1 Korin 3:22 - Godigo dwagi yai po buku

²² Ena Pol, me Apolos, me Pita, da te dage tau sabo sę ebo bidi dabe da. E tǫde elalubo nai tigidali me, tego dage aiyaba elaluama tonaluabo nai meni, dagego te nai tigidali aiyaba elaluama tonaluabo bage dao. Te tǫde bidibo sogo me, te isibo kolesaga me, te megi elalubo sogo me, te nosali pedalabo sogo me, te tigidali te dagego nai dao.

1 Korin 3:22 Referans Kwoze

Filipai 1:21

Magi baso meni. Eno homu tama tiwai: ena e tǫde me bidiyu da, teda ena Krais dali homugo kęą pai bidi mu bidaibao. Ena isiyu da, teda ena wiegi yai mu bugagia bidaibao, tebogo e tǫde bidibo aiyaba mu elaluaibao.

2 Korin 4:5

Dago denade po te we bidibolo me pusugobeo. Mu menio. Dago e tiwai po pusubo dao: “Te Krais Jisas aga dago Genuai Bidi dao, tama Jisas tobade da te dagego sę ebo bidi bidibao,” te tiwai po pusubo dao.

1 Korin 1:12

E tiwai dao: dage tigidali deli deligo gasagi gasagi yai po wabo. Me badugo te po wabo, “Ena Pol wali pabo dao.” Me badugo te po wabo, “Ena Apolos wali pabo dao.” Me badugo “Ena Pita wali pabo dao” wabo. Tama me badugo “Ena Krais wali pabo dao,” te po wabo.

Dwagi Yai Gesi Po Jongo Asęani 1:42

Tama Andru agai aga ama Saimon odasa, Jisas bidibo madigi pai. Jisas agai Saimon sulama, te po wai, “Nage Saimon, Jongo ogwa dao. Nosali nago nogi Sifas waibao,” Jisasgo te po wai. (Dago te nogi Sifas begelama, tama wai, Pita wali nogi, te nogi page masigi dao.)