1 Korin 7:3 - Godigo dwagi yai po buku

³ (-)

1 Korin 7:3 Referans Kwoze

1 Pita 3:7

Te dage we sai bidi dabe me, dage Godigo we bidi hani dali dwagi yai homu eyu, tama dage deli deli duga we dali tau sabo homu eyu, abagi homu eyu, bugagia bidao. Tama dagego koneani, te bidi me aga we me augwali sibolo God agai te bidada peyu, bidada pabo bomo olo mawaibao. Tama dagego augwali bomo genuai meni homu ebadi, te bidi agai aga wego nogi ugwaba sao. Bidigo tama tiyu bidibaso da, teda Godigo augwali sigo aga hanalu wabo po odaibao.

Ma Dobola Sali 21:10

Tama te genuai bidigo gasa we siyu da, teda agai te hasia sali te olo sę ebo we te bugagia tonaluao. Agai te we nai mayu, te ugwa me mayu elama, tama aga te we dali piyu, te agai polobadu yali tiwai gilama yao.

1 Korin 7:2

Tiali goli te haniani penani ebo kolesaga te tǫde elalubao. Tama dagego te kolesaga idali weyu, te tigidali bidi deli deligo te augwa we sao, tama tigidali we dabe deli deligo me te augwali sali bidi dali bidao. Te bidigo tigi te aga wego da, tama bidigo me geą siyu tama dąų munu me olamuo. Te tiwai naga, wego tigi te aga bidigo da, tama wego me geą siyu tama dąų munu me olamo dao.

1 Korin 7:4

Magi baso meni. Te wego aga tigi me tonalugobeo. Menio. Te aga bidigo tonalubao. Tama te tiwai naga, te bidigo aga tigi geą selama dąų weyu munu me tonalugobeo. Menio. Te aga wego tonalubao.