1 Korin 16:7 - Godigo dwagi yai po buku

⁷ Ena megi te Masedonia tǫba pobadi ena dageba asigi sogo da, teda ena dage dali dwasianu sogo naga bidibo usigi da. Te ena hagelabo. Dago Genuai Bidigo usu da po obaso da, te ena Masedonia tǫde elalubo sę silama tama dageba asama, tama ena dwasianu bobage sogo dage dali bidabo homu ebao.

1 Korin 16:7 Referans Kwoze

Godigo Sęba Tagala Palai Bidigo Po 18:21

Agai augwali taga peyu, te po wai, “Te Godigo ‘Usu da’ obaso da, teda nosali ena dage pageba ma geasa asaibao,” wali. Te po olama, Pol te moni gebadu pelama, Efesus be nani taga pali.

Jems 4:15

Tama tibaso, dagego nosali yabo sęde homu eyu, te po wao, “Genuai Bidi agai ‘Ao, usu da’ homu eyu da, te da bidibo ula dali bidiyu, tama dago te masigi sabo sę me te gasa sę me te nosali yaibao.”

1 Korin 4:19

Tiali goli menio. Te Genuai Bidigo homu usu yali da, teda ena dage bidiboba polo asaibao. Tama eno te hagoma ebo bidi dabego wabo po naga konegobeo, te augwaligo te Godigo sę yabo bomo me elalubowe ma meniwe, te me eno koneaibao.

2 Korin 1:15

Tama dagego enade te dwagi yai abagi homu ebo kolesaga tede eno homu si isąbaso, tama polobadu eno po weyu, te eno homugo hasia dage bidibo madibolo pelama, tama duga wiegi yai homu si sogo yagameo po wai.

Polgo Po Pas Rom Dabeba Asęani 1:10

Tama sesemane sogo eno agabolo gedu haluasa po weyu, eno te tiwai hanalubo dao, “Hauwa sogo augwali pageba pabo tų elalusiąbadi ena tonaluali goli, megi nago usu da olama, te ena pabo tų nigilama, ena augwaliba pomainao,” te po wabo dao.

Jeremaia 10:23

Genuai Bidi, eno koneani, te bidi dago dena bilibo tonalubo usu isąyu, te dena godolo homu ebo sunumi dabe wali painu ebaso, usu egobe dao.

Bugagia Bidibo Kolesagade Po Asęai Buku 19:21

Da we bidi dabe dago te sę hauwa yabo homu ebo dao. Tiali digi, te Genuai Bidigo yabo homu yali sę te naga te pedelaibao.

Matyu 3:15

Tiali goli Jisasgo agabolo po wei ponoyu te po wali, “Woo, te nago eno wabo po wali peyu, te sę yao. Tama tiyu, te dago doloba pai kolesaga naga usu nama inao,” te po wai. Tama tialima Jongo agai po wali pai.