1 Korin 5:6 - Godigo dwagi yai po buku

⁶ Te dage tomode te bidi me deligo te dwai penani sę idubao, tama dagego tede hagoma ebo kolesaga ebao, te dwali. Te aga dage dali me bididubadi, te aga te tubo nai bret bo dabo nai yis tiwai dao. Te dwasianu yisgo te tigidali bret bo domainu ilibo dao. Te dagego konesiąyu ebawe?

1 Korin 5:6 Referans Kwoze

Jems 4:16

Tiali goli dagego te tiwai ebo meni. Dagego genuai po dagą olo dali ola biliyu, tama dagego nosali yabo sęde duga digi nogi ugwaba sabo po wabo dao. Te tobage nogi ugwaba sabo po wabo te dwalio.

Galesia 5:9

Te eno te gasa bidi augwaligo dage dolobo sę, tede te po digi po begelama obao. Te bret bo dabo nai nogi yis, tama te nai yis dwasianunu selama, tama te ąį dali te plaua hauwa dali si taluama, tama te yisgo te plaua tigidali usu nama, bo dela silibo dao. Tama te tiwai augwaligo dage dali wabo dwai mobo mabo pogo dage tigidali mu dolaibao.

1 Korin 15:33

Augwaligo dage te tobage tibo po ola mabo gogolamuo! Bidi me deligo te dwai kolesaga ebode polobadu wali po te mu po naga dao. Agai te po wai, “Te da dwai bidi dabe dali kisasa biliyu da, teda augwaligo dwai kolesagago dago wiegi yai kolesaga ebo dolaibao,” agai te po wai.

1 Korin 5:2

Tama dage, dage me tama duga nogi ugwaba siyu hagoma idubawe? Te dagego tede hagoma ebo kolesaga tagalama, te dage homu dene eyu gela wagi sogo da, teda te usu igi mu da. Tama tiyu, te dagego te dwai penani kolesaga ebo bidi sela sąnama, tama dage dali me bidimainu me elamu dao!

Matyu 13:33

Tama agai gasa po digi po me ma begelama, te po augwalibolo wai, “Te Godigo we bidi tonalubo sę te bret bo dabo nai yis tiwai dao. Te we me deligo te dwasianu yis selama, tama te genuai dramde munalubo tubo plaua dali taluama begelaibao. Tama nosali te plaua tigidali te bo dai subo dao,” Jisasgo te po wai.

Polgo Si Wali Pas Timotiba Asęani - 2TI 2:17

Te tobage olo po ola mabo bagego po te dwai keni tiwai elama, tama te genuai mu pedaliyu, tama tigi mi tųdu pabo keni tiwai yaibao. Te tobage po ola mabo bidi si te Himeneus de Filetus si dao.

1 Korin 3:21

Tama tibaso, te dage tomode te bidi me deligo te da Godigo po pusubo bidigo nogi ugwaba sabuo. Suao, te tigidali nai duga nai dao.

Dwagi Yai Gesi Po Lukgo Asęani 13:21

Godigo we bidi tonalubo sę te tubo nai nogi bret bo dabo nai yis tiwai da. We mego te yis selama, tama tubo plaua hauwa selama, te yis dali plaua dali si taluali. Tama taluama, te plaua tigidali bo dalio,” Jisasgo te po wali.

Hosea 7:4

Augwali te tibo po wabo bidi dabe, tama augwaligo haliga te kingba mu mubeo. Tama augwaligo haliga sębę ebo te geme dualama, te sia ula dwasianu idubo tiwai iduali. Te bret ulubo bidigo te sia ula ilama, te bret bo domainu elalueibao. Bret bo dabo si da, teda agai te sia ponama, tama te sia ula genuai yaibao. Augwaligo haliga sębę te tiwai elalubo dao.

Polgo Po Pas Rom Dabeba Asęani 6:16

Te dagego duga tigi te bidi me deligo nogoba menama tama agai po naga wali pobaso da, teda dage agai sę ebo bidi bidibo dao. Koneaniwe? Ma dage te dwai sę ebo kolesagago sę bidi bidiyu tama dage agade duga noma mu isabo sę saibao. Ma dage Godigo po odoyu tama te pogo sę ebo bidi dabe bidiyu tama dage doloba pai kolesaga eyu bidibo dao.