1 Korin 5:12 - Godigo dwagi yai po buku

^12-13 Te Godigo po odisąma dago hani bulu badu bidibo we bidi dabe dagalobo sę, te eno sę dawe? Menio. Te God aga digi augwaligo kolesaga dagalaibao. Tiali goli te dage dali bidiyu Godigo po wali pabo we bidi hani tomode elalubo bage, te augwali dagalobo sę, te dagego yabo sę dao. Tede te Godigo po bukude po me deli elalubao, te po dago wali pinao, te po e dao: “Dagego te dage tomode bidibo te dwai bidi buluba mu sela sąyao.”

1 Korin 5:12 Referans Kwoze

Dwagi Yai Gesi Po Makgo Asęani 4:11

Tama agai te po augwalibolo wai, “Godigo dagebolo te agai te we bidi dabe tonalubo sę page geme dualaluali po page te dagebolo ola mawai dao. Tiali goli te Godigo po odisąma bulu badu bidibo bidi dabe augwaligo da, te eno pusubo po te po digi po begelama, tama wabogo naga te po odobo dao. Te po page augwaligo odobo menio.

2 Timoti 3:7

Te bidigo wiegi yai nogi te Godigo po odisąwani bidi dabe augwali tomode elalubo bidi, te aga naga te tonalubo bidi sę ebo usu yaibao. Te aga nogi wiegi yai me elalusiąwani da, teda aga dwai sę eyu, tama aga hale elama, tama te Satango hagani togobo wago te aga saibao.

Dwagi Yai Gesi Po Lukgo Asęani 12:14

Jisasgo wei ponoyu, te po wali, “Bidi mego te nai bugulabo bomo enabolo mabe, te nai bugulabo eno usu egobeo. Te eno sę menio.”

1 Tesalonaika 4:12

Dage magi nai me menia sidali weyu, te duga masigi sabo sę yao. Tama te Godigo po wali pesiąwai we bidi augwaligo dagego te dwagi yai kolesaga ebo sumainogo, tama dagego homu dwagi yai nagamea peyu, tama duga bidibo bugagia tonaluao.

Kolosi 4:5

Dage te Godigo obo tomoba asisąwai we bidi dali bidibadi, dagego homugo kone palama tama bugagia bilao, subigila meni. Augwalibolo Godigo po pusubo sunumi dabaso da, teda augwalibolo pusao.

Dwagi Yai Gesi Po Jongo Asęani 18:36

Te Jisasgo po wei ponoyu, te po wai, “Eno te we bidi tonalubo sę te e tǫde yabo menio. Tama eno te we bidi tonalubo sę te e tǫde elalugi sogo da, teda eno sę bidi augwaligo ena megi tau somainogo hwįgi dao. Tama tiyu, ena niwai bidi mego agai ena te Juda dabego nogoba mugi menio. Tiali goli, eno te we bidi tonalubo sę te e tǫde menio,” Jisasgo te po wai.