1 Korin 2:16 - Godigo dwagi yai po buku

¹⁶ Awe, te Godigo po bukude po me elalubo e tiwai wabo, “Dego te Genuai Bidigo homu konebaso, te agai Genuai Bidi mobo mabo usu egowe? Bidi meni,” te asęani po tama wabo. Tiali goli te Kraisgo homu kolesaga dago elalubo dao.

1 Korin 2:16 Referans Kwoze

Polgo Po Pas Rom Dabeba Asęani 11:34

Te agai po bukude te tiwai po me asęani, “Dego te Genuai Bidigo homu kolesaga koneai dawe? Dego te mobo mabo po agabolo mabo usu egowe?

Dwagi Yai Gesi Po Jongo Asęani 15:15

Genuai bidi agai aga sę ebo bidibolo te sę yao po naga wabo dao. Agai te bidibolo te sę yabo po page ola mabo menio. Tiali goli, eno Ayago ena dali wali po tigidali, te po eno dage dali wai dao. Tama tibaso, eno dage sę ebo bidi da wabo nogi naga ma wagobeo, eno dage dali abagi dabe dao wabo.

Jopgo Po Asęani Elalubo Buku 15:8

Nage te Godigo te sę dabe yaiba obadi, nage te sogo me nage tede bidai dawe? Nagaduba deli naga dwagi yai kolesaga elalubawe? Tega? Mu menio.

Jeremaia 23:18

Tama Jeremaiago te tiwai po wali, “Te profet dabe me deli te Genuai Bidigo po sisinama mibo pesagede bidama, te po me sagasobeo. Te augwali me deligo te Genuai Bidigo poba bugagia olo me mubeo.

Jopgo Po Asęani Elalubo Buku 40:2

“Jop, nago pogo ena dali hwįbo tiwai walio. Ena da, Tigidali Bomo Elalubo God dao. Tama nago ena po tų ela manio. Tama megi da, eno nago eno po wei ponomainu agebele e ilibao. Nago wei ponobo usu yaibawe? Ma, meni yaibawe?” Godigo te po wai.

Jopgo Po Asęani Elalubo Buku 22:2

“Da olo bidi dabego God tau sabo sę dabe ebo usugowe? Mu meni. Te koneai bidi dabe me usu egobeo.

Tigidali Nai Gagalama Nigali Side 1:12

Tama tiliama, te haniani keba dabe me, te dwanai sibi me, tama te ni dabe me, te tǫde pedelai. Te meba gasagi yai dabego te nai du waliyu, te mebago te du wai walali. Te God aga digi te nigali nai tigidali sulama, te aga wiegi yai homu pemene yai.

1 Korin 12:8

E tiwai dao. Te Godigo we bidi hani tomode te bidi me delibolo te Tedali Mobo Bidigo te we bidi dabebolo te Godigo wiegi yai homu kolesaga ola maiabo homu kolesaga agai olo mabo dao. Tama te gasa bidibolo te Tedali Mobo deligo naga te Godigo kolesaga te we bidi augwaligo bugagia konemainogo te po pusubo sę ebo homu kolesaga mabo dao.