Magi baso meni. Te Godigo da we bidi tonalubo sę page da, te nai me wę tubo kolesagade te page elalubeo. Menio. Te aga da tonalubo sę page e dao, te doloba pai kolesagade elaluyu, tama wiegi yai homu nagame eyu, tama wiegi yai homu pemene ebo kolesaga ebo. Te Godigo Tedali Mobo Bidigo te kolesaga da tomode nigilibo dao.
1 Korin 8:8 - Godigo dwagi yai po buku8 Tiali goli dagego te kolesagade e po wei ponobo dao, “Te nai tubo kolesagago da te God pąba odasa me pogobeo. Te dago nai tusiąbaso, teda da te God gedude me sǫą pogobeo. Me ma, te dago tubaso da, teda da te God gedude wiegi yai me pedalugobeo.” Gade chapit la |
1 Korin 8:8
5 Referans Kwoze
Tama tibaso, te gasa haniani haniani ola mani pogo dagego homu kegeyu, tama dagego Godigo tų wali pabo tagalu gogologimio. Te dago homugo te Godigo da olo tau siyu mabo kolesagade dago bomo sai yai baso da, te wiegi yai dao. Dago homugo te haniani nai tubode bomai po wali pabode te bomo sainogo ebo usu egobeo. Te kolesagade bilali we bidi augwali te kolesagago tau me sabeo.
Gasa bidigo eno po aiyaba elalumainu eyu e tiwai po waibao, “Tubo nai te tabigo sabo nai da, tama tabigo te nai sabo dao.” Agai homu te tiwai me aga tigigo te dwai penani sę ebo te me usu dao, te aga tigigo yabo sę dao. Awe, agai te tubo nai dali te tabi dali side wali po te mu dao. Tiali goli Godigo te si dali nosali silaibao. Tiali goli dago tigigo te penani kolesaga yabo nai meni. Menio. Dago tigi da te dago Genuai Bidigo nai dao. Tama Genuai Bidi te tigi tau sabo nai dabolo mabo dao.
Agai te sę bidi deli deli augwaligo kolesaga me bomo homugo koneama, tama augwalibolo te mone dobawai. Me delibolo agai te bidi sese mone hauwa 5,000 kina mani, tama mebolo agai te bidi sese mone hauwa te 2,000 kina mani, tama mebolo agai te bidi sese mone hauwa 1,000 kina mawai. Agai tama tilama, aga pai.
Piblisite