1 Korin 6:10 - Godigo dwagi yai po buku

¹⁰ tama te nai wi sabo bidi dabe tama te gasa bidi dabego doado bagede pesa homu ebo bidi dabe me, tama te bomai wę tubo bidi me, tama te gasa bidi dali posobo po wabo bidi dabe me, tama te gasa bidi dabego doado bage anoma elama sabo bidi dabe me, te tobage kolesaga ebo bidi dabe tigidali te augwali Godigo we bidi bugagia tonalubo bomo tomoba pabo usu me egobeo.

1 Korin 6:10 Referans Kwoze

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Galesia 5:21

te gasa bidigo naide dwai homu ebo kolesaga me, te bomo yai ąį tulama polobo bidi tiwai ebo kolesaga me, te dwai dwai penani sę ebo kolesaga me, tama te tobage haniani kolesaga ebo dao. Tama eno polobadu dagebolo wali po megi ma obao, te tobage kolesaga ebo bidi aga te Godigo we bidi tonalubo bomo dologoba munu me pisiąbaso aga tede wiegi yai homu egobeo.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.

1 Pita 4:15

Me ma, dage tomode bidi me deli agai te bidi ela mubo sę, ma te nai wi sabo sę te si ilamuo, te tobage sę ebode dene sigio. Dagego dwai sę ebaso dene sigimio. Ma, te kolesaga hagoma eyu, gasa bidi dabe dali augwali tonalubo bidigo po weyu bidigio. Te tobage sę ebode me te dene sigimio.

Esekiel 22:29

Te bidi dabego augwa abagi dabe wi ilama, te augwaligo mone doado bage bisigi elama sabo dao. Te augwaligo nai dabe me wi siyu ebo dao. Augwaligo te magi nai meni yai bidi dabe, me gasa tǫ kantri bidi dabe te Israelba bidagasali bidi me, augwali dolobo sę dwai mu ebo dao,” wali.

Matyu 23:33

Dage dwai hasamani dabe dao. Dage dwai hasamanigo wai puluba dao. Godigo dage po tų ilibaso, tama dage te dwai sia dabo madi pageba paibao. Mena tama dage menadu wi paibawe? Menio.

Esekiel 22:27

“Te gegunai bidi dabe augwali te bulu uni yowi dabe tiwai eyu, te hasa elama, te tologolama tubo sę tiwai yali. Te gegunai bidi dabe augwaligo te mone me doado bage hauwa sabo homu eyu, te bidi dabe augwali ela munama, te augwaligo doado bage sabo dao.

1 Tesalonaika 4:6

Tama God agai ebo homu e dao. Dagego te we sabo sę po bolama, tama duga abagi dali dwai sę egimio. Magi baso menio. Genuai Bidi Jisas agai te tobage dwai sę ebo kolesaga ebo bidi augwali tigidali agai wei ponobo dao. Tama polobadu da dage dali bidibadi, e sęgę yai po dao homu eyu, dago te po hanilama, dage dali wai dao, dage tau somainogo.

Dwagi Yai Gesi Po Jongo Asęani 12:6

Judas agai te nai meni yai we bidide homu dene elama, te po wabeo. Menio. Aga nai wi sabo bidi bidai dao. Tama agai te Jisas wali pabo bagego masigi mubo halobage tolalu, tama aga te halobagede mubo masigi deli deli sogo meba wi sai dao.

Esekiel 22:13

“‘Eno wado po te dage nai wi sabo bidi dabeba, me te gasa bidi ela mubo bidi dabe, dageba eno wado ilaibao. Tialima, eno nogo bada bomonama eleyu, te eno dwai dene dageba mawaibao.

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Matyu 21:19

Tama aga pelama, te tų sesegede elaluali ni kaya sulama, tama te ni pąba pali, aga du sela tuainogo yai. Tiali goli tede nai me deli walai elalubo subeo. Menio. Yabe naga elaluai. Tama agai te ni kayabolo te tiwai po wali, “Nago nai ma walogobeo. Mu menio.” Tama polo mu te ni kaya aga sasia pai dao.

Aisaia 1:23

Jerusalem, nago genuai bidi me, tobolu bidi me, augwali te po odisiąwai dabe bidiyu, tama nai wi sabo bidi dabego abagi dao. Tigidali sogo augwaligo te mone pesą eyu, augwaligo te bidi dabe augwali dali mone dabe sainogo ili po wabo bidi dabe tau sabo homu ebo dao. Tama te po tų odobo sogo, augwali te tiana wai dabe tau sabo homu ebo menio. Tama me, augwaligo te wilawe we dabego homu sęgę ebo dodolobo odama, dodolabo homu ebo menio.

Jeremaia 7:11

Eno te be sa muyu, dąį ilali, te dagego enaba lotu omainu yali. Tialima, dagego homugo te nai wi sabo bidi geme dula sigi soabo pesage da homu eba, agawe? Ena Genuai Bidi, eno po dolo obao, eno te dagego ebo kolesaga tigidali subo dao.”

Bugagia Bidibo Kolesagade Po Asęai Buku 7:27

Te agai beba pabo sunumi te gų pageba pabo sunumi tiwai elalubao. Tama dagego te sunumi wali pobaso da, teda dage te isali bidi dabego pesageba paibao.

Godigo Sęba Tagala Palai Bidigo Po 20:32

“Te megi eno dage God aga digi tonalumainu, God agai nogoba mubao. Tama Godigo dabolo hobede ebo kolesaga da olo menama tau sabo da po, te wali pogo me dage tonaluaibao. God aga usu elama, dage bomo ilaibao. God agai sa muani we bidi hani bugai homu ilabo sę elalubo da. Tama agai usu elama, te tobage sę dagebolo mawaibao.

1 Korin 15:50

Ama dedeo, eno megi wali po page e dao: te e tǫde bidabo tigi naga elalubo bidi te Godigo we bidi tonalubo madide bidibo usu me egobeo. Tama te gamonasiąbo tigide bidibo bidi me gamonogobeo.

Efesus 5:5

Dagego gisiga mu koneao, te penani ebo bidi me, te dwai dwai meda yai kolesaga ebo bidi me, te mena gasa bidigo nai godolo eyu pesa ebo bidi me, te tobage dwai sę ebo bidi dabe augwali Krais dali God dali sigo tonalubo we bidi hani tomoba munu me pogobeo. Tama te nai godolo eyu pesa ebo kolesaga, te kolesaga da te tibo godibolo lotu po wabo sę tiwai dao, te naiba te bidigo aga homu tigidali muani.