1 Korin 12:11 - Godigo dwagi yai po buku

¹¹ Eno megi tama nedada pali haniani sę yabo homu kolesaga augwali tigidali te Godigo Mobo Bidi deligo naga te nigibo dao. Te aga homugo digi agai te gasa sę yabo kolesaga te gasa bidi me delibolo dobayu, tama gasa bidi mebolo te gasa sę yabo kolesaga mayu ebo dao.

1 Korin 12:11 Referans Kwoze

1 Korin 12:4

Te Godigo Tedali Mobo Bidigo haniani sę yabo homu kolesaga dabolo olo mu mabo dao, tiali goli te Godigo Mobo Bidi deli naga elalubao.

Hibru 2:4

Tama ebadi, God me agai te po te haniani bomai sęgo me tama agai haniani bomo yai idualigo te po mu po dao dabolo hania ola mani. Tama tiyu, agai te Mobo Bidigo olo mabo haniani wiegi yai sę ebo kolesaga te we bidi dabe augwaliba dobayali, te God aga digi homugo tama tiai.

2 Korin 10:13

Tiali goli da dali, God agai te dago sę yabo madi sesegede dąį ilali. Te dąį ilama, tama dage Korin bulude bidibo we bidi dage te dąį tomode bidibao. Tama dago ebo sęde dago dena sali dąį edelama tama dago dena nogi ugwaba me sogobeo.

Efesus 4:7

Te Krais agai da deliba sisinama, tama agai da deli tigi tiwai nigilai goli, tama agai da usu selama, nedama, tama aga homu wali peyu agai da deli delibolo haniani sę yabo homu kolesaga agai dabolo dobawai dao.

1 Korin 12:6

Te haniani tau sabo sę ebo homu kolesaga elalubo, tiali goli te God deligo naga te tigidali bidibolo bomo dali homu kolesaga dali si menama, tama augwaligo tigidali tau sabo sę ebo usu yaibao.

Jems 1:18

Agai aga homu kolesaga naga wali peyu, agai mu po dabolo ola menama, tama da aga hani mu tiwai dao. Te da aga hani tomode te gomunai bidi tiwai bidimai hagede agai da nigali. Te Godigo da nigilama, te tigidali gasagi yai nai dabego gomunai bidi dabe bidiyu, te dago te nai dabe tonalumainogo yai dao.

Efesus 1:11

Ao, te God agaduba agai te nosali pedalabo sęde homu bugagia konea pelama, tama agai homugo magi sę yainogo ebo sę, te sę tigidali mu pedalobo dao. Tama agai te homu kolesaga wali peyu, tama polobadu agai da Juda dabe sa muai. Tama aga homugo da Juda dabe da aga hani we bidi mu bidimainogo agai da Krais dali wadolali. God agai te sęde hasia mu konea pelama, tama tiwai dao.

1 Korin 7:17

Tiali goli dago Genuai Bidigo te deli deli bidibolo dobaba pali sę eyu, tama aga te sę eyu bidibadi te Godigo aga i obaso da, teda aga te sęde naga bilao. Eno te tiwai bomai po te tigidali Godigo po wali pabo we bidi hanibolo bomonama ola mabo dao.

1 Korin 7:7

Te eno homugo tigidali we bidi te ena digi tiwai bidimainu homu ebo dao. Tiali goli eno koneani, te Godigo tigidali bidi deli delibolo te haniani sę yabo kolesaga mani. Te me deligo te gasa tobage me tiwai tedali siyu, te gasa mego te gasa tiwai tedali sali.

Polgo Po Pas Rom Dabeba Asęani 12:6

Godigo dabolo olo mabo kolesaga elama, tama da deli delibolo gasagi gasagi yai te we bidi tau mabo sę yabo kolesaga dobola mani, te agai olo mabo kolesaga yai. Tama agai tama tialigo da, te da tigidali deli deligo te mani kolesagago dena hasi tau mao. Tama tiyu, bidi me deligo te Godigo po pusubo homu kolesaga elaluyu da, teda agai te aga Godide konealubo pogo bomo wali pelama te Godigo po pusao.

Polgo Po Pas Rom Dabeba Asęani 9:18

Tama tibaso dago koneani, te Godigo aga homu naga wali peyu te olo tau siyu mabo wiegi yai kolesaga te bidi me delibolo yainogo da, teda agai te olo mabo wiegi yai kolesaga te agabolo yaibao. Me ma, te bidi me deli agai te po odosiąbo bidi ilainogo homu eyu da, teda agai te bidi te po odosiąbo bidi ilibo dao.

Dwagi Yai Gesi Po Jongo Asęani 5:21

God Ayago isai bidi ma hodolama, bidabo bomo mabo dao. Tama tibo gilama, Ogwago me aga homugo we bidibolo bidabo bomo mabo dao.

Dwagi Yai Gesi Po Jongo Asęani 3:27

Jongo po wei ponoyu, te po wai, “Te God agai deli nai deli bidibolo me masiąyu da, te bidi agaduba naga me sogobeo.

Dwagi Yai Gesi Po Jongo Asęani 3:8

Te wali asobo da, te aga homu kolesagago te wali gasaba gasaba pabo dao. Nago te wali asobo po naga odobo dao, tialima nago mena badu pedalama, tama ma mena badu ma paliwe, te po wabo dao. Tigidali bidi gesi noma pedalobo augwaligo te tiwai egibi naga ebo dao,” Jisasgo te po wai.

Matyu 20:15

Te mone te eno sę ebo nai dao. Ma, eno te ena monede digi te tiwai homu egobewe? Eno wiegi yai kolesaga aga dali ebaso, nago homu dwai ebawe?’ gi page bidigo te po wali,” Jisasgo te po wai.

Matyu 11:26

Awe, Aya, nago te tiwai yaibao homu elama, tama tede dwagi yai homu eyu, nago tama tiwai naga yai dao.” Jisasgo te po aga Ayabolo wali.

Daniel 4:35

Agai suali, te tǫde bidi dabe te olo nai tiwai yali. Te dagalude ensel mobo bidi dabe, me tǫde bidi dabe, te aga dologode bidiyu, tama agai augwali tonalubao. Te agai magi sę me deli yainu ebo sogo, te niwai bidi me deligo te paligobeo. Tama te niwai bidi mego agaba te tama po me hanalu, “Nago magi yainu ebawe?” te po me wagobeo.’ Eno te po wai.”

1 Korin 12:18

Tiali goli tigi te tiwai me elalugobeo. Menio. Godigo aga digi homu wali peyu, te tigi tigidali badu te haniani sę yabo nai deli deli muna muna pali, te aga digi godolo yainogo tiwai dao.