1 Korin 16:4 - Godigo dwagi yai po buku

⁴ Tama ena me ena pabo homu ebaso da, teda augwali ena dali hodobo paibao.

1 Korin 16:4 Referans Kwoze

2 Korin 8:19

Tama te tiwai naga me ebeo. Menio. Te haniani bulude bidibo Godigo po odobo we bidi augwaligo te aga sa munama, te aga da dali Jerusalem hanuba biliyu, te olo tau sabo wiegi yai kolesaga tau sabo sę emainogo yai. Dago te Genuai Bidi nogi ugwaba siyu te sę ebao, tama te bidi dabe augwali ola menalama augwaligo konemainogo yali, te dago te tau sabo sę yabo homu mu ebao.

2 Korin 8:4

Augwaligo te dago usu da po omainogo bomo mu elama augwaligo me te Godigo po odobo gasa we bidi dabe dali hodobo augwaligo augwa masigigo te Godigo Juda we bidi olo tau sabo sę yaio po bomonama wali.

Polgo Po Pas Rom Dabeba Asęani 15:25

Tiali goli megi hasia bolo ena te Jerusalem hanuba pabo tamadi gagalaibao, te tede bidibo Godigo we bidi tau magi paibao.

1 Korin 16:3

Nosali ena dage bidibo digi sabolobode, teda duga digi te mone sela pabo bidi meba nogo tų elama, dagego te tau sabo masigi dabe te moni hanu Jerusalemba sela pomainogo yaibao. Tama dagego pas dabe asęnama, tama augwalibolo menama, tama augwali teba tagala palaibao.

1 Korin 16:5

Eno tede sę me elalubaso, eno e bulu Efesus tagalama tama hasia ena te Masedonia moni tǫ pedai teba paibao. Te moni tǫ tomodu biliyu, tama tede eno sę silibo si, tama ena dage bidibo madi pedalaibao.