1 Korin 11:16 - Godigo dwagi yai po buku

¹⁶ Tialima, bidi me deligo te wego Godibolo po obadi aga tobolu haluabo sęde konila po wabo homu eyu da, te agai koneao, dago gasagi yai kolesaga me elalubo meni, tama gasa bulude bidibo Godigo po odobo we bidi hani dabego me te gasagi yai kolesaga me elalubo menio. Da tigidaligo te we aga tobolu haluabo kolesaga wali pabo dao.

1 Korin 11:16 Referans Kwoze

1 Korin 7:17

Tiali goli dago Genuai Bidigo te deli deli bidibolo dobaba pali sę eyu, tama aga te sę eyu bidibadi te Godigo aga i obaso da, teda aga te sęde naga bilao. Eno te tiwai bomai po te tigidali Godigo po wali pabo we bidi hanibolo bomonama ola mabo dao.

1 Tesalonaika 2:14

Dago ama dabe, dage augwali tiwai dao. Augwali te Jisasde homu dąų obaso, te Juda bage mebago hagela ebaso, augwali dene mawai. Tama te tiwai dage me duga hanigo nogode dene sai dao.

Godigo Sęba Tagala Palai Bidigo Po 21:24

Naga dali te bidi me si me si nama bidi me nage hodobo te Moni Lotu Be tempel teba pao. Tama dagego te Juda dabego lotu po wabode te kolesaga ebode God gedude dwagi yai yaibao. Godibolo nai mabode nago te bidi me si me sibolo nago masigi mao. Tama augwa tobolu nisi poala sąyagameo, te augwaligo bomai po bodolu God dali sai tiwai. Nago te tibo si te Juda hanigo subo si, nage Juda dabego bomo yai po wali pobao waibao. Augwaligo nage te sę ebo sulama, augwaligo nage dago bomo yai po dabe bolobo menio koneaibao.

Godigo Sęba Tagala Palai Bidigo Po 21:21

Tiali goli, gasa bidi dabe me badu augwaligo te hani we bidibolo nago nogi dolobo po wali. Augwaligo te geda mubo po tiwai wabo da, ‘Pol aga tigidali buluba pelama, tama agai Juda hani gegebo da. Tama agai koneama, te po augwalibolo ola mabo da, “Dagego Mosesgo dago wąįbolo mani bomo yai po wali pigio. Dagego ogwa ame nabode, tigiwali togogimio. Dago wąįgo yali kolesaga tudiba tagalao,” Polgo te tobage po ola mabo dao,’ augwaligo te po wabo dao, nago nogi dolomainogo.

1 Korin 16:1

Dagego ena te Judia tǫde bidibo bage tau sabo masigide po hanalu wali. Megi eno te po wei ponoyu, dagego te sisinama Godigo we bidi augwalibolo mawainogo ebo masigi po wabo elalubao. Te sę yabo sunumi eno te Galesia moni tǫde bidibo Godigo po odobo we bidi hani dabe augwalibolo ola mani, tama dagego me te tiwai gilama yao.

1 Korin 4:5

Tama tibaso, te sogo me elalubadi, te dago Genuai Bidi asisąbadi dagego te gasa bidi mego ebo kolesaga dagaligio. Aga asama tama agai te we bidi augwaligo augwa homu tomode geme dualaluali po tigidali selama te ulaba muagasaibao. Tama tigidali bidigo homu kolesaga hania hanilaibao. Tama te sogo Godigo da tigidali deli deli bidi te dago yali sę osola sulama, tama te sę usu baso agai te sę yali bidigo nogi ugwaba saibao. Bidi deli deligo yali sę usu nama te aga nogi te tama naga ugwaba saibao.

1 Korin 9:1

Te gasa we bidi me tau siyu tama augwali dolidali weyu, eno te gasa kolesaga me ebo dao. Ena olo mu bidibo dao, te gasa bidigo enabolo “E tiwai kolesaga yao” te po wabo usu egobeo. Tama me ena te Godigo po sela pabo sę bidi mu dao. Aga te gų pagede hodaluama tama nosali eno digi gedugo ena dago Genuai Bidi Jisas mu suai bidi dao. Te eno dago Genuai Bidi tobade sę yaligo tama te sęde naga dage te God wali pabo we bidi pedalali.

1 Korin 9:6

Te gasa Godigo po sela pabo sę ebo bage tigidali augwaligo te Kraisde po pusubo sę sesemane sogo ebaso, tama augwa nogogo te masigi sabo sę ebo meni. Te ena me Barnabas da sigo naga te tiwai me ebo usu meniwe?

1 Korin 11:15

Tiali goli te wego bobage tobolu nisi elalubaso da, te aga wiegi yai au yabo nai elalubao. Magi baso meni, Godigo bobage tobolu nisi agabolo mani te aga tobolu halualumainogo yali.

Jeremaia 32:11

Eno te pepa si asęai, te tǫ abelali bomo yai po, me da sigo dąų wali po me, te pepa side elaluai. Pepa me deli te eno bebelali, te gasa pepa me eno bebelibeo.