1 Korin 6:8 - Godigo dwagi yai po buku

⁸ Tiali goli menio. Duga digi te meba bidi dabe dali dwai sę elama, tama augwaligo doado bage anoma elama sali! Awe, dagego te tiwai dwai kolesaga te duga ama dabe mu dali ebo dao.

1 Korin 6:8 Referans Kwoze

1 Tesalonaika 4:6

Tama God agai ebo homu e dao. Dagego te we sabo sę po bolama, tama duga abagi dali dwai sę egimio. Magi baso menio. Genuai Bidi Jisas agai te tobage dwai sę ebo kolesaga ebo bidi augwali tigidali agai wei ponobo dao. Tama polobadu da dage dali bidibadi, e sęgę yai po dao homu eyu, dago te po hanilama, dage dali wai dao, dage tau somainogo.

Kolosi 3:25

Tama niwai bidi agai dwai sę ebaso da, teda Godigo aga te yali dwai sęde wei ponaibao. Te nogi elalubo bage da, ma nogi meni yai we bidi da, te magigo meni, Godigo usu ni deligo naga da tigidali usu saibao.

Jems 5:4

Te po bugagia odao. Te sę ebo bidi dabe augwaligo te dagego moni gide dagego nai sabo sę yai. Tama dagego augwali ili po weyu, te augwali maiabo mone ge bogia siyu, tama meba duga geme halobageba dualobo dao. Odao. Dagego te geme dualali masigigo agai i olama, dwai po dage dali wabo tiwai po wabo dao. Tama te sę bidi dabe augwaligo masigi habuge eyu, dwai homu eyu, tama augwaligo i wabo te dagalude bidibo Genuai Bidi agai odalio, God aga tigidali bomo page bidi mu dao, te aga digi augwaligo gela wabo po odalio.

Dwagi Yai Gesi Po Makgo Asęani 10:19

Nago te bomai po koneanio: ‘Nago te bidi ela mugio. Nago te penani sę egio. Nago nai wi sigio. Nago gasa bidibolo tibo po me olamuo. Nago tibo pode gasa bidigo doado bage anoma elama sigio. Nago te naga aya de ida sigo po wali pao,’ te bomai po dabe nago koneanio, te wali pao,” Jisasgo te po wai.

Malakai 3:5

Tigidali Bomo Elalubo Genuai Bidigo te po wai, “Eno dagego kolesaga dagalainu asaibao,” wali. “Te polo tama eno te we sali tomode dolobo sę eyu, te pobi wabo bidi dabe po tų iliyu, te tibo po kotde pusuyu, te tonalubo bidi dabego te augwa sę bidi bugagia me abeligobeo, te we dabego tigidali doado bage sabo bidigo te muma sabo po weyu, te augwa bidi isai we dabego doado bage me siyu, te augwa aya isai wai dabego doado bage me sali, te bomai po boloyu te gasa tǫ kantridu asai bidi dabego nai me sali. Te tigidali bidi ena dologode me bidibeo, tama tibaso te eno augwali po tų ilaibao,” wai dao.

Maika 2:2

Te dagego bidi me deligo gi sabo homu pesą eyu, dagego bomonama te siyu naga yaibao. Dagego te be sabo homu pesą ebaso da, dagego te siyu naga ebo dao. Dagego te tibo sę ebo kolesaga elama, te gasa bidi dabego be me, te augwa wąį nǫųde sali tǫ me, wi sabo dao.

Pris Sę Ebo Bomai Po 19:13

Dagego gasa bidi me doloyu, te agai nai dabe wi me sigio. Te dagego bidi me deliba sę mawai baso da, teda dagego agai sę te ela silibo side te abelebo mone mao, te sogo piode. Dagego te mone tolalubadi be huliama te kigamude me magio,” wai.

Matyu 20:13

Te gi page bidigo augwali tomode bidi me delibolo po wei ponai. Agai te po wai, ‘Abagio, eno nage dali dwai sę ilibeo. Te dadi sigo te mone ge nogo si sabo po dodolama, usu da po wai meniwe?