1 Korin 4:3 - Godigo dwagi yai po buku

³ Tiali goli te dage, ma te bidi me deligo po tųgo te eno te sę ebo kolesaga dagalainogo da, teda eno homugo te magigo meni. Magi baso meni. Ena digi me te ena sę ebo kolesaga te me dagalabo menio. Tiali goli te usu dao, po meni.

1 Korin 4:3 Referans Kwoze

1 Korin 2:15

Tialima, te Tedali Mobo elalubo bidigo, agai te tigidali nai dagalama, tama te nai page konebo usu ebo dao. Tiali goli te bidi me deligo te Tedali Mobo elalubo bidi dagalainogo ebo te usu me egobeo.

Dwagi Yai Gesi Po Jongo Asęani 7:24

Dagego gedugo naga ena olo dali osola sulamuo. Dagego bugagia osola suyu, homu kolesaga dolo mu yao,” Jisasgo te po wai.

1 Korin 3:13

Te magi naigo te be sę yainu homu ebaso da, teda te tigidali bidigo sę yali te nosali po tų ebo sogo te hania haninama pedalaibao. Tama te po tų ebo side te sia dabo posolo ebo tiwai pedalaibao. Tama te sia aga digi te tigidali bidi deli deligo yali sę usu sesa pelama, tama augwaligo yali sę te wiegi yai yaliwe ma meniwe, te augwaligo koneaibao.

1 Samuel 16:7

Tiali goli, Genuai Bidigo agabolo te po wai, “Nago homugo aga te dili bobage bidi, ma aga te sawia pai suyu, tama eno aga nigilabo homu me egobeo. Menio, eno homugo te bidi king pedalumainu homu ebo hagela homu ebao. Magi baso meni, eno bidi dagalubo sę ebo te e tǫde bidigo bidi dagalubo tiwai gilama me tegobeo. Menio. Te bidi dabego te bidi tigiba tonono ebao. Tiali goli, eno te homu kolesaga me te bidigo kolesagade si sulama, tama eno augwali dagalaibao,” wali.

1 Korin 4:2

Tama te sę tonalubo sęde te tiwai bomai po elalubao: te sę ebo bidigo te sę idubadi aga te agabolo te sę mani bidi dali homugo kęą pai bidi bidao.

1 Korin 4:4

Mu tama, te Godigo enabolo mani sę ebode eno homugo eno te sęde sǫą pabeo, bugagia yai dao. Tiali goli te eno tama tiwai po wabo usu me egobe: “Ena doloba pai bidi da,” te wagobeo. Te ena dagalobo sę ebo bidi te Genuai Bidigo sę naga dao.