1 Korin 3:17 - Godigo dwagi yai po buku

¹⁷ Te bidi deligo Godigo te wiegi yai lotu be elalubo te dolobaso da, teda Godigo te bidi dolaibao. Magi baso meni, te Godigo be te tedali gasagi yai mu elalubo, te Godigo be naga dao. Te dage tama dao.

1 Korin 3:17 Referans Kwoze

Esekiel 43:12

“Eno bego bomai po da e dao. Te be da, te aga pesage te bulu dude tama elalueibao. Tama te be mesalo bagulama elalubo te tǫ te eno tǫ mu elaluaibao, tedali gasagi yai mu elaluaibao. Te eno bego hage yai bomai po dao,” wali.

Esekiel 7:22

Te augwali eno te wiegi yai genuai be tomoba pomainogo sula tagalama, tama eno gedude te be dwai meda pedalubo sę ilaibao. Te augwali eno me paligobeo. Mu menio,” wali.

Esekiel 5:11

Tama po ma weyu, agai te po wai, “Eno augwalibolo te po obao, ‘Ena God Genuai Bidi, ena sesemane sogo bidada paibao, eno po dolo dagebolo obao, te eno dage mu dolaibao. Magi baso meni, dagego te tibo god dabego dwai piksa noma dabe elaluyu, dwai kugumini ebo kolesaga hauwa elama, tama tebo kolesagago te eno gedude dagego eno be meda mu ilai dao. Tama tiyu, te eno dage olo tau sabo wiegi yai kolesaga eyu, te hobede me egobeo. Te eno dageba dwai sęgę mabo sę eyu, te bidigo tobolu nisi tigidali togolama poala sąwani tiwai yaibao.

Israel Hanigo Namba 19:20

Tialima, te bidi me deli aga eno gedude meda elaluai bidi yaibaso, tama agai te meda isąwai pedalobo te kolesaga isąma ebaso da, teda aga eno gedude meda elalubo bidi me bidaibao. Magi baso meni, augwaligo te bidi meda isąwai pedalobo wę aga tigiba sąsiąma ebaso. Tama tibaso, aga wiegi yai me pedalogobeo. Tama agai Genuai Bidi eno ugwa be eno gedude dwai pedalaibao. Tialima, aga eno we bidi tomode me bidigobeo.

Godigo Nogi Ugwaba Sabo Tęąbi Po Wabo Buku Dabe 79:1

God, te gasa hani dabe dago tǫba asalio, tama augwaligo te naga we bidi dabe da dali hwįani ebao. Augwaligo te nago tedali wiegi yai be dwai ilama, tama meda mu pedelali. Tama augwaligo te Jerusalem dwai mu ilama, dolalio.

Pris Sę Ebo Bomai Po 20:3

Te bidigo wai te Molekba mabo kolesagade, te eno sel Ugwa Be meda ilama, te eno genuai nogi aiyaba mu elalubo sę ebao. Tibaso da, eno te bidiba boi bidi elama, te aga eno we bidi hani tomode bidibo sela sąwaibao.

Aisaia 64:11

Tama nago tempel be da, nago te po weyu, da teba pelama, nageba lotu waibao wali, te me siago delama, tigidali dolali. Polobadu te be te gasa sawi yai mu elalu, te da bulali wąį dabe teba pelama, te nago nogi ugwaba sali. Tiali, megi da, te dolali, te dago godolo homu yali gasa wiegi yai pesage dabe, augwali me te dolama elalubao wai dao.

Pris Sę Ebo Bomai Po 15:31

“Dage sigo bomai po te Israel dabeba menama, te augwali eno gedude meda elalubo sogo dua dao, bugagia koneao. Eno sel Ugwa Be augwali tomode elalubao, te augwali meda elalubaso da, teda te be tomoba augwali me pelamuo. Tiyu, augwaligo te sel Ugwa Be meda ilidalio. Te sel Ugwa Be augwaligo meda ilibaso da, teda eno augwali ela mueibao,” wali.

Ma Dobola Sali 3:5

Tama Godigo te po wai, “Nage pąba aselamo dao. Tama nago sągą nadoba dią muao. Magi baso meni, te megi nage dolalubo tǫ te eno tedali gasagi yai tǫ, tama te tǫ eno habu selai tǫ dao.

Tigidali Nai Gagalama Nigali Side 28:17

Aga wi elama te po wali, “Ena e bulude wi mu ebao! Te e da, Godigo be mu dao. Awe, te dagalugo sunumi dao,” te po wali.

Godigo Nogi Ugwaba Sabo Tęąbi Po Wabo Buku Dabe 99:9

Te dena Genuai Bidi Godigo nogi ugwaba sao. Tama aga bulu dude te agaba lotu wao. God, dena Genuai Bidi, aga te tedali wiegi yai mu bidibo dao.

Godigo Nogi Ugwaba Sabo Tęąbi Po Wabo Buku Dabe 93:5

Te nago tigidali bomai po te sesemane elalua peyu, elalua pobao. Mu tama, Genuai Bidi, te nago tempel be te tedali wiegi yai sesemane elalubo dao.

Tuni Bidi Dabego Po Elalubo Buku Deli 29:3

Eno te sisinani nai dabe daide ugwadu, eno te ena gol dabe me silva digi mawai. Magi baso meni, eno te ena Godigo tempel bede dwagi yai homu godolo genuai ebaso eno te tama sę yalio.

Sefanaia 3:4

Te profet dabe augwaligo augwa sę subigila eyu, bugagia ebo meni, tama augwaligo te bidi dabe augwali dolomainu ili po naga ola mayu ebo dao. Tama te pris dabe augwaligo te Godigo tedali gasagi yai be habu dabede dwai sę eyu ebo dao. Tama augwaligo Godigo bomai po hasegelama tagalali, te augwa digi augwa ma tau somainu.

Godigo Nogi Ugwaba Sabo Tęąbi Po Wabo Buku Dabe 74:3

Te dago boi bidi dabego te dago moni lotu be tempelde doado bage tigidali dolalio. Te doado bage dolali elalubo, te nage aselama, suagasao.

1 Korin 3:16

Dage da te Godigo wiegi yai lotu be tiwai dao, tama te Godigo Tedali Mobo Bidi te dage tomode bidibao, bidi aga bede bidibo tiwai bidibao. Tama te dagego me konebewe?

1 Korin 3:18

Tiyu te bidi me deli agade digi tibo po ola mayabuo. Te dage tomode bidi deli agai te e tǫde homu kolesaga wali peyu tama te tiwai homu eyu, ‘Eno kolesaga koneai elalubo,’ aga te homu eyu da, teda aga hasia bolo aga te tǫde we bidigo gedude te wabo pabo bidi tiwai pedalao. Tama tiyu aga te Godigo gedude te kolesaga koneai bidi mu pedalaibao.