1 Korin 12:6 - Godigo dwagi yai po buku

⁶ Te haniani tau sabo sę ebo homu kolesaga elalubo, tiali goli te God deligo naga te tigidali bidibolo bomo dali homu kolesaga dali si menama, tama augwaligo tigidali tau sabo sę ebo usu yaibao.

1 Korin 12:6 Referans Kwoze

1 Korin 12:11

Eno megi tama nedada pali haniani sę yabo homu kolesaga augwali tigidali te Godigo Mobo Bidi deligo naga te nigibo dao. Te aga homugo digi agai te gasa sę yabo kolesaga te gasa bidi me delibolo dobayu, tama gasa bidi mebolo te gasa sę yabo kolesaga mayu ebo dao.

1 Korin 3:7

Tama te nai wai bulali bidi, agai nogi te meni yaibao. Tama te wę mabo bidi, agai nogi me te elalugobeo. Magigo menio. Godigo te nai holomainu ilidubao, agaduba deligo genuai nogi naga elalubo dao.

Dwagi Yai Gesi Po Jongo Asęani 5:17

Tialima, Jisasgo po wei ponoyu, te po wai, “Eno Aya agai sę polobadu yali sę megi tama te ela asobao. Tama eno me ena sę ebao,” Juda dabe genuai bidi dali Jisasgo te po wai dao.

Kolosi 3:11

Tama Godigo tama tibaso, megi aga gedude te we bidi haniani tedali elalubo menio. Te Juda hani isąwai hani dali Juda bidi hani te si tedali gasagi yai meni. Te tigiwali togolama sa elalubo bage dali, te tigiwali togisiąbo bage dali, agai gedude te tedali gasagi yai me menio. Te bulu tomode mu bidibo bidi dabe dali, te bulu yowi tiwai bidibo bage me, te augwaligo sęde dąų olama masigi sisąbo sę ebo bage me, te olo bugagia bidibo we bidi me, Godigo gedude augwali tedali tedali gasagi gasagi yai meni. Te magigo meni. Krais aga digi naga te genuai dao, tama aga te aga we bidi tigidali deli deli tomode bidibao.

Efesus 4:6

Tama te God me deli digi naga bidibo, te da tigidali tǫde hani bidi dabe dago Aya deli aga dao. Tama agai tigidali bidi aiyaba elaluama tama agai nogi dali bomo dali te ugwadu mu elalubao, tama tiyu agai sę tigidali we bidi tomode eyu, tama tigidali bidi tomode bidibo dao.

Kolosi 1:29

Tama te sę emainogo eno bomo eyu tama ena sę dene mu ebo dao. Kraisgo enabolo aga genuai bomo menama, tama te bomogo naga eno bomo eyu te sę ebo dao.

Filipai 2:13

Magi baso meni, te dagego aga homu wali pabo homu emainogo, te dagego aga homu wali pabo bomo me elalumainogo, te God aga digi dage tomode aga sę eyu, tama dagego homu agai hodolobo dao.

1 Korin 15:28

Tama nosali Godigo tigidali nai Krais dologode munama silibo si da, teda God aga Ogwa digi te God dologoba pelama, te tigidali nai aga dologoba munama, tama God te tigidali nai dali, tigidali we bidi dali tobolu bidi mu bidimainogo yaibao.

Jopgo Po Asęani Elalubo Buku 33:29

Si sela sogo Godigo te kolesaga we bidi dabe dali ebo dao.

1 Korin 12:5

Tama dago dena hasi haniani tau sabo sę ebo, tiali goli dago Genuai Bidi deli naga bidibao.