1 Korin 3:14 - Godigo dwagi yai po buku

¹⁴ Te bidi deligo be te pos ni daide sę ebaso, tama agai te be siago disiąbaso da, teda te sę bidibolo Godigo dwagi yai nai mawaibao.

1 Korin 3:14 Referans Kwoze

1 Korin 3:8

Tama te nai wai bulubo bidi me, te nai waiba wę mabo bidi, te augwali sigo sę te deli tigi poai naga yali. Tama augwali si deli deligo te augwa si yali sę usu nama, te Godigo augwalibolo mabo dwagi yai nai saibao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

1 Pita 5:4

Tama dage te kibu sipsip tonalubo bidi dabe tiwai bidiyu, tama Krais aga te sipsip tonalubo bidi dabego tuni bidi mu tiwai dao. Tama aga ma asiyu hanilibo si, te sogo dagego te bomo yai ula saibao, te bomonama udayu nai sabo bidi agai te wiegi yai tobolu au yabo nai sabo tiwai. Tama agai au yabo nai osogo elaluyu dolai goli, te dagego sabo bomo yai ula te dolisiąbo nai mu dao.

1 Pita 5:1

Tama tibaso, megi eno te dage Godigo hani we bidi tonalubo bidi dabe dali e homu kęna sabo po obao. Ena digi me ena da te Godigo hani we bidi tonalubo bidi dao, te dage tiwai. Tama eno gedugo Krais aga dene sabo suai bidi dao. Tama aga ma asiyu, tama aga bomo yai ula pedalobo si, te sogo ena te bomo yai ula meba sabo bidi me bidaibao.

1 Tesalonaika 2:19

Tama nosali dago Genuai Bidi Jisas e tǫba ma asobo sogo te da tǫde we bidi aga gesabidide da dolaluaibao. Tama aga asobo sogo da dwagi yai homu eyu tonalubo dao. Tama aga asobo sogo dago te dwagi yai nai dali te dwagi yai au yabo nai dali te si waibao. Dago dwagi yai nai dali au yabo nai dali te si de dawe? Te dage tama dao.

Daniel 12:3

Te wiegi yai kolesaga koneai elaluai bidi dabe, te augwalide ula ebo te dagalu ula mu te hulide ebo tiwai yaibao. Augwaligo te we bidi hauwa te doloba pai kolesaga wali pomainu dodolali, tama augwa ula te sesemane elalu, te hǫ ula tiwai yaibao.

Polgo Si Wali Pas Timotiba Asęani - 2TI 4:7

Te Kraisde konealubo po dąų wabo bidi te usu si yainogo udabo tiwai sę elalubao. Te usu si yainu ena bugagia udawai dao. Megi da te dąį ilaliba ena mu sabolalio. Eno Kraisde konealubo po homugo dąų mu wai dao, te eno munu me tagalobeo.

1 Korin 9:17

Te ena homugo digi eno te sę egi da, teda eno te sęde sabo usu egi da. Tiali goli, eno homugo te sę eno yabo homu me isąbaso da, teda Godigo te sę enabolo emainu mawai dao.

Galesia 6:4

Tama tidali weyu, tigidali bidi augwa ebo sę augwa digi osola suyu, tama dago ebo sę wiegi yai sę ebowe te suainogo bugagia osola suao. Tama tebo bidi agai te aga digi ebo kolesagade sulama, tama te kolesaga usu baso, aga wiegi yai homu emainao. Tiyu aga ebo kolesaga dali te gasa bidigo ebo kolesaga dali si te dagalamuo.