1 Korin 12:1 - Godigo dwagi yai po buku

¹ Eno ama dedeo, te Godigo Tedali Mobo Bidigo te haniani sę yabo homu kolesaga dabolo mabode, te dagego tede gisiga konesiąma bididali weyu eno tede dage homu dodolabo po me megi pusaibao.

1 Korin 12:1 Referans Kwoze

1 Korin 14:37

Tama bidi me deli aga homugo digi aga te Godigo po pusubo bidi da te homu ebaso, ma aga digi homugo te Godigo Tedali Mobo Bidigo agabolo te Godigo we bidi tau sabo sę agabolo mani, te homu eyu da, teda aga koneao, te po eno dagebolo megi asęani te Genuai Bidigo bomai po dao.

Efesus 4:11

Tama aga digi agai naga agai te wiegi yai nai dabe bidi dabebolo e tiwai olo mawai: te agai meba bidi augwalibolo Godigo po sela pelama pusigi pabo sę yabo bidi nigilai. Bidi me badubolo agai wabo po ola mabo bidi te sęba muai. Bidi meba augwaligo Godigo wiegi yai po pusa mabo sę yabo bidi nigilai. Tama me badu bidibolo te Godigo we bidi hani tonalubo sę dali te Godigo po ola mabo sę dali emainu agai te sę augwalibolo mawai dao.

2 Pita 3:8

Tiali goli, abagi dede dabe mu, dagego homugo te po me deli gegeda pigio. Te po e dao, te Genuai Bidigo gedude be deli sogo siade te kibu be hauwa mu 1,000 tiwai te si dao, tama te kibu be hauwa mu 1,000 wabo kibu be te deli sogo siade tiwai si dao. Te Genuai Bidigo homude te si te deli tigi tiwai dao.

1 Tesalonaika 4:13

Dago abagi dede o, edao. Te Godigo po wali pisiąwani we bidi augwaligo augwa homu Godiba musiąyu, te isali we bidi gų pagede ma hodalobo sogo augwaligo tonalusiąma, tama te isibo we bidide augwali homu dene eyu, gela mu wabo dao. Tiali goli, dago homugo te Godigo po wali pelama isali we bidide te dagego bugagia koneao. Dagego te buluba bidibo we bidigo gela wabo tiwai waidali weyu, dago e po dagebolo obao.

2 Korin 1:8

Ama dedeo, te dago homugo te moni tǫ pedai Esia tede te sęgę daba pedalali te dagego koneaibao. Te genuai sęgę mugo da aiyaba elaluama, tama dago bomo aiyaba mu elaluali. Tama tiyu, tama dago homugo te da isabo homu yali dao.

1 Korin 10:1

Ama dedeo, dage ede gegeda pelamuo: dago wąį dabe tigidali te bidi meni yai dwai bulude bilibadi augwali te dagalu pǫ dologode bugagia bidali. Tama augwali tigidali te sągągo naga pelama, tama te tamu ąį nogeyu sana pai dao.

Polgo Po Pas Rom Dabeba Asęani 1:13

Eno ama dedeo, eno homugo dagego e po bugagia koneiąo, hauwa sogo eno te dage bidibo madi asaibao homu yali. Tiali goli sesemane sogo nai me deligo te ena tų palialubo dao. Te eno sęgo gasa bulude bidibo Juda hani isąwai we bidi augwali tau selama te augwaligo Godigo po wali pabo we bidi pedalali, tama eno dage tomode me te tau sabo sę egi pabo homu hauwa sogo yai dao.