1 Korin 4:21 - Godigo dwagi yai po buku

²¹ Dagego mena kolesaga godolo ebowe? Te dagego homugo eno te dage dodolabo dono wąbi tolasa ena dageba asomainogowe? Ma, dagego homugo eno te dage dali dwagi yai homu eyu godolo ebo kolesaga me, te homu nagame ebo kolesaga elalubo te eno dageba sela asomainogo homu ebo dawe?

1 Korin 4:21 Referans Kwoze

2 Korin 13:2

Te polobadu dwai sę yali we bidi dabe augwali me, te gasa bidi dabe dage tigidalibolo me, te ena si sogo wagisu dage dali bidagasali sogo te eno yabo kolesaga po dage dali wali. Tama megi me ena digibulu bidiyu, eno te tiwai po dagebolo ma obao: te ena dage bidibo madi ma asobo si, teda eno te dwai sę yai we bidi dabe augwali eno olo me gogologobeo, eno augwalibolo sęgę mawaibao.

1 Tesalonaika 2:7

Te menio. Tialima, da dage dali bidali sogo, da homu nagame yai kolesaga eyu bidali, wego aga wai dabe bugagia tonaluyu negebo tiwai eyu bidai dao.

2 Korin 13:10

Megi ena digibulu bidiyu, tama eno te dagebolo po asęna tolali, te pagede naga dao: te ena dage dali bidagasobo sogo tama sesena pai bidi tiwai eyu, eno dage te dago Genuai Bidigo enabolo mani sę yabo bomogo eno dage selebo sę idalio. Agai dena yabo sęde te bomo dali, genuai nogi dali si dabolo mani, te dago dagego Kraisde homu tialubo kolesaga ebode dąų walomainogo yali. Te dage dolomainogo eyu agai te bomo dabolo mabeo.

2 Korin 2:3

Dage we bidigo te wiegi yai homu pemene enabolo mabo bage dao. Tama ena dage pageba pelama, te eno homu sęgę sidali weyu, te delide naga polobadu eno te pas asęna tolama tama dagego sali. Eno dage tigidalide te tiwai homugo koneai: te eno nai me delide te wiegi yai homu pemene ebaso da, teda dage tigidaligo me wiegi yai homu pemene teba ebo dao.

2 Korin 1:23

Te eno te polobadu asęna tolali pasgo te dageba asobode tibo po wai yaibaso da, teda Godigo eno te tibo po wali te hania haninagameo. Tiali goli, menio. Eno mu po naga obao. Te eno sęgę dageba mabo te eno hagela homu yali, tama tiyu te ena dage bidibo madi polo me te Korin buluba ma asobe dao.

Jems 3:17

Tiali goli niwai bidi augwaligo te God pagedu asobo te wiegi yai homu kolesaga sabo bidi dabe augwaligo ebo kolesaga e dao: polasa mu, te augwaligo meda isiąwai wiegi yai homu kolesaga wali pabo dao. Tama te kolesaga me, te augwaligo gasa bidi dabe dali wiegi yai kolesaga eyu deli homu elama bidiyu, tama augwali dali homu nagame eyu, tama tiyu augwaligo gasa bidi dabego po wabo odobo dao. Tama augwaligo homu dene eyu, we bidi tau sabo wiegi yai kolesaga ebo dao. Tama tiyu, augwaligo deli homu tiwai naga tigidali we bidi dali ebo dao. Tama augwaligo ugwadu homugo naga augwaligo po wabo menio.

2 Korin 10:6

Tama da sisi elama dage tonalubao. Te da dagego bidibo digi sabolama, tama dagego dago po tigidali wali pobaso da, teda dago te dage tomode bidibo te po sela sąbo bidi augwalide po tų dodolama tama augwali tigidalibolo dwai dene wei ponaibao.

2 Korin 2:1

Tama tibaso, ena homugo digi eno te po wai: ‘Te eno hasia asęna tolali pas te Korin bagego selama, tama augwali homu sęgę eyu bidali. Te ena augwali pageba pelama, tama augwaligo ebo kolesagade te augwaligo dwai sę yali po olama, tama augwali homu sęgę ma ilibo te eno hagela ebao,’ eno dage dali te homu yai dao.

2 Korin 10:8

Magi baso meni. Dago Genuai Bidigo dabolo te sę emainogo te genuai nogi dabolo mani, te dago dagego Kraisde homu tialubo kolesaga ebode dąų walomainogo yali. Te dage dolomainogo eyu agai te bomo dabolo mabeo. Tama eno dena te sęde dena nogi ugwaba mu sali goli, tede ena hale me sogobeo, te dolo dao, dago dena sę bugagia yaibao.

2 Korin 3:10

Tama te bomai pogo sę ebo ula polobadu sali, te tiwai ula megi meni yanio. Magi baso meni, te nosali pedalali gasa sęgo aga aiyaba mu elaluama, tama genuai ula mu elalubo dao.

1 Korin 5:5

Tama tiyu te bidi dagego te Satango nogoba munama, te agai te dwai sę yali bidigo tigi dolomainao. Dago te tiwai elama, tama aga tigi dolai goli Godigo te bidigo mobo noma bidi te Genuai Bidi ma asobo side ma dobola somainogo tama tiao.

1 Korin 4:18

Te dage tomode bidi meba augwaligo homugo te ena dageba asogobe homu eyu, tama augwali hagoma ebao.

2 Korin 12:18

Eno te Taitus hodolama, tama aga dage bidibo madi asali, tama eno te gasa ama me deli aga dali hodobo tagala palali. Tama te Taitusgo ili po olama dagego nai anoma elama me saliwe? Menio. Ma dagego homu te ena dali Taitus si da te Tedali Mobo Bidi deligo bomode naga me bidibo meni, dagego da si dali te homu ebawe? Da si te tų delide naga me bilibo meni, dagego te homu ebawe? Edao. Dagego te tobage homu da si dali eyu da, teda duga homu hasegelao, te da sigo ebo kolesagade bugagia homugo koneao.

Galesia 6:1

Eno abagi dede, dagego bidi me deli aga dwai sę ebadi subaso da, teda te Godigo Mobo Bidi agai ebo wiegi yai kolesaga wali pabo bidi dagego te bidibolo dua dua digi agai homu begelabo dodolobo po wao. Dagego aga dali homu sębę eyu wado po wagio. Dage tigidali deli deli dua dao, tama te dwai bidi Satango dage me te dwai kolesaga tomoba kegidali weyu yao.