1 Korin 2:15 - Godigo dwagi yai po buku

¹⁵ Tialima, te Tedali Mobo elalubo bidigo, agai te tigidali nai dagalama, tama te nai page konebo usu ebo dao. Tiali goli te bidi me deligo te Tedali Mobo elalubo bidi dagalainogo ebo te usu me egobeo.

1 Korin 2:15 Referans Kwoze

1 Tesalonaika 5:21

Tialima dagego te tobage po wabo tigidali bugagia osola suao. Tama dwagi yai po naga dagego dąų ola siyu,

Bugagia Bidibo Kolesagade Po Asęai Buku 28:5

Te dwai kolesaga ebo bidi dabego, te doloba pai kolesaga te magi nai da te homu elama, te augwaligo konesiąyu ebao. Tiali goli, te Genuai Bidi wali pabo homu ebo bidi dabego da, augwaligo te doloba pai kolesaga page mu konebo dao.

Hibru 5:14

Tiali goli te dili yai nai da te genuai bidi dabe augwaligo tubo dao. Te tobage bidi dabego te augwa digi augwa homude kolesaga hauwa sogo osola suyu, tama augwaligo te wiegi yai kolesaga ebo me te dwai kolesaga ebo me te augwaligo dagalabo usu dao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

1 Korin 14:37

Tama bidi me deli aga homugo digi aga te Godigo po pusubo bidi da te homu ebaso, ma aga digi homugo te Godigo Tedali Mobo Bidigo agabolo te Godigo we bidi tau sabo sę agabolo mani, te homu eyu da, teda aga koneao, te po eno dagebolo megi asęani te Genuai Bidigo bomai po dao.

Galesia 6:1

Eno abagi dede, dagego bidi me deli aga dwai sę ebadi subaso da, teda te Godigo Mobo Bidi agai ebo wiegi yai kolesaga wali pabo bidi dagego te bidibolo dua dua digi agai homu begelabo dodolobo po wao. Dagego aga dali homu sębę eyu wado po wagio. Dage tigidali deli deli dua dao, tama te dwai bidi Satango dage me te dwai kolesaga tomoba kegidali weyu yao.

Filipai 1:10

Magi baso meni, dagego te kolesaga dagalabo homu kolesaga elalubaso da, teda dagego te tigidali kolesaga osola sulama, tama te wiegi yai mu kolesaga sabo usu yaibao. Tama tiyu da, teda te Krais aga tǫba ma asobo sogo tonalubadi dage meda meni yai me, sęgę sisąwai we bidi bidaibao.

1 Korin 3:1

Tama tialima, ama dedeo, polobadu eno digi dagebolo mani po te eno dagebolo te Tedali Mobo Bidi elalubo bidi dabebolo mani po tiwai gilama me mabeo. Usubeo. Menio. Eno dagebolo mani po te eno te poloba homu elalubo bidi dabebolo mabo po tiwai mani. Te sogo dage te Kraisgo kolesagade kuna konesiąyu tama te wai bǫų tiwai bidibadi tiwai dao.

Kolosi 1:9

Te Godigo po dage tomode te tobage dwagi yai sę yali baso, dago dagede te po odali sogo gagalama tama eduali tama megi usu nagasama tama dago Godibolo po wabo dao. Tama tiyu, dago Godibolo e po hanalu wabo dao, “God, nago te Kolosi we bidi augwalibolo te nago Mobo Bidigo maiabo wiegi yai homu kolesaga tigidali augwalibolo mao. Tama mobaso, augwaligo nago sę yabo homu kolesaga gisiga koneaibao,” dago dagede te po Godibolo wabo dao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

Godigo Sęba Tagala Palai Bidigo Po 16:3

Tama Pol agai homugo Timoti aga dali sęba paibao homu yali. Tiali goli, agai koneani, te Juda hani bidi augwaligo Timoti aga ayade moni homu yali, augwaligo te homu yali, ‘Aga aya da Grik bidi da’ homu yali. Tama aga aya agai te sogo Timoti tigiwali togobe. Tialima, Polgo Timoti tigiwali togwali, te Juda bidi gagamai hagede dąį ilali da, te Juda dabego Timoti agai wabo po odomainu yali.

Dwagi Yai Gesi Po Jongo Asęani 7:17

Niwai bidigo Godigo homu kolesaga wali pabo bidi agai eno ola mabo po page koneagameo. Eno te we bidibolo ola mabo po menade saliwe? Te Godigo po dawe? Ma eno homugo naga te po obawe? Niwai bidigo Godigo homu kolesaga wali pabo bidi agai eno ola mabo po page koneagameo.

Kolesaga Koneai Bidigo Pusali Po Elalubo Buku 8:5

Te kingo po tigidali wali pabo bidi yaibaso, te aga bugagia bidaibao, me tede te konea pai bidi mugo te magi sę yabo sogo bodolu munama, te sę yabo sunumi konealueibao.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

2 Samuel 14:17

Tama tiyu, eno homugo te nago ena tau sabo bomai po dąų walobaso, tama ena bugagia bidaio. Eno genuai bidi, nage da te Godigo mobo bidi ensel tiwai eyu, tama nago te mena wiegi yai kolesaga me, te dwai kolesaga ebo me, te nago koneani. Tama God, te naga Genuai Bidi, te nage dali bidimainao,” te wego te po wali.

1 Jon 2:20

Dage, te dagebolo te Tedali Bidi Kraisgo te Godigo Mobo Bidi olo mani. Tama tibaso, dage tigidaligo te mu po koneai dao.