1 Korin 5:8 - Godigo dwagi yai po buku

⁸ Tama tilama, da dwagi yai homu eyu deliba sisinama tama dago Pasova nai tuinao. Tede eno po digi po begelama tama po page obao, dago tama tuyu dago te poloba yis dali tulamuo, te yis meni yai bret naga tuao. Te po page e dao: dago te dwai sę yabo homu dali te dwai dwai sę ebo kolesaga dali te si ilamuo. Meni. Dago homu mu naga eyu, tama mu po naga weyu yao.

1 Korin 5:8 Referans Kwoze

Bomai Po 16:3

Dagego te nai tubo sogo, dagego yis dali ulai bret tulamuo. Te a naga olama si, te 7 tama sogo, dagego te yis meni yai bret tuao. Magi baso meni. Te polobadu dagego te Isip bulu taga soainogo aseąsa biliyu, dagego te yis meni yai bret tuai dao. Dagego te bret tubo da, teda dagego Isip bulude dodolama bidali me Isip bulu taga soali, te bodolu tigidali kibu be ma kone paliyu, tama te bret tuao, te dage isibo sogoba usu tama nao.

Ma Dobola Sali 12:15

Genuai Bidigo po ma weyu, te po wai, “Te nosali bidada peyu, tama dagego te Pasova bret tubosi da, teda dagego te a naga olama, me badu nogo si, te tama side te bo disiąwai nai bret tuao. Te hasia mu dagego bede munalubo te bret bo dabo nai yis tigidali selama, tagalao. Magi baso meni, niwai bidi me deli agai hasia sogo te bo dabo nai yis tudu pelama, te a naga olama, me nogo si usu nigi pobaso da, teda aga dagego te Israel hanide sela sąyao.

Dwagi Yai Gesi Po Lukgo Asęani 12:1

Te sę ebadi yaide, te umabo tausen we bidi Jisas pageba mu odogwa sagaselama, augwa hasi ma agaga bilalubo ąǫ yalio. Tama Jisasgo hasia bolo aga wali bilibo bidi dabebolo te po wali, “Dage te Farisi bage te ugwadu homugo tibo po wabo bidi dabego ebogia yabuo. Dage te tiwai gagaidali weyu, bugagia dilasa bidiąo. Bidi mego bret nigibo sogo, tomoba dwasianu bomonobo nai mubo dao. Tama nosali te bret boma pabo dao. Te Farisi dabego ugwadu homugo po wabo sę, te dwai sę dage tomoba asiyu da, dage tomode genia paibao, te bret bo dai tiwai yaibao.

Dwagi Yai Gesi Po Makgo Asęani 8:15

Tama Jisasgo po bomo elama augwaliba weyu, te po wai, “Dage bugagia tonaluiąo! Dage te Farisi dabego yisde me te gavman tuni bidi Herotgo yisde te dage dua dao!” te po wai.

Matyu 16:6

Tama Jisasgo augwalibolo te po wai, “Dage dua bugagia dao. Dage te Farisi hani dabe me te Sadyusi hani dabe dali sigo bret bo dabo nai yisde dua dao,” wali.

1 Pita 4:2

Tama tiyu aga e tǫde bidibo sogo tigidali agai e tǫde we bidigo yabo dwai dwai kolesaga munu me egobeo. Te meni. Agai te Godigo homu naga wali peyu bidaibao.

Efesus 6:24

Te eno homugo me, Godigo agai olo tau mabo kolesaga te dago Genuai Bidi Jisas Krais godolo mu eyu aga me tagalisąbo we bidi dabe tebolo te olo tau mabo kolesaga mao. Tama dao. Ena da, Pol da.

1 Korin 5:6

Te dage tomode te bidi me deligo te dwai penani sę idubao, tama dagego tede hagoma ebo kolesaga ebao, te dwali. Te aga dage dali me bididubadi, te aga te tubo nai bret bo dabo nai yis tiwai dao. Te dwasianu yisgo te tigidali bret bo domainu ilibo dao. Te dagego konesiąyu ebawe?

Dwagi Yai Gesi Po Jongo Asęani 1:47

Jisasgo Nataniel aga pageba asobo suali. Tama Jisasgo te bidi dabebolo tama wali, “Suiąo. Te asobo bidi aga Israel bidi mu dao. Tibo po aga homude me elalubo meni.”

Matyu 16:12

Tama te po odama, tama augwaligo koneai, agai augwalibolo te bret bo dabo nai yisde te po olama wabeo. Menio. Agai te po wali, te augwali te Farisi dabe me te Sadyusi dabe dali sigo ola mabo pode te bugagia dua dao te po olama wali.

Aisaia 30:29

Tiali goli, Genuai Bidigo we bidi dagego da, te sę dabe ebo subo sogo da, teda dagego homu gana pabo balia te genuai lotu wabo sogo wabo tiwai waibao. Dagego te bidi dabe te Genuai Bidigo bulu duba holama, tama wiegi yai homu eyu, te genagego ona dabe elebo tiwai yaibao. Genuai Bidi da, te genuai bomai masigi tiwai dao. Tama aga te Israel dabego duala sabo pesage tiwai dao.

Aisaia 25:6

Te bulu du Saionde, Tigidali Bomo Elalubo Genuai Bidigo geninama nai mu sisi yaibao. Te wiegi wiegi yai hasa dabe me, tuabo wain ąį dabe me elaluaibao. Tama tigidali bulu we bidi dabe te nai tuboba sisinagasaibao.

Godigo Nogi Ugwaba Sabo Tęąbi Po Wabo Buku Dabe 42:4

Eno te polobadu wiegi yai homu elaluali sogo homu kone palama, tama eno haliga sęgę mu yali. Polobadu ena te hauwa we bidi dali bilali, tama ena poligi pelama, tama augwali te Godigo beba odasa pai. Da pelayu, tama wiegi yai pemene ebo i me wali, tama Godiba usu da wabo tęąbi po wali. Te sogo da tigidali te olo bidibo side sisinani.

Godigo Nogi Ugwaba Sabo Tęąbi Po Wabo Buku Dabe 32:2

Te Genuai Bidigo te po weyu, te bidigo sęgę megi me elalubeo po weyu, tama te bidigo te tibo po wabo kolesaga wali me pabe da po obaso da, teda aga wiegi yai homu pemene eyu, bugagia bidibao.

Pris Sę Ebo Bomai Po 23:6

Te polua dei 15 wabode, te Bo Disąwai Bret Tubo Genuai Side elalubao. Tama dagego te bo disąwai yis meni yai bret tudubadi, te Sarere deliba usu nao.

2 Korin 8:8

E tau sabo sęde eno bomai po dagebolo me mabo meni. Te menio. Eno dagebolo te meba bidi dabe augwaligo te wiegi yai sę yabo homu hodaluali po obao, tama te kolesagade eno dagego ama dabe dali dwagi yai homu eyu godolo ebo kolesaga usu sobao. Te dago koneainogo, te dagego te we bidi godolo ebo kolesaga te nai mu dao.

2 Korin 1:12

Dago wiegi yai homu pemene ebo sę e kolesaga delide ebo dao: dago homugo hanilama po pusuyu da, te magi dwai sę isąbo te wiegi yai kolesaga me tama te Godigo da mabo te meda isąwai homu kolesagade bilibo po pusubao. Te e tǫde bidigo koneani kolesaga te dago wali pabeo. Menio. Te Godigo olo mayu tau sabo wiegi yai kolesagago naga da tau selama, tama da te tiwai kolesagade bilibao. Tama da te kolesagade te tigidali bidi tomode bilibo dao. Tama dageba dago te kolesaga me mu ela pidu geai dao.

1 Korin 5:1

Te we sabo kolesaga togolama dolobo sę te dage tomode mu tama elalubao, te po wabo eno me odali. Tama te we sabo togolama dolobo gasagi yai kolesaga me, te tobage kolesaga te Godigo po odisawani we bidigo me isąbo dwai kolesaga dao. Te e tama tiwai: te dage tomode bidi me deligo aga ayago we sai.

1 Korin 3:3

Magi baso meni, dage te poloba meda yai homu kolesagade me bididubao. Awe, te ama hasi dali dwai homu eyu tama konila po wabo homu kolesaga te dagede me elalubao. Tama te kolesaga dagego me idubo, te poloba dobo homu kolesaga ebao. Te tama tebo kolesaga te tǫde bidigo ebo kolesaga naga dao.

Josua 24:14

Tama Josuago po ma weyu, te po wai, “Tialima, megi da, dagego te Genuai Bidi dologode bidiyu, agaba lotu po weyu, tama sesemane sogo dagego agade sę te dagego bomo tigidali teba munama, sę yao. Dagego te tibo godiba homu kone ebo tagalama, te duga wąį dabego te Mesopotemiade me te Isip pedai badu side bidali sogo augwalibolo te lotu po wali. Dagego te Genuai Bidiba naga lotu po wao.

Bomai Po 16:16

“Tama tialima, sela sogo deli kibu be tomode te duga hani bidi dabe dage naga te Genuai Bidiba lotu po wabo sa muani pesage deliba pelama, lotu weyu yao. Te sela sogo te e tama dao. Te Yis Meni Yai Bret Genuai Sogo, me te Gide Nai Siyu Wiegi Yai Homu Pemene Ebo Sogo, tama me te Osogo Bidabo Yano Bede Bidibo Genuai Sogo. Tama dage bidi deli deli nogo olo Genuai Bidigo geduba olo me aselamuo.

Ma Dobola Sali 13:6

Tama dagego te bo disiąwai nai bret te a naga olama me badu nogo si tama side tuao. Tama a naga olama me badu si sogo, te dagego te genuai nai tuyu, Genuai Bidibolo lotu po wao.

Ma Dobola Sali 12:8

Tama te sogo hulide dagego sipsip meme mi dabe siade ulao. Tama dagego te kibu mi dali, te bo disiąwai bret, me te ha yai donai dali tuao.

Ma Dobola Sali 12:19

Tama te 7 sogo elalubadi, te yis dagego bede me munaluamo dao. Tama dage hani bidi me deli, ma te gasa bulu bidi dage dali bidibo bidi, te niwai bidigo te yis elalubo bret te sogo tubaso da, teda te bidi aga te dage Israel hanide sela sąyao.

Ma Dobola Sali 13:7

Tama te a naga olama me badu nogo si te side te we bidi augwaligo te bo disiąwai nai bret tulama, tama dagego te yis, me bret te yis elalubadi, te bulude me te dagego tǫde munalubadi elaluamu dao.

2 Korin 2:17

Tiali goli, da te bidi hauwa augwali tiwai me ebeo, augwali tedali tedela pelama, te Godigo pode masigi sabo bisnis sę tiwai me ebo, te tiwai dago egobeo. Menio. Dago te sę Godide sali, tama dago te Godigo sęde tibo po subigila me wagobeo. Menio. Dago sę dolasa mu tigidali ela pobao. Da te Krais dali wadolama, tama homu mu naga eyu, tama God gedude dago agai po te we bidi dabebolo pusubo dao.