1 Korin 6:11 - Godigo dwagi yai po buku

¹¹ Tama polobadu dage meba te tiwai sę ebo we bidi dabe bidaluali. Tiali goli dagego te dwai sę ebo tagalama, tama baptais salio. Godigo dage aga da olama sa muai. Dagego te doloba pai nogi salio. Te Genuai Bidi Jisas Krais me te Godigo Tedali Mobo augwali sigo sę eyu, tama dage Godigo gedude doloba pai we bidi hani tama pedalai dao.

1 Korin 6:11 Referans Kwoze

1 Korin 1:30

Tiali goli Godigo dage Krais Jisas dali wadolali, te agai tilama tama Kraisgo da wiegi yai homu kolesaga elalubo we bidi nigali. Te Kraisde God agai da agai wiegi yai we bidi hani mu ilali, tama dago dwai sęde sali sęgę sela sąnama tama da olo bugagia bidibao.

Godigo Sęba Tagala Palai Bidigo Po 22:16

Nage magi baso tonalubawe? Nage hodaluama, tama baptais sao. Nago dago Genuai Bidi i wao, tama agai nago dwai kolesaga yali sęgę tigidali sela sąmainu tama yao,’ Ananaiasgo enabolo te po wai,” Pol agai te po wali.

Polgo Po Pas Rom Dabeba Asęani 8:30

Tama God agai te polobadu hagea sali we bidi augwali, te agai augwali me i walio. Tama agai te i wali we bidi augwalibolo te agai augwaligo yali dwai sę sęgę sela sąnama, tama augwali me te doloba pai bidi nogi poali. Te agai doloba pai nogi wali we bidi augwalibolo agai te aga digi elalubo ula yai bomo dali genuai nogi dali augwalibolo mani.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.

Hibru 10:22

Tama elalualigo da, teda da homu mu eyu, tama homu si me esiąyu dago Godiba konealubo po dąų mu olama, tama da aga pąba pinao. Agai dago yali dwai sę sęgę sela sąnama, tama dago homu wiegi yai ma ilali. Me agai dago tigi sese te wiegi yai ąįgo mu telawali.

Efesus 5:26

Tama Krais agai tama tiali te aga po wali pabo we bidi hani agai augwali Godibolo mawainogo agai augwali ąį telawali te meda meni yai pedaliyu, tama agai pogo me augwali tedali gasagi yai nigilali.

Efesus 5:8

Te polobadu dage dwai kolesaga ebode biliyu tama dage be hulia side bidibo tiwai yai dao. Tiali goli megi dage te Genuai Bidide wadolama, tama agai dage wiegi yai ulaba munama bidibao. Tama tibaso, dagego wiegi yai kolesaga naga eyu dage te ula yai we bidi tiwai bidiąo.

Godigo Sęba Tagala Palai Bidigo Po 26:18

Tama nago augwali hulide bidibo pesage tagalama, ulaba kegasa asao. Tama nago augwali hulide bidibo kolesaga tagalama, nago augwali ula buluba kegasa asao. Augwali Satango bomode bidibadi, nago augwali ma sao, augwali God pageba asomainu tama yao. Tama augwaligo homugo ena konealu baso da, te augwaligo dwai kolesaga ebo Godigo tigidali sela sąwaibao, te Godigo sa muai we bidi dali wadolagasaibao,’ agai enabolo te po wai,” Pol agai te po wali.

Polgo Po Pas Rom Dabeba Asęani 8:33

God aga digi da doloba pai we bidi nogi pobaso, te da God aga digi hagea sali we bidi bidiyu, te mena boi bidigo da kisiliyu po tų ebo usu egowe? Woo, bidi mu menio.

Polgo Po Pas Rom Dabeba Asęani 5:1

Te dago konealubo po Godide dąų waibaso tama Godigo da doloba pai we bidi nogi polaligo da, teda dago Genuai Bidi Jisas Kraisgo da God dali deli homu ilama pedalalio.

2 Tesalonaika 2:13

Tiali ma, eno abagi dede, megi dage te tobage we bidi menio. Genuai Bidigo dagebolo dwagi yai homu eyu, dage godolo mu ebo dao. Polobadu mu God agai dage sa muyu, dage ma saibao wai. Tama Godigo Mobo Bidi agai dage habu seliyu, ‘Godigo hani dao’ wai. God agai homugo dago Genuai Bidi Jisas Krais agai genuai ula dali bomo dali agai dage dali nosali dobawaibao. Tama te homu eyu, agai dage i wali, dago agai gesi dwagi yai po dagebolo pusali sogo. Tama dagego te mu po dao wai dao, tama God dali, dage dali sigo te tebo kolesagade Godigo dage ma sai. Tama tibaso, sesemane sogo dago gedu haluasa po weyu, dago Godibolo buba hwi weyu nage usu dao po wabo dao.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.

Galesia 3:11

Tama Godigo po bukude tobo me wai, “Niwai bidi aga homu kolesaga tigidali Godiba mubo bidi, Godigo agabolo nage doloba pai bidi da olama, te tobage bidi naga bida bida paibao,” te po te Godigo bukude elalubao. Tama tibaso, tede dago hania koneani, bidi me te bomo yai po wali pelama Godigo agabolo nage doloba pai bidi dao wagobeo. Te usubeo.

Kraisgo Geme Dualali Sę Pedelabo Po Jonbolo Ola Mani 7:14

Tama eno agabolo te po wei ponai, “Genuai bidi, naga digi nago koneai.” Tama agai enabolo te po wai, “Te we bidi dabe augwali te boi bidigo nogode genuai sęgę dali te dene dali sali we bidi dabe dao. Tama augwaligo te sęgę bugagia tolaluama, tama te sęgę tolalubo sogo silalio. Tama augwaligo augwa ugwa te kibu sipsip wai kanemego ąį telawai, tama augwaligo ugwa te tedela yai dao.

Galesia 2:16

Tama tiali digi dago te me koneai, te Godigo agabolo ‘Nage doloba pai bidi mu dao’ omainogo, bidi mego te bomo yai po dolo mu wali pabo usu egobeo. Te tobage kolesaga ebo bidi Godigo usu niba kadu wagobeo. Tiali goli te bidi aga homu tigidali Jisas Krais teba munama, agade konealubo po mu dąų olama, tama te kolesaga ebo bidi naga te doloba pai bidi mu pedalaibao, te Godigo gedude. Tama tibaso, da me te tiwai yai. Dago te homu yai: te dago te bomo yai po bugagia wali peyu da, te sę naga usu egobeo. Tama dena homu tigidali te Kraisba munama, tama agade konealubo po dąų obaso, teda da Godigo gedude doloba pai we bidi mu bidaibao. Tama tibaso, dago Krais Jisasde konealubo po dąų wai dao. Te bomo yai po wali pabo kolesaga naga ebo bidi, aga Godigo gedude doloba pai bidi munu me bidigobeo.

1 Korin 12:2

Dagego koneanio, polobadu dagego te Godigo po odisąbadi, te sogo augwaligo haniani kolesaga ebogo dage te po meni yai tibo godiba kekasa pelama, tama dagego augwali wali naga piduai dao.

Aisaia 53:11

Te aga genuai sęgę tolama da, nosali te aga wiegi yai nai hauwa pedalubo sulama, te aga wiegi yai pemene umabo mu yaibao. Genuai Bidigo te tiwai po wali, “Eno te doloba pai sę bidi, agai ena bugagia koneai. Agai te hauwa we bidigo dwai sę yali sęgę tolama, te kolesagade agai te augwali doloba pai we bidi pedelaibao.

Godigo Nogi Ugwaba Sabo Tęąbi Po Wabo Buku Dabe 51:7

Nago eno sęgę sela sąnama, ena meda meni yai pedelaio. Nago ena ąį tedelama, ena meda isiąwai mu pedelaio, tedela yai kedau ebo nai sno te tiwai pedelaibao.

Godigo Nogi Ugwaba Sabo Tęąbi Po Wabo Buku Dabe 51:2

Nago ena tigidali ąį telayao, tama dwai kolesaga enade ma elaludalio. Eno sęgę sela sąnama, ena dwagi yai pedelama bidaio.

Hibru 2:11

Dago koneani, te tigidali we bidi te magi dwai sę isąma wiegi yai pedalomainogo ilali te bidi aga Jisas dao, tama te magi dwai sę me isąyu te wiegi yai pedalali we bidi te tigidali augwaligo aya te Jisasgo aya me te deli naga dao. Tama tibaso, Jisasgo te we bidi augwali nogi weyu, “ama” wai, tama agai augwali te tiwai nogi ebo te aga hale me ebeo.

Galesia 3:24

Tama tibaso, te Krais aga asisąbadi te bomo yai pogo da tonaluai dao. Magi baso meni. Te Krais aga aselama, tama dago dena homu tigidali agaba menama, tama Godigo da dali te doloba pai we bidi dao omainogo, da te bomo yai po dologode tonaluyu bidai dao.

Polgo Po Pas Rom Dabeba Asęani 5:9

Tama tialigo da, megi dago mu koneani, te agai da me mu dobola sesa pidubadi geyu, tama dago te dwai sę ebode aga sębę tagalama tama dago dene me sogobeo. Krais agai kaneme gelama tama da penama, tama megi Godigo da doloba pai we bidi nogi obao.

Polgo Po Pas Rom Dabeba Asęani 3:24

Tiali goli Godigo da olo mu tau siyu mabo kolesaga yalio. Tama Krais Jisasgo yali sęgo da ma abelama, tama Godigo da doloba pai we bidi nogi poai. Dago te me abelebeo. Godigo olo mu dabolo te Krais Jisasgo yali sęde te doloba pai we bidi nogi poai.

Esekiel 36:25

Tama eno wiegi yai meda meni yai ąį selama, dage tigiba gelaibao, te dage eno gedude wiegi yai ma pedalomainu. Awe, eno dagego dwai damua pai kolesaga, me dagego tibo god dabe me sela sąwaibao, tama dage eno gedude wiegi yai pedelaibao.

Aisaia 45:25

Tialima, te Jekopgo bulai hani wąį dabe, te augwa ugwa ela holama, te genuai nogi elalumainu elalide, te augwa wiegi yai pemene Genuai Bidiba yaibao.

1 Pita 3:21

Tama te ąį te augwaligo dage baptais mani ąį tiwai dao. Tama Jisas Krais aga te gų pagede ma hodalobaso, Godigo te baptais mani ąįgo dage tau siyu ma dobola sali. Te ąįgo te dagego tigide elalubo meda sela sąyu, tama dage tau siyu ma dobola sabo menio. Te meni. Te dagego te doloba pisiąwai sę idali weyu, tama dagego Godibolo te da tau sao po weyu, tama augwaligo dage baptais mawai dao. Tama te tiwai ebogo dage tau siyu ma dobola sabo dao.

1 Pita 1:22

Te dagego Godigo wiegi yai mu po bugagia wali peyu tama duga homu kolesagade elaluali dwai kolesaga sela sąnama, tama dagego duga hasi we bidide dwagi yai homu ebo gagalali. Tama tiyu, megi dage bomo eyu, homu mu elaluyu duga hasi godolo mu yao.

Galesia 3:8

Tama polobadu God agai koneai, nosali te Abrahamgo bulai wai ąǫ isiąwai we bidi meba augwaligo Godigo po odama, augwa homu tigidali te poba munama, tama Godigo augwaligo yali dwai dwai sę sela sąnama, tama agai augwali doloba pai we bidi dao waibao. Tama tibaso, polobadu, te sę pedalisiąbadi, Godigo te Abrahambolo te po wai, “Te eno nage dali wiegi yai sę eyu, tama tebogo nosali te tigidali haniani bidi hani dali wiegi yai sę me yaibao.” Godigo te po olama, tama bidi mego te po bukude asęani.

Polgo Po Pas Rom Dabeba Asęani 4:5

Tiali goli te Godigo te bidi dabe doloba pai bidi ilibo kolesaga te tiwai menio. Te menio. Bidi me deligo homu eyu ‘Eno te Godide konealubo po dąų obaso, agai ena te doloba pai bidi nogi poaibao. Eno ena ebo sęde te nogi sogobeo.’ Te homu ebo bidi agai homugo te God da te dwai sę yali we bidi te doloba pai bage ilibo God dao. Tama te homu ebo bidigo homugo konealubo po Godiba dąų obaso, teda Godigo gedude te tiwai konealubo po dąų wali bidi te doloba pai bidi dao. Tama Godigo agabolo te nogi olo mawai, te bidigo aga yali sęgo abelebeo.

Aisaia 1:16

Eno dage suali mu doali. Dage wę paugi pįa, tama duga digi duga pęnama, tama dwai sęgę dage elalubo sela sąyao. Tama dwai sę ma igio.

Bugagia Bidibo Kolesagade Po Asęai Buku 30:12

Te meba bidi dabego te homu ebo dao, augwa te magi nai me delide te magi dwai sę me ebeo homu yali. Tiali goli, augwa sęgę te elalubadi, tama augwali te God gedude meda mu yai bidibao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

Jeremaia 4:14

Dage Jerusalem bage, mena sogo dagego te tobage dobo homu kolesaga tagalaibawe? Te dagego duga dwai kolesaga tigidali tagalama, te dage wiegi yai pedalubaso, teda Genuai Bidigo dage ma saibao.

Dwagi Yai Gesi Po Jongo Asęani 13:10

Jisasgo te po wai, “Bidi aga ąį mu pauwai bidi te meda menio. Aga tigi ma ąį paugobeo, sągą naga ąį telaibao. Tama te tiwai dage meda meni yai bidi dabe da. Tiali goli, dage tomode te bidi me deli digi aga te meda yai bidi bidibo,” Jisasgo te po wai.

Pris Sę Ebo Bomai Po 8:6

Tialima, Mosesgo Aron aga ogwa dabe dali selama, te we bidi augwali geduba dodolagaselama, tama agai augwali ąįgo paluali.

Dwagi Yai Gesi Po Jongo Asęani 13:8

Pitago agabolo te po wai, “Nago eno sągą ąį munu me telagobeo. Te menio,” te po wai. Tama Jisasgo te po wai, “Eno nago sągą ąį telasiąyu da, teda nage ena wali pabo bidi bidigobeo,” te po wai.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

1 Jon 2:12

Dage eno wai dabe, tama Krais aga nogi tobade Godigo dagego dwai sę yali sęgę sela sąwai dao. Tama eno te po dagebolo asęna tolobao.

Pris Sę Ebo Bomai Po 14:48

“Tialima, prisgo te be suagasobo sogo da, teda agai suali, te be wiegi yai elaluyu, te nai ma pedalisąbaso, te agai te tiwai po augwaliba walao, ‘Te be Godigo gedude wiegi yai elalubao.’ Magi baso meni, te oiyabe tiwai naigo te be dolali, te munu ma elalubeo.

Matyu 20:4

Agai augwalibolo te po wai, ‘Dage me pelama, te wain giba sę egi piąo, tama te sę ebogo sabo mone tiwai usu nama, te eno dagebolo mawaibao,’ wali.

Dwagi Yai Gesi Po Jongo Asęani 5:4

Me sogo deli sogo Godigo dagalude sę ebo ensel mobo bidi me deli te ąį tomoba dulama, tama te ąį te ensel bidigo memenege ilai. Te ąį memenege silai digi, tama niwai bidi me deli polasa ąįba dulali bidi da, te bidigo gasi polo silai.)