1 Korin 12:3 - Godigo dwagi yai po buku

³ Tama tibaso, eno homugo dagego hania koneao, te Godigo Mobo Bidi te bidi me deli dali bidama tama agabolo po mobaso da, te bidigo te po me wagobeo, “Jisas hagamainao, agaba dwai sę pedalomainao,” te po munu me wagobeo. Me ma, te Tedali Mobo Bidi meni yani bidigo “Te Jisas da, te Genuai Bidi dao” po wabo te usu me egobeo.

1 Korin 12:3 Referans Kwoze

2 Korin 3:5

Mu tama, dena digi te sę ebo usu egobeo, tama tiyu dena digi dago te magi sę me deli yaibao po me wagobeo. Menio. God deligo naga te dago sę emainogo ebo usu ilibo dao.

Polgo Po Pas Rom Dabeba Asęani 10:9

Tama nago po hanilama pusuyu Jisas aga te Genuai Bidi da po olama, tama nago naga homude te Godigo aga te gų pagede ma hodolali sęde konealubo po dąų weyu da, teda Godigo nage ma dobola saibao.

Dwagi Yai Gesi Po Jongo Asęani 13:13

Dagego enabolo po ola mabo bidi da weyu, tama Genuai Bidi dao wabo dao. Ao, dagego te po mu po dao. Ena te bidi tama dao.

1 Korin 8:6

tagalao, te dade dago God deli naga te elalubao, te God Aya dao. Aga te tigidali nai page bidi. Tama dago agai sę emainogo eyu da aga wai mu bidibao. Tama te Genuai Bidi deli naga elalubao, te Jisas Krais da. Agai te tigidali nai nigali. Tama dago bidibo ula te agadu sai dao.

Dwagi Yai Gesi Po Jongo Asęani 15:26

Te Jisasgo po me weyu, te po wai, “Te tau mabo Mobo Bidi eno Aya dali bidibo. Tama eno aga dage bidibo digi tagala palaibao. Aga mu po naga wabo Mobo Bidi dao. Tama aga aselama, agai te we bidibolo enade po ola mawaibao.

Matyu 22:43

Tama agai augwalibolo te po wai, “Tialima magi baso Godigo Mobo Bidigo Devitbolo e homu kolesaga menama, tama Devitgo aga Genuai Bidi da nogi waliwe? Agai e po wai,

Dwagi Yai Gesi Po Makgo Asęani 9:39

Jisasgo agabolo te po wai, “Dagego te aga habu me selamuo. Te bidi me deli agai eno nogide te bomai sę me ebaso da, teda agai polo tama te eno nogi posobo po me wainogo me egobeo.

1 Korin 16:22

Bidi me deli aga homugo te dago Genuai Bidi Krais dali dwagi yai homu ebo hagela homu eyu da, te bidi agabolo dwai sę pedalomainao. Genuai Bidi, nage asao!

Bomai Po 21:23

teda te nide walalubadi, te be huliama, kigamu ebo te habu mu dao. Magi baso meni. Bidigo tigi te nide walalubo te Godigo gedude te dwai sęgę maiabo bidi mu dao. Tama tialima, te bidigo tigi te bidi isibo sogo tama pubulao. Ma, meni eyu da, teda te Genuai Bidi dago God agai dabolo te mani tǫ te agai gedude te dwai meda mu ilaibao,” Mosesgo te po wali.

2 Korin 11:4

Magi baso meni. Te bidi meba augwali dage pageba pedalama, tama Jisasde gasagi yai po pusubao, augwaligo wabo po te dago te Jisade pusubo po tiwai me wabo meni, te gasagi yai tedali dao. Tama te kolesagade dagego te gasagi yai mobo sabo, te dagego polobadu sali te Tedali Mobo Bidi tiwai meni. Tama dagego gasagi yai po augwalidu odobao, te dagego dade sali te wiegi yai gesi po tiwai meni, te gasagi yai tedali dao. Te bidi me deligo te tobage kolesaga dage tomode me ebaso da, teda dagego dwagi yai homu eyu, agai te tobage kolesaga emainogo gogolobo dao. Tiali goli te dolo menio.

Polgo Po Pas Rom Dabeba Asęani 9:3

Eno homugo te Godigo eno ama dede augwali ma dobola somainogo ebo homu godolo ebao, augwali ena dali deli kaneme elalubao. Tama te tų elalugi sogo da, augwali tobade te eno Kraisba gedu haluasa po olama agai ena i ola mayu tama sela sąnama tama ena hagamainogo elama tama augwali tau somainogo hasegeligi da. Eno te homu bomonama ebo dao.

Kraisgo Geme Dualali Sę Pedelabo Po Jonbolo Ola Mani 1:10

Tama ena e bulude bidibadi, ena te moni Sarere ulade digi na tiwai ebadi Godigo Mobo Bidi agai enaba dagana sagaselama, tama ena tudi badu bidi me deligo po dage bomonama weyu i wabo odali, te genuai bu wabo nai yadogoli te biugel bu wabo odai.

Galesia 3:13

Tiali goli dago koneai, da te sę ebode usubeo, da te bomo yai po tigidali mu wali pisąwai bage dao. Tama tibaso, da te Godigo dabolo maiabo dwai sęgę dologode bidali. Tialima, Krais agai da ma abelama, tama megi da te dwai sęgę dologode bidibo menio. Tama agai da ma abelali sę e tiwai yali, agai te Godigo dabolo maiabo dwai sęgę aga tigide selama, tama aga digi isali. Tama Godigo po bukude te po me deli e dao, “Te augwaligo nide walali bidi te bidi te Godigo dwai sęgę maiabo bidi dao,” te po asęani. Tama augwaligo Krais eleyu, te ni pedaide walama, tama aga da tobade te Godigo dwai sęgę maiabo bidi aga pedalai.

Dwagi Yai Gesi Po Jongo Asęani 13:14

Ena te po ola mabo bidi, Genuai Bidi da. Te eno dagego sągą ąį megi tama tela yali. Tama tibaso, dagego me duga ama dabego sągą ąį telabo sę tama yao.

Godigo Nogi Ugwaba Sabo Tęąbi Po Wabo Buku Dabe 109:20

Eno homugo te Genuai Bidigo ena po tų ebo bidiba te tiwai dene momainu yaibao, magi baso meni, augwaligo te dwai po enaba walio.

Godigo Sęba Tagala Palai Bidigo Po 8:37

Filipgo agabolo te po wai, “Jisasba nago homu kolesaga tigidali agaba muyu da, teda eno nage baptais mawaiba,” te po wai. Te bidigo te po wai, “Eno te Jisas Krais da te Godigo ogwa eno mu konealubo homu ebao.”