1 Korin 9:13 - Godigo dwagi yai po buku

¹³ Te Moni Lotu Be tempel, te bede sę ebo bidi dabe, augwaligo te bede augwa nai sela tubo dao. Tama tiyu te Juda we bidi augwaligo te Godibolo maiabo nai magaselama, tama te be tomode te alta saide te nai Godibolo mabo sę ebo bidi dabe augwaligo da te alta saide ulubo nai hasa mi meba te sela tubo dao. Tama tiyu augwaligo augwa nai abelebo menio, te augwaligo Godigo sę ebode augwa nai tama sabo dao.

1 Korin 9:13 Referans Kwoze

Pris Sę Ebo Bomai Po 6:26

Prisgo te sęgę sela sąbo ofa yali, agai digi te kibu mi eno Ugwa Be mesalode tumainao.

1 Korin 10:18

Dagego te Israel dabe augwaligo yali kolesagade homugo kone palao. Godigo augwaligo yali dwai sę sela sąwainogo eyu, tama augwaligo te sipsip dali meme dali selama, tama te pris bidi dabego nogoba mawai. Tama menama, tama te pris bidi dabego te nai dabe ela munama, tama te mi te alta sai ugwadu daiba muyu, tama siago uluyu, tama Godibolo ofa tama mawai dao. Tama tiyu te nai sesali bage dali, te pris bidi dabe dali, augwali tigidaligo te altade ofa mani nai tuyu deli hani naga bidiyu tama bidali.

1 Samuel 2:28

Tama dage te Israel hani tigidali tomode, eno te Arongo hani deli selama, tama augwali eno pris bidi hani nigilali. Tama augwaligo te altade te denami ilibo pauda hano ilibo sę emainu yali, tama ena pąba asobo sogo te prisgo gudubo ugwa gudama, asu yao wali. Tama eno po weyu, augwa te Israel dabego te ofa yainu altaba selasa asobo nai dage te augwa tuao po wai dao.

Bomai Po 10:9

Tama tialima, te Livaigo hanigo te meba Israel we bidi dabego yali gilama tǫ me sai menio. Wiegi yai nai augwaligo sali da te e dao, te augwali Genuai Bidigo pris bidi nigali. Te God dago Genuai Bidigo dąų polo wali po wali gilama tiali.)

Pris Sę Ebo Bomai Po 7:31

Tama nosali prisgo te alta siade te kibu ili ulao, tialima te pris augwa te kibu bau sao, te augwa tuabo nai dao.

Pris Sę Ebo Bomai Po 21:22

Tialima, dagego enaba te ofa ebo kibu me gasa nai ofa ebo dabe te agai tumainao. Eno dage prisbolo menama tumainogo ebo ofa nai dabe te agai me sela tumainao.

Israel Hanigo Namba 18:31

Te nai dabe da, te dagego te Godigo ugwa be tomode dagego sę ebo pe tiwai dao. Tialima, dage pelama, dage duga we wai puluba dage duga te nai dabe meba elalubo te nai tugi piąo.

Polgo Po Pas Rom Dabeba Asęani 6:16

Te dagego duga tigi te bidi me deligo nogoba menama tama agai po naga wali pobaso da, teda dage agai sę ebo bidi bidibo dao. Koneaniwe? Ma dage te dwai sę ebo kolesagago sę bidi bidiyu tama dage agade duga noma mu isabo sę saibao. Ma dage Godigo po odoyu tama te pogo sę ebo bidi dabe bidiyu tama dage doloba pai kolesaga eyu bidibo dao.

1 Korin 9:24

Megi eno te po digi po begelama obao. Te udabo ususu si ebo bidi dabe te tigidali augwali udulama, tama te geanani bidi deligo naga te dwagi yai nai sabo dao. Te dagego konebewe? Tialima, dage me te tiwai bomonama Godigo po bugagia mu wali piąo, agai te dagebolo dwagi yai sę emainogo yao.

Pris Sę Ebo Bomai Po 22:7

Te giliga dega sigulai baso da, teda aga wiegi yai ma pedelali, te agai Genuai Bidi eno te ofa nai dabe tumainao, magi baso meni, te dage prisgo nai dao.