1 Korin 3:7 - Godigo dwagi yai po buku

⁷ Tama te nai wai bulali bidi, agai nogi te meni yaibao. Tama te wę mabo bidi, agai nogi me te elalugobeo. Magigo menio. Godigo te nai holomainu ilidubao, agaduba deligo genuai nogi naga elalubo dao.

1 Korin 3:7 Referans Kwoze

Dwagi Yai Gesi Po Jongo Asęani 15:5

Te Jisasgo te po me wai, “Ena da, te bono ni wain tigi dao, te dage da te bono ni waingo nologo dao. Bidi ena dali wadolama bidiyu, ena aga dali wadoloyu bidaibao. Tama te tiwai bidi agai du hauwa walaibao. Tibaso, dagego ena dali wadoloyu bidisiąyu da, teda dagego te eno dwagi yai sę me egobeo, usu egobeo.

Galesia 6:3

Tama dage dua dao, bugagia suao. Te bidi deli agai te homu ebo, aga digi aga nogi ugadu elalubo homu eyu da, tama agaduba bomo dali bidibo bidi da homu eyu da, tiali goli aga nogi me bomo me elalusiąbaso, teda te bidi aga digi aga homu tomode ili po ola mabo dao. Tama aga tulamuidali weyu, agai te homu ilamuo.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

Godigo Nogi Ugwaba Sabo Tęąbi Po Wabo Buku Dabe 115:1

Genuai Bidi, sesemane sogo nago da wei mu ebo da, tama nago da me tagalubo menio. Tama tialima, dago nago genuai nogi naga ugwaba saibao. Dago digi dena nogi ugwaba me sogobeo.

1 Korin 13:2

Ma, eno te profet bidigo wabo po tiwai te Godigo po pusubo bomo elaluyu, tama eno te Godigo geme dualali po tigidali koneyu, tama eno gasa haniani homu kolesaga me koneyu, tama eno Godide bomai konealubo po dąų elaluyu, tama eno te genuai bulu du gasaba pogolobo usu iligi da, ena te tiwai bidiyu, tiali goli eno te gasa we bidi dali dwagi yai homu eyu godolo ebo kolesaga esiąyu da, teda ena te olo nai tiwai dao.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

Aisaia 41:29

Suao. Augwaligo te mena sę me deli ebaso usugobeo, magi baso meni, augwa digi te olo nai naga dao. Te tibo god dabe te olo piksa dabe naga elalubao. Augwaligo te magi sę me deli yabo bomo me elalubeo,” te po wai dao.

Aisaia 40:17

Te tigidali tǫ pedai kantride bidibo we bidi augwali te Genuai Bidi gedude olo bage tiwai elalubao. Augwali te olo nai mu tiwai dao.

Godigo Nogi Ugwaba Sabo Tęąbi Po Wabo Buku Dabe 90:17

Genuai Bidi, nage dago God da, dago homugo te nago olo tau sabo wiegi yai kolesaga dabolo eyu, tama da wiegi yai bugagia ilao. Tama dago ebo sę tigidali te wiegi yai pedalumainu ilao. Mu tama, nago te dago ebo sę tigidali dąų walama, tama te bugagia elalumainao.

1 Korin 3:6

Eno da te nai wai bulali. Te Apolosgo te nai wai bulali madi pageba wę gegeli pali. Tiali goli God agai te nai pua pai holomainu iliduali.

1 Korin 3:8

Tama te nai wai bulubo bidi me, te nai waiba wę mabo bidi, te augwali sigo sę te deli tigi poai naga yali. Tama augwali si deli deligo te augwa si yali sę usu nama, te Godigo augwalibolo mabo dwagi yai nai saibao.

2 Korin 12:11

Te eno te ena digi nogi ugwaba sali po tamadi weyu, te eno te kolesaga meni yai bidi tiwai yali. Tiali goli dage, dagego ena hodolobaso tama eno te po wali. Te duga digi eno nogi ugwaba sigi sogo da, te doloba pai kolesaga egi da. Tiali goli tama me tibeo. Mu tama, ena te olo nai tiwai dao. Tama te gasa bidi dabe augwaligo homu te augwali Godigo po sela pabo sę ebo bidi dabe bidiyu, tama augwali te sęde polalubo bidi dabe dao, augwaligo augwa sęde te homu ebo dao. Tiali goli ena dali augwali dali si usu siyu da, teda augwaligo ena te dwasianu sę me delide ena aiyaba elalugobeo. Mu menio.