu bega sabo po odali. Nago bomo mu ebaso, te eno nago po aiyaba elaluabo usu meni yai. Tama megi da, te tigidali we bidigo enabolo posobo po weyu, te augwaligo ena sesemane sogo gisugu mabo dao.

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.

1 Korin 4:15

Te mu tama dage te Kraisgo kolesagade te dage bugagia tonalubo bidi te bidi sese umabo te 10,000 bidi elaluyu da, tagalao, te dagego aya hauwa me elalubeo. Menio. Te da Krais Jisas dali wadolobo kolesagade enaduba deli ena te dagego aya tiwai bidibao. Dage eno te Kraisde wiegi yai gesi po pusama, tama dagego te po odolama tama Krais wali pabo gagalali. Tede te dage eno wai puluba pedalali.

1 Korin 9:12

Te dagede bidi mebago te tigi tau sabo nai sabo usu ebo da wida, teda eno me te nai sigi sogo da, te usu mu egi dao. Te nai dago sabo usu yaiba wali goli, te dago me sabeo. Menio. Dago te we bidigo Kraisde wiegi yai gesi po odobo sunumi te panibo te dago hagela homu yai. Tama tibaso te haniani sęgę dabe dago tolobo dao.

1 Korin 9:14

Tama te tiwai naga dago Genuai Bidigo te bomai po muani: te Godigo wiegi yai gesi po pusubo sę ebo bidi dabe, te sęde augwaligo te wiegi yai gesi po sabo we bidigo tigi tau sabo nai meba somainogo yao.

2 Korin 2:12

Polobadu gana ena pelama te Troas hanuba pedalama, te gesi wiegi yai po Kraisde pusainogo yali, tama Genuai Bidigo te po pusubo tų dalalio.

Matyu 25:16

Aga pai madi, tama polo te 5,000 kina sali bidigo te monede bisnis sę elama, tama gasa mone te 5,000 kina sali, te moneba ugwadu daganani mone te profit mone dao.