1 Korin 7:9 - Godigo dwagi yai po buku

⁹ Tiali goli, te augwaligo homu me tigi te augwa digi bugagia tonaluabo homu usu yabo ąǫ isąbaso da, te augwa sao. Te augwali we sobaso da, te wiegi yai da. Tiyu augwaligo homu hogodaluyu tama dwai sę ebo homu yabuo.

1 Korin 7:9 Referans Kwoze

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

1 Korin 7:2

Tiali goli te haniani penani ebo kolesaga te tǫde elalubao. Tama dagego te kolesaga idali weyu, te tigidali bidi deli deligo te augwa we sao, tama tigidali we dabe deli deligo me te augwali sali bidi dali bidao. Te bidigo tigi te aga wego da, tama bidigo me geą siyu tama dąų munu me olamuo. Te tiwai naga, wego tigi te aga bidigo da, tama wego me geą siyu tama dąų munu me olamo dao.

2 Timoti 5:11

Tiali goli nago te augwa bidi dabe isai, te gesi we dabe augwali nogi asęnamuo. Menio! Te augwaligo homu hodolama tama te bidi dali ma pabo homu ebo si, te augwaligo Krais te tudiba muaibao. Tama tiyu, tama augwaligo agai sęde te hasia dąų wali po augwaligo togolama, tama tede sęgę saibao.

1 Korin 7:28

Tiali goli, te nago we siyu da, te dwai sę meni. Tama te gesi wegi te bidigo siyu da, te wegi agai te dwai sę me ebeo. Tiali goli te we sali bidi me te bidigo sali we te augwali sęgę meba te tǫde elaluaibao, tama eno homugo te tobage sę dageba pedalidali homu eyu eno e po obao, te dage megi bidibo tiwai gilama te tama bidaluao.

1 Korin 7:39

Te we me deligo bidi te aga bidi bidibadi, te we te aga bidi dali naga kęą pelama bidao. Tiali goli, te we aga bidi isibo si da, te we te bidi dali me kęąlubeo. Te aga gasa bidi dali pabo homu ebaso da, teda aga te bidi dali pomainao. Tiali goli aga te Godigo po wali pabo bidi dali naga pao.

1 Korin 7:36

Te bidi me deli aga homugo agai te dolo meniabo kolesaga te aga noma sali gesi wegi te dali te tiwai kolesaga ebaso, tama agai homu te wede hodoloyu bomo mu eyu, tama agai suali te gasa sunumi me elalusiąbaso da, teda te bidigo te wegi kęmainao. Te sęgę sabo sę ebeo. Te augwa si bidimainao.

Godigo Sęba Tagala Palai Bidigo Po 19:36

Tama tibaso, dage dua bidiąo. Dagego bugagia konesiąwai sęde wado egimio,” wali.

1 Tesalonaika 4:4

Tama te dwai sę isiąbo kolesaga bugagia wali peyu, tama we sabo kolesaga dage deli deligo bugagia koneama, tama tebo kolesaga eyu bidao, God agai homu dage dali te tiwai homu ebo dao. Tama dagego tebo kolesaga, te Godigo kolesaga naga tiwai wali pao, tǫde we bidi augwaligo ‘Te sę dwagi yai sę dao’ omainogo yao.