1 Korin 2:5 - Godigo dwagi yai po buku

⁵ Eno tama tiali. Magi baso meni, eno homugo te bidigo homu kolesagaba te dagego homu teba tialugobeo. Menio. Eno homugo te dagego Godigo bomode naga te Kraisde konealubo po dąų weyu, tama teba naga duga homu bugagia tialuaibao. Tama tibaso, eno te Kraisgo po dagebolo pusuyu, eno te kolesaga koneai bidigo po wabo kolesaga wali pabeo, eno te tobage homu bega sabo pogo te Kraisgo po dagebolo pusubeo.

1 Korin 2:5 Referans Kwoze

2 Korin 4:7

Tiali goli ena dali, te ena dali deli sę ebo bidi dabe dali, dena te bomo yai ulade po pusubo wiegi yai sę elalubo, te tǫgo nigai olo sene tomode elalubo tiwai ebao, te dena isibo tigide naga elalubo dao. Te tigidali bidigo konemainogo ebao, te Kraisde wiegi yai gesi po pusubo sę ebo wiegi yai genuai bomo mu, te Godigo bomo naga dao. Te dago menio.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

2 Korin 6:7

Dago mu po pusubo dao. Dago dena sę Godigo bomode ebo dao. Dago doloba pai kolesaga ebo dao, tama tebogo te wąbi hwįbo nai te dolo nogode me, pobase nogo me elalubo tiwai elama, tama tede dago wąbi hwįbo dao.

1 Korin 1:17

Tama Kraisgo ena tagala palali te we bidi baptais emainogo tagala palobeo. Menio. Agai ena tagala palali eno te Godigo wiegi yai gesi po te we bidi augwalibolo pusumainogo tagala palali. Tama tiyu agai homugo eno te tǫde koneai bidi dabego wabo pogo agai gesi po page ola menamuo te homu yai. Te Krais aga te ni pedaide isibogo bomo eno dolidali weyu tama eno te tǫde koneai bidigo po pusubo kolesaga wali pabo meni.

1 Korin 3:6

Eno da te nai wai bulali. Te Apolosgo te nai wai bulali madi pageba wę gegeli pali. Tiali goli God agai te nai pua pai holomainu iliduali.

Godigo Sęba Tagala Palai Bidigo Po 16:14

We me deli bidali, dago po wabo agai odali. Te we nogi Lidia, te Taiataira be nanidu polobadu asali. Te we agai ebo sę da te nene gagawai nami ugwa agai gasa bidibolo menama, monego abelebo sę ebo da. Tama te we agai Godibolo lotu po wabo da, tigidali sogo. Tama agai Polgo po wabo odalio, tama Genuai Bidigo te wego homu dwagi yai ilali, te wego Polgo wabo po bugagia odomainu yali. Te sogo te wego homu tigidali Kraisba muani.