1 Korin 11:23 - Godigo dwagi yai po buku

²³ Magi baso meni. Te eno dagebolo mani po te eno dago Genuai Bidide naga te ola mani po sali. Te e tiwai dao: te pio hulide Judasgo Jisas te Juda dabe boi bidigo nogoba musiąbadi, te sogo pio hulide te Genuai Bidi Jisasgo

1 Korin 11:23 Referans Kwoze

1 Korin 15:3

Te eno polasa po dagebolo hasia bolo mani, te eno me eno polobadu te po naga sali. Te po e tiwai dao: te Krais isilama dago dwai sęgę tigidali sela samainogo yali, te Godigo po bukude polobadu asęani po tama usu nani.

1 Tesalonaika 4:2

Tama te Genuai Bidi Jisas agai da tau selama, tama dago dagebolo te sę yao po wali, te dagego koneai dao.

Bomai Po 4:5

“Edao. Eno dage tigidali haniani bomai po ola mena silali, te God dago Genuai Bidigo dabolo wali gilama tiai dao. Megi da, dage te bulu sigi pelama, tama tede duagi paibao. Tama dage te bulude bidiyu da, teda dagego te bomai po tigidali wali piagameo.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Galesia 1:1

Ena da Pol da. God agai ena tagala palali, eno agai po wagi pomainogo yai. Bidigo ena tagala palobeo, bidi mego ena te po wagi pabo sęba mubeo. Te menio. Te God dago Aya dali te agai te gų pagede ma hodolai bidi Jisas Krais dali, augwali sigo ena te sęba muai dao.

Godigo Sęba Tagala Palai Bidigo Po 20:7

Te dwasianu Sarere pio te da deliba sisinama, te Jisasgo po wali pabo we bidi dabe me sisinama, nai bolo tuali. Tama Pol agai te we bidibolo Jisasgo po pusa mani. Agai te bobobage po pususu pedubadi, huli tomo mu yali. Magi basowe? Agai homugo do augwali taga paibao.

Matyu 26:34

Jisasgo agabolo te po wali, “Eno mu po nagebolo obe dao, e sogo megi hulide, te ba kakaruk po wasiąbadi tama sela sogo nago po weyu, nago ena konebeo te po waibao.”

Matyu 26:17

Te polali side te bo disąwai nai bret tubo sogo olo bidibo side, Jisas aga wali pabo bage augwali aga pageba aselama, tama augwaligo te po wai, “Nago homugo dago nago Pasova tuabo nai menade sisi ilagawe?”

Matyu 26:2

“Dagego koneani, si sogo naga bidilama, tama te bo disąwai nai tubo si nogi Pasova te pedelaibao. Tama augwaligo te Godigo Bidi Mu te boi bidi dabego nogoba munama, tama augwaligo aga te ni pedaide walaibao,” wali.

Dwagi Yai Gesi Po Lukgo Asęani 22:17

Te Jisasgo agai te bono du kaneme wain wę pągąwai kap selama, Godibolo usu da po olama, tama aga bidi dabebolo mayu, te po wai, “Dage te bono du kaneme wain wę selama, duga hasi tomode dobola selama, tuao.

1 Korin 10:16

Te dago komunion tubaso da, dago te kapde gedu haluasa po olama tama Godibolo puba hwi po wabo dao. Te kapde elalubo wain ąį da tigidali deli deligo tubo si da, tebogo dago te bidi Kraisgo tigi kaneme dobayu tubo dao. Tama dago komunion tubadi, dago te dwasianu pebedama dobaba pabo bret, dago te bret tubo si da, tebogo dago te bidi Kraisgo tigi mi dobayu tubo tiwai ebo dao.

Kolosi 3:24

Tama tiyu dagego koneao, Genuai Bidi agai dage wei ponoyu tama dage aga nai nosali sabo we bidi dabe ilaibao. Te Krais aga da te dagego Genuai Bidi bidi dao, tama dagego sę ebogo aga tau sabo dao.