1 Korin 5:1 - Godigo dwagi yai po buku

¹ Te we sabo kolesaga togolama dolobo sę te dage tomode mu tama elalubao, te po wabo eno me odali. Tama te we sabo togolama dolobo gasagi yai kolesaga me, te tobage kolesaga te Godigo po odisawani we bidigo me isąbo dwai kolesaga dao. Te e tama tiwai: te dage tomode bidi me deligo aga ayago we sai.

1 Korin 5:1 Referans Kwoze

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.

Kraisgo Geme Dualali Sę Pedelabo Po Jonbolo Ola Mani 2:21

Eno homugo aga homu begelemainogo, tama eno aga osogo sula tagaliyu bidimainogo yai. Tiali goli menio. Aga te homu begelebo te homu esiąyu, te penani ebo kolesaga tagalama tudiba muabo te homu menio.

Kolosi 3:5

Dage Kolosi bulude bidibo we bidi, dage Krais dali hodobo gų pagede ma hodaluali ąǫ tiwai ebaso, dagego te duga tigigo ebo dwai kolesaga tigidali isilao, te tǫde kolesaga ebo tagalao. Te tobage kolesaga e dao: dwai penani ebo kolesaga dali, meda yai kolesaga dali, te homu hodolobo dwai sę yabo kolesaga dali, te habu selali nai sabo homu ebo dali, tama doado bage hauwa sainogo godolo ebo kolesaga dali. Te doado bage hauwa sabo kolesaga da, te tibo god selama tama agabolo lotu po weyu aga dologode bidibo kolesaga tiwai dao.

Efesus 5:3

Te God agai dage aga hani we bidi nigaligo da, teda te penani ebo kolesaga me, te dwai dwai meda yai kolesaga me, te mena gasa bidigo nai pesa eyu godolo ebo kolesaga tigidali, te tebo dwai kolesagago ebo sę dwasianu munu me dage tomode te pedalamuo. Gasa we bidi dabe augwaligo dagego te tobage dwai kolesaga yali po waidali weyu, tama dagego doloba peyu bidiąo.

Pris Sę Ebo Bomai Po 18:8

“Nago naga ayago gasa we dabe, te nago paba dabe, te dali gagali ebo sę me elamuo. Te nago tama tibaso da, teda nago naga ayabolo dwai hale mu ilibo sę ebo dao.

Galesia 5:19

Te bidigo tigigo tǫde ebo dwai dwai kolesaga te hania elalubo, te dago subo dao. Tama te tobage kolesaga nogi eno nedada paibao, e dao: te penani ebo sę me, te dwai meda yai kolesaga me, te homu hodolobo kolesaga hania ebo me,

1 Tesalonaika 4:7

God agai da i wali, dago te dwai meda yai kolesaga wali pomainogo da i wabeo. Menio. Agai da i wali, te dago dwagi yai doloba pai kolesaga mu wali pomainogo agai da i wai dao.

2 Korin 12:21

Eno e homu me ebao, ena dage bidiboba ma asobo si tama ena God agai ena te dagego gesabidide aiyaba elaluaibao. Tiyu eno dage hauwade gela waibao. Magi baso meni, te we bidi polobadu augwaligo te dwai sę yali te tagalama tama homu begelama, tama te meda yai kolesaga me, te penani ebo kolesaga me, te hale isąbo dwai dwai sę subigila ebo kolesaga, te augwaligo polobadu yali te dwai kolesaga tudiba me mube. Tama tede eno dage dali yabo sęde homu eyu tama homu sęgę elalubao.

1 Korin 6:18

Dage te penani kolesaga idali weyu te boi bidi tiwai wi pao! Te tigidali dwai sę te bidigo ebo, te tigi bulu badu ebo dao. Tiali goli te penani sę kolesaga ebo bidi, agai aga tigi aga digi dolobo dao.

1 Korin 6:13

Gasa bidigo eno po aiyaba elalumainu eyu e tiwai po waibao, “Tubo nai te tabigo sabo nai da, tama tabigo te nai sabo dao.” Agai homu te tiwai me aga tigigo te dwai penani sę ebo te me usu dao, te aga tigigo yabo sę dao. Awe, agai te tubo nai dali te tabi dali side wali po te mu dao. Tiali goli Godigo te si dali nosali silaibao. Tiali goli dago tigigo te penani kolesaga yabo nai meni. Menio. Dago tigi da te dago Genuai Bidigo nai dao. Tama Genuai Bidi te tigi tau sabo nai dabolo mabo dao.

1 Korin 6:9

Te dwai kolesaga ebo bidi dabe, augwali te augwali Godigo te we bidi tonalubo bomo tomoba me pogobeo. Te dagego konebewe? Tiyu dagego te duga homuba digi tibo po ola maiabuo. Te penani sę kolesaga ebo bidi dabe me, tama te tibo god wali pabo bidi dabe me, te we sabo kolesaga dolobo bidi dabe badi, tama te we dali ebo kolesaga tiwai eyu godolo ebo bidi dabe me, tama te hale ebo kolesaga te gasa bidi dabe dali ebo bidi dabe me,

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

Godigo Sęba Tagala Palai Bidigo Po 15:29

Dago homugo e po naga dagego wali piąo. Dagego te augwaligo te tibo godibolo ula mani nai dagego tugimio. Kaneme me tugimio. Agai kaneme gelisąwai kibu tugimio. Dagego we sabo bomo yai po bolama, penani egimio. Tama dago e ola mani po dagego wali peyu da, te dage bugagia bidaibao. Tama dao. Dage tao,” te po asęani.

Godigo Sęba Tagala Palai Bidigo Po 15:20

Me ma, dago augwalibolo pas tolinao. Tama te pas tomode te po wainao, ‘Dagego te augwaligo te tibo godibolo ula mabo nai te dagego tugimio, dagego kibu me agai kaneme gelisąwai kibu tugimio, kaneme me tugimio. Te we sabo bomo yai po bolama, dwai penani sę egimio,’ waibao.

Jeremaia 2:33

“Israel, nago te penani kolesaga bugagia koneama, te bidi gegabo sunumi homu kone bugagia palobao. Nago koneani kolesagago te tigidali penani ebo wego koneani homu kolesaga te aiyaba elaluai, tama nago augwali te tobage dwai kolesaga ola mobaso usu yaibao.

2 Korin 7:12

Te mu tama, polobadu eno te pas dagebolo asęna tolali. Tiali goli eno te bidi me deligo dwai sę yali te homu elama te po me asębeo. Tama eno gasa bidi homu me ebe, te agabolo dwai sę yali bidi me homugo konebeo. Eno homugo augwali siba naga homu elama te po polobadu asęna me tolobeo. Menio. Eno te dagego kolesaga hanilama pedalomainogo yali, tama God gedude duga bugagia konemainogo yai: dagego da godolo mu yalio. Tede me tama eno te polobadu pas dagebolo asęna tolali.

1 Korin 1:11

Eno te po dagebolo magi baso obawe? Woo, eno ama dede, te dage tomode bidibo we nogi Kloe, aga bede bidibo bage meba augwaligo enabolo wali, duga hasi tomode wado ebo wali.

Amos 2:7

Augwa te bomo kimi meni yai bidi, te augwa digi augwa tau sabo usu meni yai bidi dabe, te augwali aiyaba elaluama, tama augwa te magi nai meni yai bidi dabe ela gudulubo dao. Bidigo me, aga ayago me, te olo sę ebo we deliba naga penani igi pabo dao, te tama tiali kolesagade augwaligo eno genuai nogide hale mu ilibo dao.

Esekiel 16:47

Polobadu te wegi ama nami sigo dwai kolesaga mu yali, tama nago augwali sigo te kolesaga wali pali. Tiali goli, tego nago godolo ebo homuba usu nubeo. Menio. Te sesabi menisąbadi, te pąde sogo te nago kolesaga te dwai mu umagi elama, tama te wegi ama nami sigo yali dwai kolesaga aiyaba elaluai dao.”

Bomai Po 27:20

“‘Te bidi mego aga ayago we dali dwai sę me yai baso da, teda Godigo te bidi dolaibao. Te tama tiali kolesagago aga aya hale dwai mu te ilali dao.’ Tama tigidali we bidigo te Livai dabego te po wei ponoyu te po waibao, ‘Mu tama dao, Godigo te tama timainao.’”

Bomai Po 22:30

“Te me, te bidi mego aga ayago we dali penani sę me elamuo. Tiyu, augwaligo aga aya hale ilabuo,” Mosesgo te po wali.

Esekiel 22:10

Mebago te augwa ayago we dali pagela piali. Te meba bidi dabego te augwa we dabe te poluago elali gasi elalubadi bomo elama, pagela piai dao.

Tuni Bidi Dabego Po Elalubo Buku Deli 5:1

Ruben aga te Jekopgo gomunai ogwa da, Jekop aga gasa nogi Israel. Tialima agai te aga ayago we me deli dali pagela piali. Tama sę yaligo, aga te gomunai ogwa wabo nogi sabeo. Menio. Te aga ama Josepgo ogwa dabego te nogi salio. Tama tialima te Israelgo ogwa dabego nogi elalubo madide, te Ruben polalubo gomunai ogwa nogi elalube dao.

2 Samuel 20:3

Augwali te Jerusalemba sabolama, tama Devit aga te king bidibo beba pelama, tama te si wali nogo si we hani, te aga kingo be tonalumainu taga pali we dabe sali. Tama agai augwali te gasa beba munama, tama augwali tonaluabo bidi meba nigilali. Tama agai te bidi hani mebago augwali tonalu, te augwali nai mayu yabo bidi dabe meba nigilali, tiali goli agai te polobadu yali tiwai gilama te aga augwali dali ma pagelama pigi pabeo. Tama sesemane sogo augwa te bede naga bidaludubadi, te augwa isibo sogoba usu nani. Te we dabe augwali wilawe we dabe bidalubo tiwai yai.

2 Samuel 16:22

Ahitofelgo te tama po wali, tialima augwa te kingo be ugwadu daiba te bidi meba tagala palama, tama augwa te ugwa be me deli sę yani. Tama tigidali we bidigo gedude Apsalom te ugwa be tomoba pai. Tama augwa te aga ayago si wali we dabe sibi hani odasa aselama, te Apsalomgo augwali deli deli dali pagela pimainu yai dao.

1 Samuel 2:24

Te dage si eno wai, tama dage sigo te tebo kolesaga tagaliąo. Te Genuai Bidigo hani bagego te dage sigo ebo kolesaga po mimi bilibao, tama te dwai sę mu dao.

Pris Sę Ebo Bomai Po 20:11

Te bidigo te aga ayago we me deli dali penani sę yai baso da, te bidigo aga aya dolobao. Tialima, augwaligo te bidi dali te we dali si ela muao. Augwali sigo dwai sę yali sęgę elalubao, tialima augwali si isimainao.

Tigidali Nai Gagalama Nigali Side 49:4

Te nago kolesaga te wę bomonama, subigila soabo tiwai gilama ebo. Tiali goli, nage te gomunai bidi nogi me elalugobe, magi baso meni, nago te naga ayago we dali pagela piali. Tama nago eno we sabo hwįgiani. Nago te ena pibo bet tomoba bogi soali!” wali.

Tigidali Nai Gagalama Nigali Side 37:2

Josep te gesi ogwa bidi, te agai kibu be te 17 kibu be elaluali. Tama aga ama dede meba augwaligo te kibu sipsip me meme tonaluali, tama Josepgo augwali tau sali. Te aga ama dede augwali te sę ebo we Bilha me Silpa sigo ogomani, te augwali si aga ayago we si da, te aga paba si dao. Tama agai te aga ayabolo te aga ama dedego dwai kolesaga ebo po weyu yai.

Tigidali Nai Gagalama Nigali Side 35:22

Israel tede bididubadi, tama Rubengo te aga ayago sę ebo we Bilha dali pagela piali. Tama Israelgo te tiali po odali. Te Jekopgo ogwa dabe te nogo si olama, sągągo si elaluai.

2 Korin 2:5

Te dage tomode polobadu dwai penani sę eyu homu sęgę ilali bidigo, agai te homu sęgę enabolo naga me mabeo. Menio. Agai te homu sęgę meba te dage tigidaliba manio. Eno te po bomo elama wabo te ena hagela ebaso, tama eno te po wai, “Meba dao.”