1 Korin 14:3 - Godigo dwagi yai po buku

³ Me ma, Godigo po pusubo bidi, agai po te we bidibolo weyu, tama te pogo augwa homugo God dali kęą pabo kolesaga tebolo bomo mabo dao, tama augwaligo kolesaga wiegi yai emainu homu hodolama, tama augwali homu nagame ilibo dao.

1 Korin 14:3 Referans Kwoze

1 Korin 14:12

Dagego me dagego te we bidigo konesiąbo pogo po weyu da, teda dage tama tiwai ebo dao. Tialima, dagego te Tedali Mobo Bidigo olo maiabo tau sabo bomo dabe sainogo homu godolo yaligo da, teda Godigo we bidi hani bugagia dolalumainao homu eyu, dagego te augwali wiegi yai mu tau mabo bomo sabo homu bomonama eyu, tama te Mobo Bidibolo te bomo da mao weyu bidiąo.

2 Timoti 4:13

Ena nago bidibo digi nosali asaibao. Te sogo nago ena tonaludu digi, nago te Godigo bukude asęani po aga hani we bidibolo nedebo sę yao. Tama augwalibolo Godigo po pusuyu tama ola mayu bidaluao.

Jutgo Asęani Pas 1:20

Tiali goli dage abagi dabe mu, dagego te Godide konealubo po bugagia dąų olama, tama bidigo aga be bugagia sę ebogia tama duga digi duga homu kolesaga dąų olama te sęde bomo yao. Te konealubo po te gasagi yai tedali mu dao. Tama te Godigo Mobo Bidigo dage te gedu haluasa po wabo tau siyu, tama dagego te po sesemane sogo bugagia dąų weyu yao.

Taitus 1:9

Te Godigo po da te wiegi yai tulalusiąbo po dao, tama te Godigo we bidi tonalubo bidi agai te po odolama, tama agai te po aga homugo dąų wao. Tama tiyu da, teda agai te ola mabo pogo te gasa we bidi tau siyu, augwaligo homu bomo ilibo usu yaibao. Me ma, agai te po sela sąbo bidi dabe dali po miyu, tama augwaligo te pode geda muani kolesaga agai augwalibolo ola mabo usu yaibao.

Efesus 6:22

Tama eno aga dage bidibo digi tagala paliyu, da ede mena tama bidibo wenama tama agai pusaibao, dagego homu dąų walomainu tama yaibao.

Taitus 2:6

Te gesi bidi dabe augwalibolo me ola mayu, tama augwalibolo wao, “Dagego duga tigigo ebo kolesaga bugagia tonaluao,” te po wao.

1 Korin 14:31

Te kolesaga ebogo da, teda dage tigidali deli deligo Godigo po pusagameo, tama dage tigidali we bidigo koneama kolesaga selama, tama dage tigidali bomo somainogo yaibao.

1 Korin 14:26

Ama dedeo, dagego magi yaibawe? Dage lotu po wainogo eyu sisinibo sogo, dage tigidali deli deligo te duga hasi tau sabo sę elalubao. Me deligo te Godigo nogi ugwaba sabo balia weyu, tama me deligo te dage po ola mabo sę eyu, tama me deligo te Godigo agabolo tamadi mani po, tama agai te po pusaibao. Tama me deligo te dago konesiąbo gasa pogo po weyu, tama mego te po begelebo sę elalubao. Dagego ebo sę tigidali ebogo te dage Godigo po odobo we bidi tau siyu bomo momainogo iyąo.

Polgo Po Pas Rom Dabeba Asęani 14:19

Tama tibaso, da te tų naga wali peyu, te da deli homu ilabo kolesaga dali, te dena hasi dena bomo mabo kolesaga dali si, te da pobasa pao.

Godigo Sęba Tagala Palai Bidigo Po 13:15

Tama bidi mego Mosesgo bomo yai po asęani buku nedama, tama nosali bidi mego Godigo polobadu po pusa mani profet bidigo asęani buku me nedama, tama te tobolu bidi dabego Pol dali Barnabas sibolo po ola tolali. Augwaligo augwalibolo te po wai, “Ama dede, dagego dwagi yai po me elalubaso da, teda da we bidibolo dage sigo megi da ola maiąo,” te po wai.

Taitus 2:9

Nago te masigi sisąwai olo sę bidi augwalibolo te po wao: augwaligo tigidali sę ebode te augwa tonalubo bidigo augwali dali dwagi yai homu emainogo tama augwaligo augwa tonalubo bidigo po odolama, tama augwali dologode naga bidao. Tama augwaligo augwa tonalubo bidi dabebolo po wei ponoyu te dwai po me olamuo.

1 Tesalonaika 2:3

Dago dage dali po ola mobadi, te dago te po doloyu, dwai sę yabo po dali, ili po wabo kolesaga dali, dago te tobage po wabo menio.

1 Korin 10:23

Dage tomode bidi mebago e po obao, “Te mi tubo kolesagade te da olo bidibo dao, tede habu selebo po meni. Dago te mi tuyu da, tebogo dago Godigo bomo yai po me bologobeo,” augwaligo te po wabo dao. Awe, mu tama. Tiali goli te tigidali sę ebogo da tau me sogobeo. “Te haniani sę hauwa dago yabo te usu dao,” augwaligo te po me wabo dao. Tiali goli te tigidali sę ebogo da God wali pabo bomo mabo meni.

1 Pita 5:12

Te bidi nogi Sailas agai ena tau siyu, tama eno e pęwadage po dagebolo asęna tolobao. Tama eno homu te bidi Sailas da te aga nogoba muani sę bugagia tonaluyu sę ebo bidi dao. Tama eno e po dagebolo asęyu, tama bomo elama eno dage homu kęna sabo po weyu, tama te eno asęani po te God agai aga we bidi olo tau sabo kolesaga mu dao. Tama tibaso, te kolesaga bugagia dąų olama, tama dolaluyu bidiąo.

Hibru 13:22

Ama dedeo, eno po bomo elama dagebolo obao, dagego eno e mobo mabo wali pode dwagi yai homu eyu, odao, te eno dagego homu dąų ilabo po e pas tomode wai dao. Eno dagebolo e asęna tolobo pas te pęwadage tiwai naga dao.

Hibru 10:25

Tama tiyu, dago te ama dede dali deliba sisinibo kolesaga te me tagalamuo, te bidi mebago te ebo kolesaga tiwai egimio. Menio. Duga koneani, te dago Genuai Bidi Jisas asabo side bodolu te pąba yagasalio. Tama konealigo da, ama dedego homu kolesaga tau siyu dąų walobo sę bomonama dago yao.

Taitus 2:15

Nago eno megi wali ola mabo po te po te we bidi dabe dali nago te po ola mao. Nago augwali te pogo hodolama, tama augwaligo te po wali pomainao. Tama nago te po sela sąnama wali pisąbo bidi augwaligo homu begelemainu nago augwali dali po bomo elama wao. Te bidi dabe augwaligo nage olo bidi yaliwe te homu idali weyu tama nago te ola mabo po bugagia bomonama augwalibolo ola mao.

2 Timoti 6:2

Me ma, te olo sę ebo bagego genuai bidi aga te Godigo po odobo bidi bidiyu da, teda te sę ebo bidi dabego te homu me ilamuo, “Te genuai bidi aga Kraisba homu begi pai bidi bidibaso, aga da te eno ama tiwai dao. Tama tibaso, ena dali eno sę tonalubo genuai bidi dali, te da si Godigo gedude tiwai si dao. Tama tibaso, eno agai po odogobeo, te tigi dene sę egobeo.” Te homu augwaligo ilamuo. Menio. Augwaligo tama homu yao: “Eno bomo elama eno genuai bidigo sę bugagia mu eyu, tama eno te tiwai aga tau saibao. Magi baso meni. Eno genuai bidi aga te Kraisba homu begi pai bidi, tama eno aga dali dwagi yai homu eyu godolo ebao.” Te sę ebo bage augwaligo te homu yao wao. Te sesemane sogo nago te we bidi augwalibolo te tiwai kolesaga eno nagebolo wali po tiwai gilama te we bidi ola madubadi geao, tama augwaligo homu hodolama wali pomainao.

2 Timoti 1:4

Tama wao, “Dagego te haniani olo namu po dali, te polobadu wąį dabego nogi hauwade po mibo dali, te tobage po mibo tagalao,” te po bomonama augwalibolo wao. Magi baso meni. We bidi augwaligo te po odolama, tama tede po miyu, tama augwa hasi wado po wabo dao. Tama tebogo te we bidi augwaligo Godigo sę yabo homu konebo tau sabo menio. Te dago te Godide konealubo po dąų wabo, tebogo naga dabolo Godigo sę yabo homu ola mabo dao.

2 Tesalonaika 3:12

Te Genuai Bidi Jisas Krais agai nogigo bomogo dago te tobage sę ebo bidi dabe augwalibolo po mobo mayu, bomo elama te po obao, augwali nagame elama, bugagia bidiyu, sę eyu, tama augwa digi nai sela tumainogo yao.

1 Tesalonaika 4:18

Te sę pedalama, tama da tigidali te tiwai bidaibao. Tama tibaso, dage tomode we bidi meba augwali isibaso, dagego te pogo duga hasi tau siyu, duga homu dąų walao.

1 Tesalonaika 4:1

Dago abagi dede, dago gasa po me elalubo. Tama da te Genuai Bidigo po sela pabo bidi dabe dao. Tama tibaso, dagego e po tudiba muidali weyu, tama dago bomo elama, dagebolo e po megi obao. Polobadu dago te Godigo gedude dwagi yai dolo yai kolesaga ebo po dagebolo ola mawai. Tama dago te tobage po dagebolo ola menama, tama dagego te po odoyu, wali peyu bidibo dao. Tiali goli, megi dago bomo elama, dagebolo e po megi obao, te dagego dene siyu te tobage sę tigidali dagego bugagia mu yao.

1 Tesalonaika 3:2

Tama te homu elama, da sigo dago ama Timoti dage bidibo digiba tagala palai. Timoti aga te Godigo sę ebo bidi dao. Aga te Jisas Kraisde po pusubo bidi dao. Da sigo Timoti dage pageba tagala palai, tama agai dage bomo mayu, tama dagego Kraisde konealubo po dąų walomainogo, tama augwaligo dage dene mobaso da, dage meba bidi te Jisasgo po tagalidali weyu yai. God aga digi da te dene dali sęgę dali te somainogo, agai da te bodolu mawai.

1 Tesalonaika 2:11

Tama dagego koneai, ayago aga wai dabe dali ebo kolesaga tiwai dago me dage deli deli dali yai dao.

Kolosi 4:8

Tikikus agai te da ede bidibo bage te daba pedalali sę po dagebolo omainogo, tama dagego te po odama homu kolesaga bomo emai yainogo eno aga dage bidibo digi tamadi tagala palaibao.

Efesus 4:29

Tama dagego dwai meda yai po me wagio. Menio. Dwagi yai po naga weyu, te bomo kimi meni yai we bidi augwali bomo somainu te bomo mabo po wabo usu dao. Tama tiyu, dagego te Godigo olo tau mabo wiegi yai kolesaga te dagego po odobo we bidibolo tama mao.

2 Korin 2:7

Tama tibaso, dagego gasa kolesaga me megi iyąo. Te dagego agai sęgę sela sąnama, tama aga homu nagame ilao. Tiyu genuai homu sęgę mugo te bidi aiyaba mu elaluabuo.

2 Korin 1:4

Te tigidali dene mabo sęgę daba pedalobo agai te dago homu nagame ilibo dao. Magi basowe? Agai da homu nagame ilibo kolesagago naga dago te haniani sęgę elalubo bidi dabe augwali homu nagame ilimainogo eyu, te Godigo da homu nagame bugagia ilibo dao.

1 Korin 14:17

Mu tama, nago Godibolo po wali te wiegi yai wali, tiali goli nago te po waligo te gasa bidi homu tau siyu bomo me mabeo.

1 Korin 8:1

Dagego te enabolo asęna tolali pode, tede dagego e po me ena hanalu wali, “Te gasa we bidi augwaligo hasa ela munama, tama te tibo godibolo te ofa tiwai eyu, te hasa mi meba te tibo god pageba mubo dao. Tama da Godigo po wali pabo we bidi dago te tobage mi tubo te usu dawe, ma meniwe?” te po dagego enabolo asęna tolali. Te kolesaga ebode eno wabo po elalubao. Dage mebago e po wabo dao, “Da tigidaligo koneani, te tibo god te olo nai dao.” Awe, te mu po dao. Tiali goli te olo konebo kolesagago te hagoma ebo kolesaga ebo homu hodolaibao. Tiali goli dago dena hasi te gasa we bidi dali wiegi yai homu eyu godolo ebo kolesaga selama, tama tebogo te da Godigo po wali pabo bomai we bidi pedalaibao.

Polgo Po Pas Rom Dabeba Asęani 15:2

Te menio. Da tigidali deli deli dago te da pąde bidibo bidide homugo kone palama, tama aga tau sabo sę yao, te aga wiegi yai kolesaga selama, tama aga te Kraisde konealubo po bugagia dąų wali bidi pedalomainao.

Polgo Po Pas Rom Dabeba Asęani 12:8

Bidi mego te bidi dabe augwali homu hodolobo kolesaga elalubaso da, teda agai te augwali homu hodolobo sę mu yao. Te Godigo hani we bidi tau somainogo aga nai dobabo bidi, aga dwagi yai homu eyu agai nai hauwa augwalibolo mao, te agai nai yogo homu elamuo. Te polalubo bidi, te agai homugo te sę mu yao. Te gasa bidi homu dene eyu tau sabo bidi, te bidi me agai homu pemene wiegi yai elama tama aga tau sao.

Godigo Sęba Tagala Palai Bidigo Po 15:32

Te Judas dali Sailas dali te bidi si Godigo pedauwalide po selama, pusubo bidi da. Augwali si da Jisasgo hani dali hauwa sogo mu bidali, tama augwali sigo augwalibolo po pusulama, tau siyu dąų walali.

Godigo Sęba Tagala Palai Bidigo Po 14:22

Augwali sigo te Jisasgo po wali pabo we bidibolo dwagi yai po mobo mani, augwaligo Jisas konealubo homu dąų walomainu. Augwali sigo te genuai po ola mawai, “Dago te Godigo tųdu pobadi, gasa we bidi augwaligo dabolo haniani sęgę mawaibao, tama nosali Godigo da tonalubo buluba da sabolaibao,” te po wai.

Godigo Sęba Tagala Palai Bidigo Po 9:31

Te side Jisasgo po wali pabo we bidi te Judia tǫde me, Galili tǫde me, te Samaria tǫ me, te bulu we bidi augwali bugagia bidali, wi ebe. Godigo Dwagi Yai Mobogo augwali tau selama, te umabo we bidi Jisasgo poba augwa homu tigidali munama, bomo yali. Augwaligo Genuai Bidigo nogi ugwaba mu sali, te augwaligo Genuai Bidigo po wali pali.

Dwagi Yai Gesi Po Lukgo Asęani 3:18

Te hauwa sogo haniani tųdu Jongo dwagi yai poba asiąo nama, te Godigo po pusubo sogo agai mobo maduali, te we bidibolo, dwai ebo kolesaga hasegelemai hagede Jongo tama odualio.

Hibru 3:13

Tama tiwai pedalidali weyu, megi e sogo Godigo nogi yali “te megi” te me elalubadi, tigidali sogo deli deli dagego wiegi yai po te ama dedebolo mayu, tama augwali homu hodoloyu tau sao. Duga hasi tama tiluao. Tiyu te sęgę sabo kolesagago dage tomode bidi me deli ili po ola mayu, tama te sęgo aga olo palia selamuo.

Godigo Sęba Tagala Palai Bidigo Po 4:36

Te augwaligo te tobage sę ebadi, te bidi me deli bidali, agai nogi Josep. Augwaligo nogi me poai, te nogi Barnabas. Te nogi page, ‘Abagi pogo bidi tau sabo da.’ Agai hani nogi Livai, agai page bulu te Saiprus tǫde, te tamu ąį tomode elalubo tǫ dao.