1 Korin 11:6 - Godigo dwagi yai po buku

⁶ Te tobage dwai penani kolesaga ebo we hale ilimainogo augwaligo aga tobolu nisi tigidali mu poabo dao. Tama te dage tomode te we me deligo aga tobolu halusiąma tama Godibolo po obaso, te wego te sę ebogo aga bidi tama aiyaba elalubaso, aga tobolu nisi mu poa yao. Tiali goli we aga tobolu nisi mu poabo te moni hale iliyu da, teda te we te lotu obadi aga tobolu te nami ugwago halumainao.

1 Korin 11:6 Referans Kwoze

Bomai Po 22:5

“Te we sibigo te bidi ogwago ugwa gudubo habu mu dao. Me, te bidi sibigo te we sibigo ugwa gudubo te habu mu dao. Genuai Bidi dago God agai te tobage kolesaga dabede dwai homu mu ebo dao. Mu tama dao.”

Israel Hanigo Namba 5:18

Tama te we eno gedude me dolalubadi da, te pris bidigo te wego tobolu haluali ugwa sela sąnama tobolu nisi olo tagalao, tama tobolu nisi olo elalumainogo yao. Tama pris bidigo te bidi aga homugo aga we dwai sę elama, gasa bidi dali piali da homu ebo bidigo ofa yali plaua selama, tama te plaua te we nogoba tolomainao. Tama pris aga digi te ha wę tǫ sene tolalumainao. Te węgo te dwai kolesaga yali we bidi dabe dolobo dao.

Godigo Sęba Tagala Palai Bidigo Po 18:18

Te bidi Pol aga te Jisasgo po wali pabo hani dali hauwa sogo bidali, te Korin be nanide. Tama nosali agai augwali taga soali. Agai te Prisila dali, Akwila dali augwali sela te Siria tǫba pabo gagalali. Tama Senkria be naniba tǫdu sabolama, tede Pol agai Godibolo bodolu mawai. Aga tobolu nisi poayali, te bodolu mani po dąų omainu yai.

1 Korin 11:5

Tama we me deligo te aga tobolu halusiąma tama Godibolo po obaso, ma Godigo po pusubaso da, te agai aga bidigo tobolu bidi tama tiwai bidiyu, aga aiyaba elalubo dao. Te dwali. Tama tiyu da, te aga te hale isąbo moni tųdu bilibo we tiwai dao.

1 Korin 11:7

Bidigo te aga tobolu me haluamuo. Magi baso meni, te Godigo bidi nigali sogo agai aga digi tiwai nigalio, tama te bidibolo Godigo aga digi wiegi yai homu kolesaga tiwai mani. Tiali goli te we aga te aga bidigo kolesaga naga elalubo dao.