1 Korin 13:5 - Godigo dwagi yai po buku

⁵ Agai te bidi dabe augwali dali te kolesaga usu isąwai bidigo ebo kolesaga ebo meni. Agai te aga doado bage dabede te nai yogo homu ebo meni. Te agai sębę polo me egobe, konila po polo wagobeo. Te augwaligo agabolo dwai sę ilibaso, te agai te sęde aga homugo ma nededu gebo meni.

1 Korin 13:5 Referans Kwoze

1 Korin 10:24

Bidi me deligo aga digi naga bugagia bidabo homu me elamuo. Menio. Tigidali we bidi deli deligo te gasa bidi bugagia bidimainogo homu eyu tama augwali tau sabo kolesaga yao.

Jems 1:19

Eno dwagi yai ama dedeo, dagego e po pagede bugagia kone palama, koneao. Dagego te po odabo homu sisi elama, wabo po odao. Te dagego polo asesa te po weyu, tama dagego polo wado po wabo homu olamu dao. Dua yao, sębę polo egimio.

Filipai 2:21

Tigidali gasa bidi dabe augwa naide naga homu eyu, tama tede tonalubo dao, tama augwaligo Jisas Kraisgo sęde homu eyu tonalubo menio.

Filipai 4:8

Eno ama dedeo, eno po silagasu wabo po me deli waibao. Dagego eno e nedebo kolesaga nogi selama tama augwalide naga dagego homugo bugagia kone pabalo piduao. E tobage kolesaga augwali dwagi yai dao, tama tigidali we bidigo e kolesaga ebo bidigo nogi ugwaba sabo dao. E dao: te tibo po wasiąbo kolesaga me, te wiegi yai kolesaga me, te Godigo gedude me bidigo gedude me dolo kolesaga, tama meda isąwai kolesaga dali, te abagi homu ilibo kolesaga dali, te doloba pai kolesaga dali, te dwagi yai nogi elalubo kolesaga dali, te tobage ebo kolesagade dagego homugo kone pabalu pidubadi geao.

Galesia 5:13

Ama dede, polobadu God agai dage i wai dao, dage olo mu bugagia bidimainu yai. Tama dage megi olo mu bugagia bidiyu, tama bugagia suao. Te da te bomo yai po dologode bidisiąbaso, tama dago polo homu kolesaga wali peyu, tama dena tigigo kolesaga wali pinao, te homu egimio. Te menio. God agai da tau selama, tama da olo mu bugagia bidibaso, tama dage duga hasi dwagi yai homu eyu, duga abagi tau sao, te augwaligo olo sę ebo bidi tiwai bidao.

1 Korin 12:25

Agai tama tiwai ebaso, te augwali tedali me pebeda pogobeo, menio, te tigidali deli deli badu te augwaligo augwa hasi te gasa badu te deli sę tiwai naga eyu bugagia tonalumainogo ebo dao.

2 Korin 5:19

Dago pusubo po e tama tiwai: God agai te Kraisgo yali sęgo te tigidali we bidigo te boi bidi sę ebo kolesaga tagalama, tama aga dali abagi homu pedalomainogo yai. Agai te augwaligo yali dwai sęde homu kone ma ebeo. Tama agai dabolo te boi bidi dabe aga dali abagi homu ilabo po pusubo sę dabolo mawai dao.

1 Korin 10:33

Ena me eno te tiwai kolesaga ebo dao. Eno homugo te eno ebo kolesaga tigidalide te we bidi tigidali augwaligo dwagi yai homu naga emainao. Tama te homu ebaso, eno ena digi naga bugagia bidabo homu me egobeo. Meni. Eno homugo te eno tigidali we bidi augwali tau siyu, tama Godigo augwali ma dobola somainogo eyu, tama eno ena ebo kolesaga tigidali tama dodolobo dao.

1 Korin 11:18

Tede hasia bolo eno te po obao: te dage lotu wainogo sisinibo sogo, dage tedali tedela pabo dao. Eno te tiwai po dagede odobao. Tama eno homu te po meba te mu po dao, dagego te tiwai ebo dao.

Matyu 5:22

Tiali goli megi eno po dagebolo obao: Tama bidi mego aga ama dali sębę eyu da, te bidi aga po tuba odasa paibao, tama dene saibao. Tama bidi mego aga ama dali dwai po obaso da, teda te bidi aga te polalubo kaunsil bidibo digiba pelama, po tų emainogo yao. Tama bidi mego aga ama dali nogi posobo po weyu, nage sę isiąbo homu meni yai dwai bidi dao weyu da, teda te bidi aga te dwai madigi sia dabo dene sabo buluba paibao.

Dwagi Yai Gesi Po Lukgo Asęani 7:39

Tama Jisas i wali Farisi bidigo aga homude ‘E bidi Godigo po ola mabo bidi tigi sogo da, teda te mena tama bilibo wego ena dią yagasobo we homu egi dao, ma mena tama bidibo we yaliwe wagi dao,’ te Farisi bidigo te homu yali.

Dwagi Yai Gesi Po Makgo Asęani 3:5

Tama agai augwaliba tonono bilama, tama augwaligo te nogo dwai bidi homu dene esiąbaso, aga sębę yali. Tama agai augwaligo tabi dagana sabo sulama, tama aga tede homu sęgę yali. Tama agai po te bidibolo wali, “Nage nogo debelao.” Tibaso, aga nogo debelali, tama nogo wiegi yai ma pedalali.

2 Tesalonaika 3:7

Polobadu da dage dali bidibadi, tama da olo bidai menio. Tama dagego koneai, dagego dago yali kolesaga tiwai gilama tama dagego tama tiao.

1 Korin 7:36

Te bidi me deli aga homugo agai te dolo meniabo kolesaga te aga noma sali gesi wegi te dali te tiwai kolesaga ebaso, tama agai homu te wede hodoloyu bomo mu eyu, tama agai suali te gasa sunumi me elalusiąbaso da, teda te bidigo te wegi kęmainao. Te sęgę sabo sę ebeo. Te augwa si bidimainao.

Matyu 9:4

Tama Jisasgo augwaligo homude wabo po koneama, tama agai augwalibolo te po wali, “Magi baso dagego dwai homu eyu, te duga homude te dwai dwai po obawe?

Aisaia 3:5

Te tigidali bidi dabego aga hasi me aiyaba elaluainu sę bomo yaibao. Te gesi ogomani wegi manigo te augwa bolo monu dabego po obaso, sela sąnama, dagą waibao. Tama dwai kolesaga homu pągąna pai bidi dabego te dwagi yai homu kolesaga yai bidi dabego po sela sąwaibao.

2 Samuel 10:3

te Amon bulu tǫ pedai tobolu bidi dabego te augwa kingba te tama tiwai po wali, “Nago homugo Devitgo te bidi dabego te nago ayabolo homu dene eyu, te genuai nogi magasu asali da, homu eyu teba, agawe? Mu menio. Agai augwali tagala palali, te dago hanu taun te bugagia sula selama, tama nosali te aga ami bidi dabe dali aselama, te da dolagasainu yalio,” tama po wali.

Polgo Si Wali Pas Timotiba Asęani - 2TI 2:10

Tama tibaso, eno ena homu dąų walama, tama eno te sęgę tigidali tolobode bomo elama dolalubo dao. Eno te Godigo aga sa muani we bidi tau sainu ebo dao. Eno homugo te Krais Jisasgo yali sęgo te Godigo augwali ma dobola selama, tama dagalude bugagia mu bidada peyu, bidada pomainu ebo dao.

Jeremaia 11:19

Hasia eno te sę yabo konesiąwai. Ena te sipsip wai me deli tiwai te bidi dabego selasa pelama, ena eligi pabo tiwai yaibao. Te bidi dabego te tiwai po mia salio, ‘Tegobao, dago megi tama ela muinao, te bidigo te ni du walobadi togobo tiwai yaibao. Dago aga mu silama, te bidi dabego aga homu kone ma egobeo.’ Augwaligo tama po wali,

Bugagia Bidibo Kolesagade Po Asęai Buku 14:17

Te haliga sębę polo ebo bidi dabego te esela pabo bidigo kolesaga ebo tiwai yaibao. Te bidigo aga homugo ebo kolesaga digi te usu nabo homu ebo bidi te we bidi dabego homude godolo mu me egobeo.

Jopgo Po Asęani Elalubo Buku 21:27

“Eno polo koneani, dagego homu dabe. Dagego ena aiyaba elaluabo homu naga te ebao.

Israel Hanigo Namba 16:15

Mosesgo te po odama, aga sębę elama, tama Genuai Bidibolo e tama po walali, “Nago te bidi hani dabego sesali ofa nago selamu dao. Augwaligo te po wali, eno augwali subigila tolalubo po wali. Tiali goli, eno augwaligo kibu donki deli me wi siyu, me augwali dali dwai kolesaga me eyu me ebeo. Mu menio,” wali.

Israel Hanigo Namba 12:3

Te bidi Moses agai aga nogi aga aiyaba dualabo bidi mu dao. Te kolesagade agai te gasa bidi dabe tigidali aiyaba elaluai dao.

Polgo Si Wali Pas Timotiba Asęani - 2TI 4:16

Te ena ede Rom hanude bidiyu, tama te hasia sogo eno te po tųde te po wei ponani sogo te bidi me deli ena tau sabo po me wagasobeo. Menio. Tigidali bidi augwaligo ena tagalali. Eno homugo te augwaligo te dwai sę te Godigo homu kone me elamuo, wei ponamuo.

Israel Hanigo Namba 32:6

Tama Mosesgo te Gat hani, me te Ruben hani dali po bomona weyu, te po wali, “Magi baso dage ede bidiyu, duga Israel hani meba naga boi hwįgi pomainu ebawe?