1 Korin 13:3 - Godigo dwagi yai po buku

³ Tama eno ena doado bage tigidali te magi nai meni yai we bidi dabe augwalibolo mena mena pelama, tama ena te Kraisde boi bidi homu ebo bagego selama, tama eno tigi te siaba ulama tama ena te isiyu da, tiali goli eno te gasa we bidi dali dwagi yai homu eyu godolo ebo kolesaga esiąyu da, teda te eno yali tigidali dwagi yai sęgo ena dwasianu tau sabo usu me egobeo.

1 Korin 13:3 Referans Kwoze

Dwagi Yai Gesi Po Jongo Asęani 15:13

Bidi me deli aga abagi dabe dali godolo mu eyu, tau somainogo, aga bidabo ula augwali tobade olo mobaso da, teda te tobage kolesagago gasa kolesaga tigidali aiyaba elalubo dao.

Matyu 23:5

Augwaligo ebo kolesaga tigidali te we bidi dabego augwali genuai nogi yai bidi da olama sumainogo tibo dao. Awe, te bomo yai po wali peyu, augwaligo te Godigo po asęani nogo mo dali, te wiani dali, augwa tigide mubo dao. Tama augwa gudali ugwa sesegede te sesemo elalubo dao. Tiali goli te we bidigo augwali sumainogo augwaligo te nogo mo me te wiani me te sesemo me, augwaligo te nai genuai mu nigilama mubo dao.

Galesia 5:26

Tama tiyu, dago dena digi dena nogi ugwaba siyu, tama dago dena ama homu hodolobo po weyu aga sębę yabo po wagio, tama tiyu dago homugo augwaligo nai sabo homu elamo dao.

Dwagi Yai Gesi Po Lukgo Asęani 18:28

Tama te bidi nogi Pita agai Jisasbolo te po wali, “Suao. Dago be dabe tagalama, nage wali asobao,” wali.

Hibru 13:9

Tama tibaso, te gasa haniani haniani ola mani pogo dagego homu kegeyu, tama dagego Godigo tų wali pabo tagalu gogologimio. Te dago homugo te Godigo da olo tau siyu mabo kolesagade dago bomo sai yai baso da, te wiegi yai dao. Dago homugo te haniani nai tubode bomai po wali pabode te bomo sainogo ebo usu egobeo. Te kolesagade bilali we bidi augwali te kolesagago tau me sabeo.

2 Timoti 4:8

Nago koneani, te dago tigigo sę ebogo te tigibolo bomo mobaso, tebogo da tau sabo dwasianu usu ebo dao. Tiali goli Godigo kolesaga wali pabogo te da tau sabo te hauwa mu ebo dao. Te sę ebogo da megi te bugagia bidibo ula mabo dao, te nosali bidabo ula tau sabo me te usu yaibao.

Dwagi Yai Gesi Po Jongo Asęani 12:43

Augwaligo te homu yai, ‘Bidi dabego dabolo “Dage dwagi yai bage dao,” obaso, te usu dao, te genuai dao. Te Godigo naga dabolo “Dage dwagi yai bidi dao,” obaso, te genuai menio, usu egobeo,’ augwaligo te homu yai.

Dwagi Yai Gesi Po Lukgo Asęani 18:22

Te Jisasgo te bidigo wali po odama, tama agabolo te po wali, “Magi nai me deli elalubuo, te sę nago ebeo. Nago beba pelama, naga doado bage tigidali selama, maketba munama, tama gasa bidi dabego abelaibao. Tama te doado bagede sali mone sobaso, te nai meni yai we bidi dobayao. Nago te sę ebaso, Godigo bidibo madide nago doado bage hauwa mu elaluaibao, nosali. Tama nago te sę elama, nage ena wali asao,” Jisasgo te po wali.

Godigo Sęba Tagala Palai Bidigo Po 21:13

Tama tiali goli, Polgo te po wei ponoyu te po wali, “Magi baso dage gela obawe? Dagego gela wagio. Tama dagego te homu sęgę ena magio. Suao, ena Jerusalemba pobao. Tama augwaligo ena kalabuside mubaso da, eno wi menio. Eno Genuai Bidi Jisasgo po pusa mobadi, augwaligo homugo ena elabo homu ebaso me, elemainao,” te po wai.

Dwagi Yai Gesi Po Jongo Asęani 13:37

Pitago agabolo te po wai, “Genuai Bidi, magi baso eno nage megi wali pogobewe? Eno nage tau somainogo ena isiyu da, te usu yaibao,” Pitago te po wai.

Dwagi Yai Gesi Po Jongo Asęani 6:63

“Te mu bidabo bomo mabo bidi da, te God agai Mobo Bidi naga dao. Bidigo bomogo dwasianu me tau sogobeo, usu egobeo. Te po eno dagebolo polo wai dao, te pogo dagebolo God agai Mobo Bidi mabo dao, agai dagebolo te mu bidabo bomo momainogo.

Dwagi Yai Gesi Po Lukgo Asęani 19:8

Tama Sakius doligulama, agai te Genuai Bidi Jisasbolo te po wai, “Genuai Bidi, suao. Eno masigi dabe, doado bage tigidali si bugwaibao. Si bugulama, nai meni yai we bidi dobawaibao. Tama bidi mebolo eno ili po olama, agai nai wi sali da, tama megi te nai eno me si me si elama, wei ponaibao,” wali.

Jeremaia 7:8

“Dagego te tibo poba homu dąų wabo dao. Tialima, te pogo dage tau me sogobeo.

Filipai 2:3

Gasa bidi tau sabo kolesaga tagalama, tama duga digide naga homugo kone paluyu, duga nogi naga olo ugwaba sabo kolesaga eyu, dage te tiwai bidilamuo. Te menio. Te imilai homu eyu, e homu yao, “Te gasa we bidi augwali dwagi yai bage dao. Ena augwali dologode bidaibao,” te homu yao.

Aisaia 57:12

Tiali goli, te eno dagego ebo kolesaga te pebeli diliba hanilaibao, tama dagego homugo te wiegi yai da olama wali pabo sę ebo kolesaga dabe, te augwaligo dage dwasianu tau me sogobeo. Mu menio.