1 Korin 11:3 - Godigo dwagi yai po buku

³ Me ma, te dagego ena te po hanalu wali, “Te da deliba sisinama tama Godibolo po weyu, tama Godigo po odoyu tebo sogo, te dago we dabe sibi augwaligo augwa tobolu te nami ugwago haluaibawe ma meniwe?” te po dagego ena hanalu wai dao. Tiali goli eno homugo hasia dagego te po konemainogo obao: te bidi Kraisgo tobolu bidi te God dao, tama tigidali bidigo tobolu bidi te Krais dao, tama wego tobolu te aga bidi dao.

1 Korin 11:3 Referans Kwoze

Tigidali Nai Gagalama Nigali Side 3:16

Tama Yawe Godigo te webolo te po wai, “Te nage haliga elalubadi, te eno nagebolo genuai sęgę mawaibao. Tama nago wai ame nabo sogo, te nage genuai dene yaibao. Tiali goli, te nago naga bidi godolo mu eyu, tama agai nage tonaluaibao,” wali.

Kolosi 3:18

Dage bidigo sai we dabe sibi, dage deli deli duga bidi dologode bidiyu agai po odao. Dage dago Genuai Bidi Krais wali pabo we bidibaso tama tiao.

Kolosi 1:18

Godigo po odobo we bidi augwali da te Krais aga tigi tiwai dao, tama aga da te aga tigigo tobolu dao. Tama aga da te tigigo bidabo bomo page bidi dao. Aga naga te tigidali naide polalubo bidi bidimainogo eyu, tama aga da te Godigo hasia ogwa da, tama aga hasia mu gų pagede hodaloai bidi dao.

1 Korin 3:23

Tama dage te Krais dologode bidiyu dage agai we bidi hani dao. Tama Krais aga digi God dologode bidiyu aga Godigo bidi dao.

Efesus 4:15

Te menio. Da Godigo we bidi hani tomode dena abagi dabe augwali dali wiegi yai kolesaga eyu godolo mu elama, tama Godide mu po naga wao. Tama tiyu, tama da te tobage wiegi yai sę idubadi, tama da Kraisde mu dąų waibao. Aga te dago tigigo tobolu bidi aga deli dao.

1 Pita 3:1

Te da te tigidali tuni bidi dologode bidabo po tama wali peyu, tama dage we dabe sibi dage deli deli duga bidi dologode bidiyu aga po odao. Tama tiyu, te bidi meba augwaligo Godigo dwagi yai po odobo hagela yai digi, augwaligo wego wiegi yai kolesaga ebo suyu, te wego po mobo masiąwaį goli te bidi augwa homu begelaibao.

Kolosi 2:19

Te po wabo bidi agai Krais aga homugo dąų wabo tagalai dao. Krais aga da te tobolu tiwai dao, tama da Godigo po odobo we bidi te tigi tiwai dao. Tama te tobolugo te tigi sese bugagia tonaluyu te dili dabe te kigibiligo deliba bugagia dąų olama, tama nai tulama tama te tigi dwagi yai pedalobo dao. Tama da Godigo po odobo we bidi me te dago tobolu bidi Krais dali tama wadolama, tama Godigo bomo selama da bugagia holobo dao.

Kolosi 2:10

Tama dage aga dali wadolobaso, agai dagebolo te bidabo ula sese mawai dao, tede dage sǫą pogobeo. Krais agai te bomo elaluyu tonalubo sę ebo genuai mobo bidi dabe tigidali aiyaba elaluama, tama aga polalubo bidi dao.

Dwagi Yai Gesi Po Jongo Asęani 14:28

Dagego eno mani po odai dao, eno dage taga peyu, ena pelama, tama ena dage bidibo digi ma asaibao. Dagego ena godolo mu egi sogo da, teda ena Aya pageba ma pabode dagego dwagi yai homu egi da. Magi basowe? Aya God aga genuai bidi mu dao, tama ena aga dali usu menio.

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Aisaia 55:4

Konea sao, eno aga genuai bidi pedalumainu ilama, te agai gasa bulu tǫ kantri tonalumainu yai. Te agade, te eno bomo augwaliba ola mawai dao.

Aisaia 52:13

Genuai Bidigo te tiwai po wali, “Suao, bugagia konea sao. Tigidali sę eno sę bidigo ebo te bugagia mu pedelaibao. Te bidi dabego agaba genuai nogi mayu, te aga nogi ugwanu mu saibao.