1 Korin 4:12 - Godigo dwagi yai po buku

¹² Dago dena nogogo digi masigi dena tigi tau sabo sę eyu dene mu ebo dao. Augwaligo dwai posobo po dabolo wabo, tiali goli dago augwali bugagia bidabo po naga augwaliba ponoyu ebo dao. Augwaligo dabolo dwai sę eyu, te dene mabo kolesaga ebo, tama augwaligo te tiwai sę eyu dago sula tagalama, te sęgę bugagia tolobo dao.

1 Korin 4:12 Referans Kwoze

1 Pita 3:9

Bidi mego dage dali dwai sę ebo si, tama dagego dwai sę eyu ma wei ponogio. Ma, bidi mego dage dali dwai dwai po wabo si, dagego te dwai po me weyu wei ponogio. Te menio. Dagego God hanalu wabo po wao, agai augwali dali dwagi yai sę emainogo yao. Te God agai dagego te tobage sę emainogo dage i wali dao, tama nosali agai dagebolo dwagi yai kolesaga mu yaibao.

Matyu 5:11

“Tama dagebolo sęgę mabo bidi dabe augwaligo suali dagego ena wali pabo subaso da, te augwaligo dage dali dwai posobo po weyu, tama dene mobadi augwaligo te kedu meni yai tibo po haniani weyu ebaso da, teda dage homu pemene wiegi yai yao.

Polgo Po Pas Rom Dabeba Asęani 12:14

Te bidi dabe augwaligo dage dali dwai sę eyu dene mobaso da, te dagego Godibolo gedu haluasa po olama, te agai augwali wiegi yai ilimainao. Awe, dagego gedu haluasa po agaba obaso, te augwali agai wiegi yai ilimainogo wao. Dagego agai augwali dolomainogo gedu haluasa po weyu te i ola mabo po me olamuo.

Polgo Po Pas Rom Dabeba Asęani 12:20

Te dwai sę wei munu me ponamuo. Te menio. Tiali goli, te Godigo po bukude wabo po tiwai, “Te nagebolo boi bidi ebo bidi aga nasi ebaso da, teda nago aga nai mao. Te aga ąį nogone ebaso da, teda nago ąį agabolo mao. Nago tama tiali da, teda agai yali kolesagade te nago aga hale ebo kolesaga mu ilaibao, tama te kolesagade ge naibao.”

Godigo Sęba Tagala Palai Bidigo Po 18:3

Tama Pol agai te we de bidi si te hasa waligo ugwa be hobolama, te mone sabo sę ebo suali. Polobadu Pol aga me te sę yai. Tama augwali sigo Pol hanalu wali, “Nage dadi si dali bidu, e sę yaibao,” wali.

Dwagi Yai Gesi Po Lukgo Asęani 6:28

Dage i ola mabo bidi dabebolo dwagi yai homu elama, dage dali dwagi yai homu isąbo bagede Godibolo po olama, dwagi yai homu ilabo po waiyąo.

1 Pita 3:14

Tialima dagego te doloba pai sę yai goli te gasa bidi dabe augwaligo dage dene me sogo mayu da, teda God agai dage dali dwagi yai homu eyu dwagi yai kolesaga dage dali yaibao. Tama tibaso, dage augwalide wi egio, te augwaligo dage dali ebo sęde me dage moni homu egimio.

1 Pita 2:23

Augwaligo aga dali dwai dwai po wabo si agai augwali dali dwai po wei ponobe, sagia sai. Tama augwaligo aga dene maidu gebo si, agai te boi bidi homu eyu, po wei munu me ponobeo. Woo. Te menio. Aga te homu yali, ‘God agai te augwaligo ena dali yali sęde te po tų dolo mu yaibao,’ te homu yai. Tama te homu eyu, agai te po tų yabo sę Godigo nogoba maidu geai.

Dwagi Yai Gesi Po Lukgo Asęani 23:34

Te Jisasgo te po wai, “Aya, nago augwaligo dwai sę yali sęgę sela sąyao. Augwaligo enade ebo sę sęgę augwaligo konebeo.” Tama te ami bidi dabe augwaligo satu gagali elama, Jisasgo gudubo ugwa dabe augwa dobola sai.

Matyu 5:44

Tiali goli megi eno dagebolo obao, dagego duga boi bidi dali dwagi yai homu eyu tama godolo eyu yao. Tama bidi meba augwaligo dagebolo dene mobaso da, teda dagego gedu haluasa po Godibolo wao, te agai augwali dali dwagi yai sę emainogo.

Godigo Sęba Tagala Palai Bidigo Po 7:60

Aga kidu sugunama, agai Godibolo i bomo elama, te po wai, “Genuai Bidi, nago augwaligo te enabolo ebo dwai sę sęgę nago sela sąyao,” te po wai. Te po olama, aga isai. 8:1a Tama te bidi Sol agai augwaligo Stiven ela mubo sulama, Sol agai te sęde usu da wali.

Dwagi Yai Gesi Po Jongo Asęani 15:20

Eno tamadi wali po dagego bugagia ma koneao. Eno dagebolo te po wai, ‘Te nogi meni yai sę ebo bidi agai aga genuai bidigo nogi aiyaba elalugobeo.’ Tama te tiwai me, te tǫde we bidi augwaligo ena dali dwai sę yaligo da, teda dage eno sę ebo bage dali me augwaligo dwai sę yaibao. Tama augwaligo eno po wali pigi sogo da, te dagego po me augwaligo wali pigi dao.

Jutgo Asęani Pas 1:9

Augwaligo te posobo po olamuo. Suao. Polobadu te ensel mobo bidi dabego polalubo ensel nogi Maikel, agai te dwai haubo mobo tuni bidi Satan dali augwali si po konila yai, te isai bidi Mosesgo tigi hagede konila yai. Tama te sogo Maikel agai te Satan dwai nogi posobo po me wabeo. Te meni. Agai Satanbolo te po wai, “Genuai Bidi aga digi nage osola sulama, tama sęgę mawaibao,” te po wai.

2 Timoti 4:10

Tama da Godigo kolesaga wali pabo, tebogo da megi me, nosali me tau sabo usu baso, dago bomo eyu sę dene mu ebo dao. God da, te tigidali we bidi ma sabo bidi da, tama agai te Kraisde konealubo po augwa homugo dąų wali we bidi da mu ma dobola sabo bidi dao. Tama tibaso, dago te bidibo ula elalubo Godiba homu begi pelama, tama agai da somainogo dago aga tonalubo dao.

2 Tesalonaika 3:8

Tama da dage dali bidibadi dago dagego nogode tubo nai olo me sabe. Menio. Dago abeleyu naga yai. Dago sę bomo elama, tama siade me hulide me te sę dene hauwa mu eyu, tama dago dagebolo naga sęgę maidali weyu tiwai dao, dage habuge idali weyu.

1 Tesalonaika 2:9

Dago abagi dabe, da dage tomode bidibadi, dago sę dene ebo te tigidali dagego koneai dao. Tama dago dagebolo Godigo dwagi yai po pusubadi, tama dago te masigi sabo gasagi yai sę yai dao, te siade me hulide me yai dao. Te yali sę dagego koneai dao. Dago te sę magi baso yaliwe? Te dago dagebolo sęgę maidali weyu, dago te sę yai dao.

1 Korin 9:6

Te gasa Godigo po sela pabo sę ebo bage tigidali augwaligo te Kraisde po pusubo sę sesemane sogo ebaso, tama augwa nogogo te masigi sabo sę ebo meni. Te ena me Barnabas da sigo naga te tiwai me ebo usu meniwe?

Godigo Sęba Tagala Palai Bidigo Po 20:34

Ena digi te be sę ebo ugwa hobolo sę elama, ena mone sai dao. Eno te mone selama, eno tubo nai me, eno abagigo tubo nai me, te eno abelali.

1 Pita 4:19

Tama tibaso, God agai “Awe” weyu, tama dage dene siyu da, teda dagego dwagi yai sę naga ebogo dagego duga digi God nogoba muao. Te God aga digi agai dage nigali, te agai dage tau siyu ma dobola sabo bomo te munu me siligobeo.

Polgo Po Pas Rom Dabeba Asęani 8:35

Te Kraisgo da dali dwagi yai homu eyu godolo mu ebo kolesagade te da mena nai mugo dagala sąyabo nai menio. Ma te sęgę daba pedalobo si da, ma dago dene tolobaso, ma bidigo da dolobo si da, ma augwaligo da nasi ilabo sę ebaso, ma da gudubo ugwa meni baso, ma augwaligo da te dwai bulude bidimainogo ilibo sę ebaso, ma augwaligo da hwągo ela mubo si da, tama te tobage sę ebo dabego da te Kraisgo da dwagi yai homu eyu godolo mu ebo sęde dagala sągobeo.

2 Korin 11:8

Eno masigi dabe te gasa bulude bidibo Godigo po odobo we bidi mebade sali, te ena dagede sę emainogo eyu augwaligo ena tama tau sai. Te kolesagade te eno augwaligo nai anoma elama olo sabo tiwai yai dao.

Efesus 4:28

Tama te polobadu nai wi sidu geai bidi agai te nai wi sabo sę tagalama silao. Megi aga digi doloba pai sę yao. Tama agai aga digi nai sabo sę aga nogogo digi eyu, tama aga digi tau siyu, te nai meni yai we bidi me tau siyu yao.