1 Korin 3:12 - Godigo dwagi yai po buku

¹² Tama te pos ni daide ugwadu be sę yainu ebo bidi augwali deli deligo haniani naigo te be sę yaibao. Bidi me deligo te wiegi yai kapa nogi gol tego te be sę yaibao. Bidi mego te kapa nogi silvago ma te dila pai masigi mugo, me te nigo, ma te kalago, ma te gasagi yai nosai dili dabego te be sę yaibao.

1 Korin 3:12 Referans Kwoze

Polgo Si Wali Pas Timotiba Asęani - 2TI 4:3

Magi baso meni, nosali te gasa sogo pedalaibao. Tama te sogo te bidi dabego Godigo mu po ola mabo odobo hagela yaibao. Odogobeo. Menio. Te augwa digi augwa homu kolesaga naga wali peyu, tama augwaligo te po ola mabo tisa bidi hauwa saibao. Augwaligo godolo ebo po odomainogo te bage saibao. Tama te po ola mabo bidi dabe augwaligo te augwali sali we bidi dabebolo Godigo po pusugobeo. Menio. Augwaligo te we bidigo godolo ebo po naga pusaibao. Te we bidi augwaligo olo te dini ebaso, te tibo po ola mabo bidi dabego te augwaligo olo te pogo kieibao.

Polgo Si Wali Pas Timotiba Asęani - 2TI 3:7

Te we dabe augwaligo sesemane sogo augwaligo te ola mabo po odobo sę ebadi, tiali goli augwaligo te Godigo mu po page koneainu ebo usu egobeo.

Polgo Si Wali Pas Timotiba Asęani - 2TI 2:20

Te doado bage hauwa elalubo bidigo bede te haniani plet pou elalubo dao. Te plet pou meba augwaligo te wiegi yai kapa si gol me silva, te sigo nigali. Tama te nogi elalubo sogo augwaligo nai tuenu augwaligo te wiegi yai nai naga te tobage wiegi yai pou dabeba mubo dao. Te pou dabe te gasagi yai tedali dao. Tama plet pou meba augwaligo nigo nigali me, tama meba augwaligo te mama tǫgo nigali me elalubao. Te tobage olo pougo te olo sę naga elalubao.

Kraisgo Geme Dualali Sę Pedelabo Po Jonbolo Ola Mani 21:18

Te hanu obo te wiegi yai masigi nogi jaspa te masigigo nigai. Tama te hanu te kapa nogi golgo naga nigidubadi, tama te ula te dula ula ebo tiwai yai.

Kraisgo Geme Dualali Sę Pedelabo Po Jonbolo Ola Mani 3:18

Tama tibaso, eno e po mobo mabo po nagebolo mobao. Eno te gasagi yai kapa nogi gol te elalubao, te kapa gol te siaba ulama te dwai nai sela sąnama, tama te wiegi yai yai. Tama eno homugo nago te kapa gol abelao, te nago doado bage hauwa elalumainogo yao. Tama nago te tedela yai ugwa te naga tigi haluabo abelao, te bidi dabe augwaligo te nago tigi bolu olo elalubo sulama, tama nage hale idali weyu te tama kolesaga yao. Tama nago te geduba muabo ili yabo marasin me abelao, te nago gedu ma tonono bilibo usu emainogo yao.

1 Pita 1:7

Tama te haniani dene mabo sę augwaligo page elalubao. Dage duga homu tigidali Godiba muani sę, te sę usu somainogo te dene mabo sę dageba pedalobo dao. Eno megi te wiegi yai kapa nogi gol te naide po digi po begelama obao. Augwaligo te kapa gol te tǫde diganama, tama te dwai nai sela sąwainogo augwaligo te gol siade ulubo dao. Siago uludama, tama nosali te wiegi yai kapa gol naga pedalama, augwaligo saibao. Tama te gol te osogo wiegi yai nai dao, te tǫde elalubo nai dao, tama nosali te nai mu dolaibao. Tiali goli dagego duga homu tigidali Godiba mubo sę te wiegi yai mu dao, tebogo te kapa gol aiyaba elalubo dao. Tialigo da, dagego konealubo po dąų wabo kolesaga usu selama, tama usu baso, te Jisas Krais aga ma asobo hanilabo sogode te Godigo dagego nogi ugwaba mu siyu, dagebolo dwagi yai genuai nogi mawaibao.

Godigo Nogi Ugwaba Sabo Tęąbi Po Wabo Buku Dabe 119:72

Eno te mone godolo homu me egobeo, te eno nago bomo yai po godolo ebo tiwai gilama me egobeo.

Godigo Nogi Ugwaba Sabo Tęąbi Po Wabo Buku Dabe 19:10

Te tobage pogo te wiegi yai nai go te aiyaba elaluai, awe, te meda isiąwai te gol, te me te pogo aiyaba mu elaluai, tama dago agai te po mu godolo yao. Genuai Bidi God agai bomo yai po te pusu mu yai, tama te megego pusu ebo aiyaba elaluai. Agai te dwagi yai pusu mu ebo mege ąį tubo te aiyaba mu elaluai dao.

Kraisgo Geme Dualali Sę Pedelabo Po Jonbolo Ola Mani 2:14

Tiali goli eno po meba nage dali elalubao. Nage dali bidibo bidi meba, augwaligo te bidi Balamgo kolesaga wali pabo dao. Tama te Balamgo kolesaga e dao. Polobadu bidibadi agai te tuni bidi nogi Balak agabolo te Israel dabe gea gano bilabo kolesaga ola mawai. Tama ola menama, tama Balakgo te Israel we bidi homu hodolama, tama augwaligo te tibo god dabebolo ula mani nai tuyu, tama augwaligo te penani ebo kolesaga emainogo yai.

Hibru 13:9

Tama tibaso, te gasa haniani haniani ola mani pogo dagego homu kegeyu, tama dagego Godigo tų wali pabo tagalu gogologimio. Te dago homugo te Godigo da olo tau siyu mabo kolesagade dago bomo sai yai baso da, te wiegi yai dao. Dago homugo te haniani nai tubode bomai po wali pabode te bomo sainogo ebo usu egobeo. Te kolesagade bilali we bidi augwali te kolesagago tau me sabeo.

Polgo Si Wali Pas Timotiba Asęani - 2TI 3:13

Tiali goli te dwai bidi dabego me, te tibo po ola mabo bidi dabego me, te bidi dabe augwaligo ebo dwai sę dwasianu gagalama tama genuai pedalaibao. Tama tiyu, augwaligo te tibo po te gasa we bidibolo ola mobadi, te Satango me augwali tibo po ola maduaibao. Tama augwaligo kolesaga te dwai mu pedaluaibao.

2 Timoti 6:3

Tiali goli bidi mebago te po wali pisąma tama augwaligo bidi dabe gasa po ola mabo dao. Te gasa po te dago Genuai Bidi Jisas Kraisgo doloba pai po dali tiwai si isiąwai po dao. Tama te gasa po te dago te Godigo kolesaga wali pabo ola mabo po dali tiwai si isiąwai po dao.

Kolosi 2:8

Dage dua dao. Bidi dabe meba augwaligo te tǫde bidigo olo homu kolesaga, te we bidibolo tibo po ola mabo homu kolesaga, augwaligo dagebolo te tobage dwai homu kolesaga ola menama, tama te homu kolesagago dage dąų waidali weyu, dage dua dao. Te tobage homu kolesaga te Kraisgo ola mabeo. Mu menio. Te tobage olo homu kolesaga te bidi dabego polo wąįgo ola mani kolesaga dao, me te tǫ dali dagalu dali si tonalubo dwai genuai mobo bagego ola mani homu kolesaga dao. Te Kraisde sabeo.

2 Korin 2:17

Tiali goli, da te bidi hauwa augwali tiwai me ebeo, augwali tedali tedela pelama, te Godigo pode masigi sabo bisnis sę tiwai me ebo, te tiwai dago egobeo. Menio. Dago te sę Godide sali, tama dago te Godigo sęde tibo po subigila me wagobeo. Menio. Dago sę dolasa mu tigidali ela pobao. Da te Krais dali wadolama, tama homu mu naga eyu, tama God gedude dago agai po te we bidi dabebolo pusubo dao.

Polgo Po Pas Rom Dabeba Asęani 16:17

Ama dedeo, te we bidi hani pedebo kolesaga ebo bidi dabe, te bagede dagego bugagia suao, dua dao. Te dagego Kraisde polobadu odali ola mabo po, te po augwaligo sela sąwainogo eyu, tama augwaligo we bidi dwai sę ebo kolesaga tomoba kegebo dao. Te tobage we bidi dagego tagalao, augwali tudiba mu muao.

Godigo Sęba Tagala Palai Bidigo Po 20:30

Tama duga digi tomode bidi me badu hodaluama, ili po ola maiabo, augwaligo homugo tigidali Jisasgo po wali pabo we bidi augwali wali asomainu yaibao.

Jeremaia 23:28

Ena Genuai Bidi, eno po dolo obao, te profetgo odolali na yali da, agai te na yali po miaibao. Tialima, eno te bidi me deliba po mawai ebaso da, teda agai eno te po dolo pusao. Eno po da, te wiegi yai nai wit ge wai tiwai elalubao, tama te profet dabego po wit aga bo ma wali tiwai olo nai dao.

Aisaia 60:17

“Te eno nago bras hasegelama, tama nago gol munolueibao. Me nago ain hasegelama, tama nago silva munolueibao. Te eno nago ni nami dabe me hasegelama, tama nago bras elalueibao, me nago masigi dabe hasegelama, nago ain elalueibao. Te eno wiegi yai bugagia haliga nagame homu elama, dugulaluabo kolesaga nigilaibao, te doloba pai kolesagago nage bilibo dodolaibao. Te niwai bidi mego nage tonalu, nageba dwai sę me egobeo.

Bugagia Bidibo Kolesagade Po Asęai Buku 30:6

Naga po digi nago te po weyu, te po te Godigo po dao me wagio. Tiyu, agai nage wado iliyu, tama nosali tigidali we bidigo koneyu, nage te tibo po wabo bidi da po wabuo,” wali.

Bugagia Bidibo Kolesagade Po Asęai Buku 16:16

Te nago wiegi yai homu kolesaga te koneama sobaso da, teda tego te gol hauwa me silva te aiyaba mu elalubo dao.

Bugagia Bidibo Kolesagade Po Asęai Buku 8:10

Te eno dagebolo te dage wiegi yai koneabo kolesaga ola momainu eyu, dagego te usu da po wao, magi baso meni, te eno mobo mabo pogo te wiegi yai silva me gol aiyaba elalubo dao.”

2 Korin 4:2

Menio. Dago te geme dualama hale ebo kolesaga te tudiba muanio. Te tibo po wabo kolesagade da me bilibeo. Tama dago Godigo po me hasegelegobeo. Menio. Dago mu po hanilama mu pusubo da, tama tigidali bidi deli deli augwa homugo dago pusubo po mu po dao konemainogo ebo dao, tama augwa dago ebo sę God gedude konemainogo ebo dao.

1 Korin 3:11

Dagego koneani, te be pos ni mu bulai elalubao, te Jisas Krais naga dao. Tama niwai bidi me deligo agai te gasa pos ni me bulainu ebo te usu me egobeo.

1 Korin 3:13

Te magi naigo te be sę yainu homu ebaso da, teda te tigidali bidigo sę yali te nosali po tų ebo sogo te hania haninama pedalaibao. Tama te po tų ebo side te sia dabo posolo ebo tiwai pedalaibao. Tama te sia aga digi te tigidali bidi deli deligo yali sę usu sesa pelama, tama augwaligo yali sę te wiegi yai yaliwe ma meniwe, te augwaligo koneaibao.

Ma Dobola Sali 5:12

Tama te Israel we bidi augwali te tigidali Isip teba tedela pelama, te nosa dabe tigidali sisinai.