1 Korin 13:6 - Godigo dwagi yai po buku

⁶ Te gasa bidigo ebo dolo isąwai kolesagade te agai wiegi yai homu pemene me egobeo. Menio. Agai te we bidi augwaligo Godigo mu doloba pai kolesaga ebode te wiegi yai homu pemene agai ebo dao.

1 Korin 13:6 Referans Kwoze

Polgo Po Pas Rom Dabeba Asęani 12:9

Duga hasi dagego duga ama dabebolo dwagi yai homu eyu godolo eba wida, teda dagego homu mu naga eyu augwali godolo mu ela pao. Tama tiyu, dagego te dwai kolesagaba tudi mu ola menama, tama dagego te wiegi yai kolesagaba homu mu kęą sao.

2 Jon 1:4

Eno odali, nago wai dabe meba augwaligo Ayago dabolo “Tama tiao” wali po odoyu, tama augwaligo te mu po wali peyu bidibo dao. Tama odolama, eno dwagi yai homu yai.

Polgo Po Pas Rom Dabeba Asęani 1:32

Te Godigo te tobage dwai sę ebo bage dali ebo homu e tiwai dao: “Te tobage haniani dwai kolesaga ebo bidi dabe augwali isimainao, te dolo mu dao,” agai te homu ebo dao. Te dwai kolesaga ebo bidi dabe augwaligo te Godigo ebo homu bugagia koneai goli, koneama tagalama, augwaligo te tiwai dwai kolesaga yai. Tama augwaligo te sę naga me ebeo. Menio. Te augwaligo te tiwai dwai kolesaga ebo gasa bidi dabe augwali nogi me ugwaba siyu, te sę usu dao weyu yai.

2 Tesalonaika 2:12

Tama elama, Godigo mu po augwaligo homude dąų wasiąyu, tama dwai sę ebo kolesagade dwagi yai homu mu yai we bidi tigidali augwali Godigo po tųde sęgę mu saibao.

Hosea 4:8

“Te eno we bidi dabego dwai sęgę selama, tama tede te hasa dabe ofa mayu, tama te ofa nai te dagego tubo nai tiwai ebao. Tama tiyu, dagego te tobage ofa nai hauwa somainu eyu, dagego te we bidigo dwai sę umabo emainao homu mu ebao,” wai dao.

Bugagia Bidibo Kolesagade Po Asęai Buku 14:9

Te wiegi yai homu meni yani bidi dabego, augwa te deli haliga elalubao, te dwai sęgę sabo kolesaga dao. Tiali goli, te doloba pai bidi dabego augwade digi te wiegi yai kolesaga eyu, tama augwa deli haliga naga elama bidibo dao.

Maika 7:8

Te dago boi bidi dabego te dabolo posobo po omainu me ilamuo. Mu tama, da tulaluali, tiali goli, te da ma hodaluaibao. Da be hulia side megi bidibao, tiali goli te Genuai Bidigo ula dabolo mawaibao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Filipai 3:18

Polobadu hauwa sogo eno dagebolo wai dao, tialima megi eno dagebolo ma obao, tama eno homu dene eyu gedude ąį pedalabo dao. Magi baso meni. Godigo po odobo we bidi hani tomode te we bidi hauwa augwaligo ebo kolesagago augwali te Krais ni pedaide isali sę page dali boi bidi ilibo dao.

Filipai 1:18

Magigo meni. Bidi mebago ena dali dwai homu eyu, augwaligo Kraisde po te we bidibolo pusubo dao. Bidi mebago me te homu mu eyu, te we bidibolo Kraisde po pusubo dao. Awe, usu dao, po meni, augwaligo Kraisde po pusubaso eno dwagi yai homu mu ebao. Tama eno dwagi yai homu mu eyu tama bididuaibao.

Dwagi Yai Gesi Po Lukgo Asęani 22:5

Tibaso, augwali homu dwagi yai yali. Augwaligo po weyu, te po wai, “Nage dago mone ge mawaibao.”

Jeremaia 20:10

Eno odali, te bidi hauwa augwa hasi pomu po dua digi mia siyu, te tiwai po obao, “Jeremaia aga te po wabo bidi, ‘Te bidi dabe wi ilibo sę eyu, te tigidali badu bidaibao.’ Tegoba, dago aga po tų ilaibao. Te megi tama po tų ilinao,” augwaligo te po wabo. Te eno hai namu tigidaligo homu te dwai sę enaba pedelama, te ena aiyaba elalumainao homu ebao. Tama augwa te tiwai po wali, “Te dago aga gaga munama, te dago aga aiyaba elaluama, te agai yali dwai kolesaga wei ponaibao,” te po wai.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Godigo Nogi Ugwaba Sabo Tęąbi Po Wabo Buku Dabe 119:136

Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

Godigo Nogi Ugwaba Sabo Tęąbi Po Wabo Buku Dabe 10:3

Te dwai sę ebo bidigo te aga ebo dwai homu kolesagade hagoma homu eyu ebo dao. Tama te hauwa nai wei eyu, pesa ebo bidigo agai te Godiba dwai po weyu, tama aga tudiba mudu gebo dao.

Ma Dobola Sali 18:9

Tama Jetrogo te wiegi yai sę Genuai Bidigo te Israel dabe augwali te Isip dabego nogode ma sainogo yali po odolama, tama aga wiegi yai homu mu yai.

Hosea 7:3

Genuai Bidigo te po wali, “Te meba we bidigo te haniani dwai kolesaga yabo po minama, tama augwaligo te king, me aga ofisa dabe dali homu bega sabo po weyu, tama augwali tibo po ola mabo dao.

Matyu 18:13

Awe, eno mu po dagebolo obao, te agai gegali sipsip subaso da, teda agai te hagasiąwani bidibo sipsip dali wiegi yai homu yai goli, agai te hagawai sipsip ma sali te sipsip delide wiegi yai homu pemene mu yaibao.