1 Korin 15:10 - Godigo dwagi yai po buku

¹⁰ Tiali goli Godigo olo mu tau sabo kolesagago ena tau selama, tama agai ena megi bidibo tiwai ilali, ena te aga sę ebo tagala palali bidi dao. Tama agai ena olo mu tau sali wiegi yai kolesaga te olo me hagabeo. Mu menio. Eno aga sę bomo mu elama yai, te gasa Godigo po sela pali bidi dabe augwaligo yali sę eno yali sę ebogo aiyaba elaluali. Tiali goli eno ena digi me ebeo. Menio. Te Godigo olo tau sabo wiegi yai kolesaga ena dali bidiyu, agai naga te sę ebo dao.

1 Korin 15:10 Referans Kwoze

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

2 Korin 3:5

Mu tama, dena digi te sę ebo usu egobeo, tama tiyu dena digi dago te magi sę me deli yaibao po me wagobeo. Menio. God deligo naga te dago sę emainogo ebo usu ilibo dao.

Filipai 2:13

Magi baso meni, te dagego aga homu wali pabo homu emainogo, te dagego aga homu wali pabo bomo me elalumainogo, te God aga digi dage tomode aga sę eyu, tama dagego homu agai hodolobo dao.

Galesia 2:8

Tama God agai te Pitabolo aga bomo menama, tama Pitago te Juda bidi hanibolo Godigo po selama pusigi pali. Tama tiwai me te God agai digi enabolo aga bomo menama, tama eno te Juda hani isiąwai we bidibolo Godigo po sela pusigi palio.

Polgo Po Pas Rom Dabeba Asęani 12:3

Te Godigo te eno sę yabo homu kolesaga enabolo olo mobaso, eno dage tigidali deli delibolo e po obao: nago geda muyu naga digi te nage mu koneai bidi mu da nago te homu me elamuo. Te menio. Hasia nago nagede homu dolo kone palao. Te Godigo te agade konealubo po dąų wabo bomo nagebolo dobolama mani. Tama te bomo da, te usu ni tiwai dao, nagede. Tama te usu nigo nago naga sę yabo bomo dali, te nago sę yabo homu kolesaga dali te si usu sao. Dage tigidali deli deligo te tama yao.

2 Korin 12:11

Te eno te ena digi nogi ugwaba sali po tamadi weyu, te eno te kolesaga meni yai bidi tiwai yali. Tiali goli dage, dagego ena hodolobaso tama eno te po wali. Te duga digi eno nogi ugwaba sigi sogo da, te doloba pai kolesaga egi da. Tiali goli tama me tibeo. Mu tama, ena te olo nai tiwai dao. Tama te gasa bidi dabe augwaligo homu te augwali Godigo po sela pabo sę ebo bidi dabe bidiyu, tama augwali te sęde polalubo bidi dabe dao, augwaligo augwa sęde te homu ebo dao. Tiali goli ena dali augwali dali si usu siyu da, teda augwaligo ena te dwasianu sę me delide ena aiyaba elalugobeo. Mu menio.

2 Korin 6:1

Dago sę God dali eyu tama dago te tiwai po bomo elama dagebolo obao: dagego te Godigo olo mani wiegi yai tau sabo kolesaga salio, tiyu dagego agai te olo mu mani wiegi yai tau sabo kolesaga tagalabuo, te kolesagago agai sę dage tomode bugagia emainao.

1 Korin 4:7

Abagi, magi yaliwe? Dego nage genuai bidi muai dawe? Tama nago mena nai te Godide sisąwani nai elalubowe? Te mu tama nago te nai Godide saligo da, teda magi baso te nago naga nogi ugwaba siyu, te naga digi nage te nai page bidi da wainogo ebawe? Te hagoma ebo tagalao.

1 Korin 15:2

Tama Godigo te wiegi yai gesi pogo naga dage ma dobola siyu wiegi yai madiba mubao. Dagego te eno dagebolo pusali wiegi yai gesi po dali duga homugo mu kęą peyu da, te pogo agai dage ma dobola saibao. Te dagego te tiwai isąyu da, teda dagego olo naga Kraisba duga homu tigidali muyu agaba tialuali.

Polgo Po Pas Rom Dabeba Asęani 11:1

Te bidi Aisaiago te tobage po asęai baso, eno e po hanalu obao, te Godigo aga hani we bidi aga digi sela sąyabo homu me yaliwe? Mu menio. Ena me ena te Israel bidi dao. Te bidi Abraham te eno wąį mu dao. Ena te Benjamingo hani dao.

Matyu 10:20

Te duga digi naga te po pusugobeo. Menio. Te duga Ayago Mobo Bidigo, agai te po dagego pedauwalide ola mobaso, dagego te po waibao.” wali.

1 Korin 3:6

Eno da te nai wai bulali. Te Apolosgo te nai wai bulali madi pageba wę gegeli pali. Tiali goli God agai te nai pua pai holomainu iliduali.

1 Korin 3:10

Te God aga olo da tau sali wiegi yai kolesagade ena te Godigo po pusubo sęde te polalubo tobolu bidi te kolesaga koneai kamda bidi tiwai pedalali, tama eno te be pos ni bulalio. Tama gasa bidigo te pos ni daide ugwadu te be sę ebao. Tama tigidali bidi augwali deli deli dua bugagia koneama tama te pos ni daide be sę yao.

1 Korin 15:11

Tiali goli te eno ma augwaligo te gesi wiegi yai po pusali, te tagalao. Te magigo meni. Da aga tagala palali bidi tigidaligo te Kraisde po naga pusubo dao. Tama dagego te pode naga konealubo po duga homugo dąų olama tama Kraisba homu dąų elalubo dao.

1 Tesalonaika 5:12

Dago abagi dabe, dago dagebolo te po obao, dage tomode Godigo sę ebo bidi dabe dologode dage bidao. Genuai Bidi agai te bidi dabe augwali dagego tobolu bidi nigilama bidai, tama te bidi dabe augwaligo Godigo po dagebolo ola mayu, dagego homu kolesaga dodolobo dao.

2 Timoti 4:10

Tama da Godigo kolesaga wali pabo, tebogo da megi me, nosali me tau sabo usu baso, dago bomo eyu sę dene mu ebo dao. God da, te tigidali we bidi ma sabo bidi da, tama agai te Kraisde konealubo po augwa homugo dąų wali we bidi da mu ma dobola sabo bidi dao. Tama tibaso, dago te bidibo ula elalubo Godiba homu begi pelama, tama agai da somainogo dago aga tonalubo dao.

Matyu 25:16

Aga pai madi, tama polo te 5,000 kina sali bidigo te monede bisnis sę elama, tama gasa mone te 5,000 kina sali, te moneba ugwadu daganani mone te profit mone dao.