1 Korin 4:16 - Godigo dwagi yai po buku

¹⁶ Tama tibaso, eno dage te eno kolesagade usu selama bilimainu tama dage eno hodolobo te usu dao, ena da dagego aya tiwai dao.

1 Korin 4:16 Referans Kwoze

2 Tesalonaika 3:9

Da da, dagego tubo nai masiąbo bidi menio. Da da, dagego po ola mabo bidi dabe dao. Tama tibaso, dago dagego nai olo sobaso, te usugi da. Tiali goli, te menio. Dago te tubo nai sabo sę ebo dagego suali. Tama dagego dago yali kolesaga wali pomainogo te sę dago yai dao.

Filipai 3:17

Eno ama dedeo, dage tigidaligo eno ebo kolesaga sulama, tama te tama tiduao. Dago dagebolo te dolo yabo kolesaga ola mawai dao. Tama tibaso, duga hasi dagego dago ebo kolesaga wali asobo bidi dabe bugagia suao, te dagego augwaligo ebo kolesaga dolo wali pomainogo tama yao.

1 Korin 11:1

Te we bidi tigidali agai augwali tau somainogo eyu Krais agai aga digi aiyaba muyu bidali. Tama ena me eno agai te yali kolesaga wali pabo dao. Tama dage me dagego ena wali asiyu, tama te tiwai kolesaga naga yao.

1 Tesalonaika 1:6

Tama dagego dago kolesaga dali, te Genuai Bidi Kraisgo kolesaga dali te kolesaga si dagego wali pabo gilama. Polobadu augwaligo da dali, Genuai Bidi Krais dali dene mani gilama, dage me Godigo po sobadi, tama dage me dene salio. Dage dene sali goli, te Godigo Mobo Bidi agai dagego homu dwagi yai mu ilalio.

Hibru 13:7

Dagego duga tobolu bidi dabego yali kolesaga homugo bugagia koneao, polobadu augwaligo Godigo po dagebolo pusai. Dagego augwali bilali kolesaga dali, augwali isali kolesaga dali si homugo koneama, tama augwaligo konealubo po dąų weyu Godiba tią pali kolesaga te wali pao.

Filipai 4:9

Ena dage dali bidibadi eno te haniani kolesaga po dagebolo ola menama tama dagebolo mani. Tama dagego eno yali kolesaga gedugo suali. Dagego te enade tama sali kolesaga sesemane sogo iduao. Tama tiyu te dabolo nagame homu ilibo God aga dage dali bidaibao.

1 Pita 5:3

Tama kolesaga hagoma elama, tama dwai homu eyu te Godigo dagego nogoba muani we bidi tama tonalugio. Woo, te dage te dwagi yai sę ebo tųdu polasa pao, te augwali dage wali asomainu, te kibu sipsip augwali te augwali tonalubo bidi wali pomainogo aga polasa pabo tiwai gilama yao.