Biblia Todo Logo
Bib sou entènèt

- Piblisite -




1 Korin 6:6 - Godigo dwagi yai po buku

6 Tiali goli dagego te tiwai ebo meni. Te po pagede naga te ama me deligo te gasa ama me te po tų ela mayu, tama te Kraisde konealubo po dąų wasiąwani bidi dabe gedude te po tų ilibo da. Te dwali.

Gade chapit la Kopi




1 Korin 6:6
13 Referans Kwoze  

Te Godigo po wali pisąwai bage augwali te tedali gasagi yai, tama dage augwali dali kisasa bilama tama augwaligo ebo kolesaga tau me selamuo. Menio. Magi ilama tama te doloba pai kolesaga dali, te bomai po sela sąbo kolesaga dali, te si dali abagi omainu yaibawe? Menio. Mena tama te ula te be hulia sai dali deliba sisinimainogo yaibawe? Te usu egobeo.


Awe, dagego duga hasi te ama dabe po tų ilibo, tama te kolesagade digi te dage tulalualio. Magi baso augwaligo te dwai sę dagebolo emainu gogolobewe? Magi baso te augwaligo dagego doado bage anoma elama somainogo gogolobewe? Dagego te tiwai egi sogo da, teda tebogo dagego te Godigo po odisąwani bidigo gedude po tų ebo kolesaga aiyaba elalugi da.


Te dage tomode bidi me deligo po te gasa bidi me dali elalubaso da, te agai te Godigo we bidi bolama tama te Godigo po odisąwani jas bidi dabe gesabidide te po tų egi pogowe? Ya! Agai te tebo kolesagade te aga hale meni yaibawe?


Do agai Israel bidi si hwįbo suali. Sulama, agai pedegelebo si, ‘Abagi, odao. Dage si da, ama name si dao. Duga si hwįnamuo,’ wali.


Josepgo aga ama dede augwali tagala paliyu, augwalibolo te tiwai po wali, “Dage peyu, tama dagego duga hasi konila po olamuo,” wali.


Ma, te Krais te Satan dali deli homu elama bidibo da, agawe? Te Kraisde konealubo po dąų wali bidi dali, te konealubo po dąų wasiąwani bidi dali, te augwali sigo deli homu tolaluaibawe? Mu menio.


Eno te po magi baso obawe? Te bidigo aga deli hani dabe me, ma aga kaneme deli hani digi te bugagia tonalusiąwani da, teda te bidigo aga Godide konealubo po te tudiba munama tama agai ebo kolesaga te dwai mu elama, tama tebogo te Godigo po odisąwai bidi dabego ebo dwai kolesaga te aiyaba elaluaibao. Te Godigo po odisąwai bidigo augwa digi te tiwai dwai kolesaga me ebeo. Menio! Augwaligo te augwa bidi isai we dabe, te augwaligo bugagia tonaluyu tau sabo dao.


Swiv nou:

Piblisite


Piblisite